رابطه مالكي الفيرنا ...الجزء الاول الاخير

[moe gawad]

اوعى تعلى من قدام. التعليه من الخلف بس. العلايات الاماميه بتخلى العربيه تعوم جدا.
مهندس عاصم اشكرك على فكرة الجروب. وانا تحت امركم 24ساعه فيما يخص اى مشكله فى العربيات. بس سيبولى فرصه 8 ساعات نوم بس

[verna2008auto]

اوعى تعلى من قدام. التعليه من الخلف بس. العلايات الاماميه بتخلى العربيه تعوم جدا.
مهندس عاصم اشكرك على فكرة الجروب. وانا تحت امركم 24ساعه فيما يخص اى مشكله فى العربيات. بس سيبولى فرصه 8 ساعات نوم بس

كفايه عليك 6 بس ياهندسه .. هااااااا ..
واله ننزلك شغل كمان يوم الحد ونلغي الاجازات خالص ..
احنا كده بقا
دي ضريبة الشهره والنجاح

[wael6]

النهاردة وانا بمون غاز لقيت جوه البنزينه زيت توتال غاز لوب20-50 ب 74 ج
وبيقولواا بيتغير كل 3 الاف كم ؟
ايه رايكم فيه ؟
وشكرا جزيلا

[wael6]

عن نفسي ولو مكانك ..(( هاركب 4 )) عليات

حاليا علاية فى كل جنب احط واحده عليهم
ولا اتنين كمان فى كل جنب ( طمع بقا هههههههههههههه )

[moe gawad]

علايه واحده فىىكل جنب . للعربيه من الخلف فقط علشان الاسطوانه.
وموضوع زيت توتال . خليك فى زيت فيسكو زى ما التوكيل نصحك بيه هو كويس وغيره كل 4000 كم . وسعره تقريبا فى بنزينات الغاز 101 وجملته على المحالات الخارجيه حوالى 95 جم .

[verna2008auto]

علايه واحده فىىكل جنب . للعربيه من الخلف فقط علشان الاسطوانه.
وموضوع زيت توتال . خليك فى زيت فيسكو زى ما التوكيل نصحك بيه هو كويس وغيره كل 4000 كم . وسعره تقريبا فى بنزينات الغاز 101 وجملته على المحالات الخارجيه حوالى 95 جم .

مافيش بعد الكلام ده كلام ..

[wael6]

علايه واحده فىىكل جنب . للعربيه من الخلف فقط علشان الاسطوانه.
وموضوع زيت توتال . خليك فى زيت فيسكو زى ما التوكيل نصحك بيه هو كويس وغيره كل 4000 كم . وسعره تقريبا فى بنزينات الغاز 101 وجملته على المحالات الخارجيه حوالى 95 جم .

شكرا جزيلا لاهتمامكم وافادتكم القيمة

فيسكو 2000 ولا فيسكو 3000 ؟

وجزاكم الله خيرا

[moe gawad]

3000 اللى نو بسعر 101 جم فى محطات الغاز وبياخده 23 جم ثمن الفلتر و 5 جم ثمن تفريغ و تعبئة الزيت بموتور السياره
شوفت انا متابع الدنيا ازاى .

[verna2008auto]

3000 اللى نو بسعر 101 جم فى محطات الغاز وبياخده 23 جم ثمن الفلتر و 5 جم ثمن تفريغ و تعبئة الزيت بموتور السياره
شوفت انا متابع الدنيا ازاى .

تسلم لنا

[verna2008auto]

تسلم لنا

اين انت يا مومبيك

[verna2008auto]

شباب الفيرناويه ..
بسؤال المتخصصين في السيارات
عملت موضوع مهم جداااا... اسمه اسأل استشير .. ده بيتكلم في كل شيء ليه علاقه ب فيفي او اي عربيه ..
اللي عنده سؤال يقدر يسأله هنا .. وها يعرف الاجابه كامله بدون رغي ..
http://www.nilemotors.net/Nile/412573-a.html

[verna2008auto]

اخبار جديده يا فيرناويه ..

