بفكر فى النترا 2010

[mans336]

السلام عليكم ورحمة الله وبركاته
حاليا بدور على عربيه كويسه اشتريها ان شاء الله على اخر شهر 7
بفكر فى النترا 2010
عاوز اعرف كل حاجه عن العربيه
اول حاجه اكشف عليها فين ؟؟ انا مكانى فيصل
قطع الغيار ايه نظامها؟؟ متوفره جديد واستيراد ولا ايه؟؟ واسعارها ايه ؟؟
اخبار الثبات والوسع ايه؟؟
السحب بتاعها؟؟
سعر اعادة البيع ايه؟
ايه المشاكل والعيوب اللى فيها؟؟
وعاوز اعرف تبقى فى حدود كام لو حالتها نضيفه ان شاء الله

[mahmoud_afifi]

السلام عليكم ورحمة الله وبركاته
حاليا بدور على عربيه كويسه اشتريها ان شاء الله على اخر شهر 7
بفكر فى النترا 2010
عاوز اعرف كل حاجه عن العربيه
اول حاجه اكشف عليها فين ؟؟ انا مكانى فيصل
قطع الغيار ايه نظامها؟؟ متوفره جديد واستيراد ولا ايه؟؟ واسعارها ايه ؟؟
اخبار الثبات والوسع ايه؟؟
السحب بتاعها؟؟
سعر اعادة البيع ايه؟
ايه المشاكل والعيوب اللى فيها؟؟
وعاوز اعرف تبقى فى حدود كام لو حالتها نضيفه ان شاء الله

عليكم السلام ورحمة الله

انا هقولك بحكم ان معايا نفس الموديل من الزيرو لحد دلوقتي
انت قريب من ابو رواش اكشف هناك. وفي مركز اسمه توب جير في فيصل ممكن تكشف هناك برضه لأن الناس بتشكر فيه.

قطع الغيار متوفره جديد (اصلي و كوري) واستيراد كمان. الاسعار بتاعة الاصلي عاليه شوية يعني تيل فرامل امامي ب500 وشوية بعد زيادة الاسعار وقبل كان ب400. فلتر هوا ب135 اصلي. البوجيهات تقريبا ب120 مش متذكر.

بالنسبه للثبات مش حلو على سرعات اعلى من 120. اما اقل من كده كويسه وبتستجيب للمناورات (الغرز) كويس من غير ما تعوم. والوسع كويس جدا.

السحب ممتاااااز بالتكييف او من غير.

سعر اعادة البيع مش عارف بس الكوري عامة لو انت جايب اعلى فئه هتخسر في اعادة البيع اما لو جايب اول فئه مابتخسرش جديد. وده رأيي و الي لاحظته مش معلومه مؤكده.

العيوب:
لو بتحمل على العربيه او حتى ركبت معاك 2 او 3 اشخاص ورا العربيه بتهبط جامد
التوكيل مش حلو بس مراكز الصيانه الكويسه كتير
في عيب مشهور قوي في موديل 2010 بالتحديد وهو ان مكنة الازاز بتعمل دبه في الفتح والقفل. وانا غيرت المكنه قبل كده والجديده عملت نفس المشكله. وحصلت مع ناس كتير هنا في المنتدى معاهم موديل 2010 برضه.
مافهاش abs

الخلاصه لو حابب الالنترا رغم كل ده يبقى توكل على الله. هي عربيه حلوه رغم كل عيوبها.
اما عين العقل بيقول تجيب سيراتو موديل 2010 وهيكون فيها abs

[M I D O]

عليكم السلام ورحمة الله

انا هقولك بحكم ان معايا نفس الموديل من الزيرو لحد دلوقتي
انت قريب من ابو رواش اكشف هناك. وفي مركز اسمه توب جير في فيصل ممكن تكشف هناك برضه لأن الناس بتشكر فيه.

قطع الغيار متوفره جديد (اصلي و كوري) واستيراد كمان. الاسعار بتاعة الاصلي عاليه شوية يعني تيل فرامل امامي ب500 وشوية بعد زيادة الاسعار وقبل كان ب400. فلتر هوا ب135 اصلي. البوجيهات تقريبا ب120 مش متذكر.

بالنسبه للثبات مش حلو على سرعات اعلى من 120. اما اقل من كده كويسه وبتستجيب للمناورات (الغرز) كويس من غير ما تعوم. والوسع كويس جدا.

السحب ممتاااااز بالتكييف او من غير.

سعر اعادة البيع مش عارف بس الكوري عامة لو انت جايب اعلى فئه هتخسر في اعادة البيع اما لو جايب اول فئه مابتخسرش جديد. وده رأيي و الي لاحظته مش معلومه مؤكده.