منقول
http://www.nilemotors.net/Nile/40186...ervice-35.html
احلى مفاجأه لأحلى منتدى فى الدنيا :
الحمد لله تم الاتفاق على اكبر صفقه فى حياتى بفضل ربنا سبحانه وتعالى وحده .
العرض الاول وهو عرض الافاده لعملاء نايل موتورز. شراء قطع الغيار الاصليه من داخل التوكيل نفسه . كافة قطع الغيارسواء صيانات دوريه او عفشه ، باعلى نسبة خصم موجوده ، ويتم الشراء من طرف المركز نفسه،
يعنى مثلا السيور والكاتينه والبلى كامله بسعر 550 جم ، والسعر ده زى سعرهم بمحلات قطع الغيار الخارجيه ، بس طبعا مافيش حاجه امها مشكوك انه مضروب وبتاع .
والله شوفت بعينى فى احد المراكز و بيبعت لمحل قطع غيار انه عنده عبوات الاصلى ، المحل ده فى جسر السويس وانا وقفت التعامل معه لهذا السبب ، شوفت عبوات الكاتينه والسيور الخارجيه ، وبيحط جواها سيور الدنجل الكوريه ، ولما سألته ليه العبوات الفارغه ديه ، قال لى انى الموضوع لو جالى عميل عاوز اصلى وانا خلص عندى السيور الخارجيه الاصليه اتصرفلو ، لانى ساعات بشترى الاصلى من غير عبوات، طبعا مافيش الكلام ده ، انا بجيب طقم السيور كامل مقفول بسيل التوكيل نفسه ، وبسعر 350 جم للسيور كامله بالكاتينه والسيلز مرقم ومختوم بختم غبور اوتو، والبلى للكاتينه بسعر 200 جم مقفوله العبوات ومطبوع عليه الباركود ، ويمكن مراجعتهم من خلال موقع الشركه ،

2. العرض الثانى ، تم بحمد الله التعاقد مع شركة شيل لانزال جميع منتجاتها زيوت ومياه كامله ،
3. عرض القنبله ، وده اللى هايفجر صفحات المنتدى ، تم بحمد الله التعاقد على اعتماد مركزى المتواضع من احد التوكيلات الكوريه وانا الان موجود فى بورسعيد وتم توقيع العقد صباحا اليوم والحمدلله ، وسيتم البدء فى بناء الهانجر الكبير بنفس موقع المركز بدايه من الاسبوع القادم إن شاء الله، وجارى البحث على مهندس استقبال وملاحظ للورشه ، وده فقط لارضاء العملاء ، على انه سيتم افادتكم باسم التوكيل المعتمد بعد الانتهاء من تعليق اليفطه ، ده بسعلشان السر والكتمان ،
واسعارنا هاتفضل زى ماهى إن شاء الله ، دون اى زياده ، وبدون اى الغاء لخصومات المنتدى ، وسيتم البدء فى دورات تدريبيه كبيره للفنيين بالمركز عندى ، مع انهم مش محتاجين دورات والحمدلله بس ده شرط التوكيل ،

قولو مبرووك ولا ايه

[verna2008auto]

شجره بنزين الفيرنا

ده حل موضوع شجره بنزين الفيرنا بالاسعار كمان
منقول
توبيك رقم 10

http://www.nilemotors.net/Nile/412573-a.html#post3875496749

شجرة البنزين اعراضها ، زيادة استهلاك البنزين الغير طبيعيه، ورائحة بنزين عاليه جدا داخل السياره اثناء السير ،
وتغيير شجرة البنزين يوجد منها فى السوق طريقتين للشراء
1. اما شراء ماسورة البنزين فقط من داخل الشجره الكامله، وهى المشكله دائما منها ، وسعرها 220 جم ، ومش هاتلاقوها غير عند نافع شارع دمشق او ابراهيم البنا فى التوفيقيه ، والاثنين بنفس السعر ،
وممكن تلاقوها عند سامح بشرى بشارع شبرا بس مش دائمة التواجد هناك
2. شراء الشجره بكافة المواسير كامله، وديه موجوده فى كل محلات قطع الغيار ، وثمنها يتراوح بين 290 و 325 باختلاف المحلات ،