العيوب:
لو بتحمل على العربيه او حتى ركبت معاك 2 او 3 اشخاص ورا العربيه بتهبط جامد
التوكيل مش حلو بس مراكز الصيانه الكويسه كتير
في عيب مشهور قوي في موديل 2010 بالتحديد وهو ان مكنة الازاز بتعمل دبه في الفتح والقفل. وانا غيرت المكنه قبل كده والجديده عملت نفس المشكله. وحصلت مع ناس كتير هنا في المنتدى معاهم موديل 2010 برضه.
مافهاش abs

الخلاصه لو حابب الالنترا رغم كل ده يبقى توكل على الله. هي عربيه حلوه رغم كل عيوبها.
اما عين العقل بيقول تجيب سيراتو موديل 2010 وهيكون فيها abs

انت كدة يا باشا جبت الخلاصة

[mans336]

عليكم السلام ورحمة الله

انا هقولك بحكم ان معايا نفس الموديل من الزيرو لحد دلوقتي
انت قريب من ابو رواش اكشف هناك. وفي مركز اسمه توب جير في فيصل ممكن تكشف هناك برضه لأن الناس بتشكر فيه.

قطع الغيار متوفره جديد (اصلي و كوري) واستيراد كمان. الاسعار بتاعة الاصلي عاليه شوية يعني تيل فرامل امامي ب500 وشوية بعد زيادة الاسعار وقبل كان ب400. فلتر هوا ب135 اصلي. البوجيهات تقريبا ب120 مش متذكر.

بالنسبه للثبات مش حلو على سرعات اعلى من 120. اما اقل من كده كويسه وبتستجيب للمناورات (الغرز) كويس من غير ما تعوم. والوسع كويس جدا.

السحب ممتاااااز بالتكييف او من غير.

سعر اعادة البيع مش عارف بس الكوري عامة لو انت جايب اعلى فئه هتخسر في اعادة البيع اما لو جايب اول فئه مابتخسرش جديد. وده رأيي و الي لاحظته مش معلومه مؤكده.

العيوب:
لو بتحمل على العربيه او حتى ركبت معاك 2 او 3 اشخاص ورا العربيه بتهبط جامد
التوكيل مش حلو بس مراكز الصيانه الكويسه كتير
في عيب مشهور قوي في موديل 2010 بالتحديد وهو ان مكنة الازاز بتعمل دبه في الفتح والقفل. وانا غيرت المكنه قبل كده والجديده عملت نفس المشكله. وحصلت مع ناس كتير هنا في المنتدى معاهم موديل 2010 برضه.
مافهاش abs

الخلاصه لو حابب الالنترا رغم كل ده يبقى توكل على الله. هي عربيه حلوه رغم كل عيوبها.
اما عين العقل بيقول تجيب سيراتو موديل 2010 وهيكون فيها abs

بجد والله انا مش عارف اقولك ايه
بجد تسلم ايدك انك وضحتلى كل حاجه عن العربيه
والله انا نفسى فى تيدا هاتشباك بس هى قليله جدااااااااااا فى السوق والمشكله انى كمان بدور على هاى لاين منها
لو فى ادام حضرتك تيدا هاتشباك هاى لاين وتكون عامله كيلو متر قليل وحاله كويسه ياريت تبلغنى
وبشكر حضرتك تانى على الرد الوافى

[mahmoud_afifi]

بجد والله انا مش عارف اقولك ايه
بجد تسلم ايدك انك وضحتلى كل حاجه عن العربيه
والله انا نفسى فى تيدا هاتشباك بس هى قليله جدااااااااااا فى السوق والمشكله انى كمان بدور على هاى لاين منها
لو فى ادام حضرتك تيدا هاتشباك هاى لاين وتكون عامله كيلو متر قليل وحاله كويسه ياريت تبلغنى
وبشكر حضرتك تانى على الرد الوافى

انا تحت امرك
والتيدا عربيه جميله جدا والموتور قوي قريب من الالنترا. والعفشه بتاعتها انعم من الالنترا وماتحسش بالنقر والحفر الي في الطريق.
بس عيب التيدا انها مش عريضه زي الالنترا انما اطول في مساحة الرجلين بفرق بسيط عن الالنترا.
حضرتك لو شوفت في المنتدى او في كونتاكت ان شاء الله تلاقي. لأن للأسف ماعرفش حد معاه تيدا هاتش باك. بس لو صادفني هبلغ حضرتك على طول

[Hacker5]

انا كان معايا تيدا قبل الالنترا
نصيحة التيدا عربية ماركبتش زيها
موتور و عزل جاااااااااااااااااااااااامد و ناعمة جدا فى المطبات عربية بجد نيسان طلعت كل خبرتها فيها
بس قصاد كدة شكلها مش اوى و دى طبعا اذواق بس الهاتشباك شكلها احلى
قطع غيار غالية عن الالنترا و مش متوفرة زى الالنترا
الالنترا قطع غيارها عند البقالين
سعر اعادة بيع غير مرضى
لو مش فارق معاك كل دة دوس فى التيدا