ومافيش منها حاجه اسمها اصلى وكورى والالش ده، علشان فيه اشتغالات كتير فى موضوع الشجره، كلها مصرى ، فلا تترك احد يكذب لمجرد البيع بسعر مرتفع ، كله واحد، زى مثلا الخرطوم الدائم المشاكل الخاص بعلبة الباور، برده نفس الكلام ، فيه واحد يقولك انا عندى الاصلى اللى مش بيبوظ بسعر 100جم ، قوله لا شكرا انا عاوز ابو 40 جم ، حتى لو مضروب ، لانى كلهم استيراد غبور ، مافيش منهم مضروب واصلى ، غير طبعا الخراطيم اللى بالمتر المصنعه تحت السلم ، انا بتكلم على الخرطوم نفسه ومغلف فى كيس بلاستيك ومطبوع عليه علامة هيونداى ،
لواحد فى السوق شاف بلاوى والله يا عاصم،
فيه واحد كل لما عميل يروحله عنده مشكله بسيطه جدا تتعلق مثلا بتغيير زيت فتيس ولا حساس من الحساسات ولا اى حاجه فى الفتيس، يقولو غير فتيس كامل وريح دماغك، حسسنى انى الفتيس ثمنه 50 جم مثلا ، وده كله لمجرد انه متعاقد مع شخص فى بيع الفتايس وبياخد منه نسبه عاليه غير طبعا المصنعيه 350 جم فى تركيب الفتيس،
ده غير الصنايعى اللى عنده كل لما حد يدخولو يقولو الماكينه خفيفه وعاوزه طقم شمبر ،
سائق تاكسى معاه لانوس وهو كان ضابط بالقوات المسلحه وعلى المعاش وعربيته مافيهاش غاز ، اسمه الحاج احمد ، وده عميلى ، من حوالى 7 شهور اتكسر عنده طبق من الاطباق فى وش السلندر ، راح جرى على النجم بيقولو الحقنى عربيتى عامله 60 الف كيلو بي مع انها موديل 2007 واتكسر منها كستبان، قالو هانفتح ونغير الطقم،
ولبسو الراجل بعد الفتح فى طقم شمبر ، وخدو منه 1000 جم مصنعية عمره كامله ، بحجة انهم طالما فتحو الوش لازم يعملو شمبر ، وده كلام الصنايعى اللى عنده،
اقسم بالله العظيم بعد ال 8 شهور الراجل معملش غير 10 الاف كيلو، والعربيه جابت زيت على البوجيهات و جوه البوابه ، بسبب نوعية الشمبر اللى مش مضبوط مع بستم السياره، وطبعا الحجه انى صاحب العربيه هو اللى شاريه ، طيب وهما ركبوه ليه، مطالبوش تغييره ليه ، وطبعا عدى 8 اشهر يعنى الضمان راح عليه ، لا حول ولا قوة الا بالله وحده، والله العظيم لما شوفت كده انا دمعت على عدم الضمير الموجود
معلش انى صدعتكم بس انا فعلا صعبان عليا الراجل ده ، ونفسى اساعده باى طريقه ، لدرجة انى عرضت عليه انى اعمله العمره بدون مصنعيات ، بس هو رافض الموضوع

[verna2008auto]

تابعونا يا فيرناويه علي رابطه الفيرناويه
كل اسئلتنا ها نجاوب عليها
وهانعرف حاجات كتيييير

[wael6]

الف مبروك
ومن تميز الى تميز باذن الله تعالى