تجربه قياده ix 35

[TeMoON]

انا عارف ان الكلام الى هقوله دا مش هيعجب مالكى الهيونداى ومحبى الهيونداى بس دا راى الشخصى وعارف انى هتهاجم من الاعضاء بس دا راى الشخصى بعد التجربه
اخويا اشترى ix 35 وقولتله بلاش لانها مش عجبانى لانى شايف انها غاليه عالفاضى فا هو اشتراها ومازلت معترض عليها حتى الان فا اخدت العربيه منه قولت اجربها جايز اغير راى فيها واخدتها وطلعت مشيت بيها مشوار بسيط مش كبير بس اكتشفت بعض الحاجات الى فيها وما عجبتنيش منها
الخامات المستخدمه فى الداخل بلاستك زى الزفت فى التابلوه والدركسيون
بردو ماعجبنيش شكل التابلوه بالاضاءه بصراحه حاسس انى راكب تاكسى او ميكروباص من الاضاءه الابيض فى الازرق الى عاملينها
جريت بيها بس مش بسرعه اوى حسيتها خفيفه
ما عجبنى بردو ارتفاع الكرسى عن عصايه الفتيس ودى حاجه رخمه اوى ضايقت فيا وانا سايق
فا دى الحاجات الى اخدت بالى منها على السريع
انما من مميزاتها
الى حد ما مريحه فى الكرسى
التكيف فيها حلو
الفرامل عشان جديده حلوة انما لسه ادام ماعرفش هتعمل ايه
عاليه عن الارض
من داخل الصالون المساحه الداخليه حلوة يعنى انا حسيتها اكبر من الاسبورتاج من من ورا


بس بصراحه فى الاخر هى ماعجبتنيش واحتقرتها جدا وشايف انها غاليه على البلاستيك الى فيها وقولت اجربها عشان اجايز اكون غلطان واغير راى فيها لما جربتها تمسكت براى اكتر مع العلم
ان انا من محترمى الكيا ريو الهاتش باك لانها عربيه كويسه والريو من الداخل افضل من ix 35 والسيراتو الشكل الى قبل الجديد بردو حلوة واحسن منها من جوه عشان محدش يقول انى بتحامل على الكورى فى كلامى بس انا نقلت ليكم وجهه نظرى الشخصيه وتحتمل الصواب وتحتمل الخطا لاى شخص اخر انما بالنسبالى انا شايف انها صواب ومن الاخر انا مسمى العربيه دى (كنبه)

[bmya]

هجربها قريب ان شاء الله ابن خالتي لسه مستلمها امبارح لسه مرخصهاش هو كان معه كروز 2011 زيرو وبعها وجاب دي بصراحه حاسس الكروز احسن

[TeMoON]

هجربها قريب ان شاء الله ابن خالتي لسه مستلمها امبارح لسه مرخصهاش هو كان معه كروز 2011 زيرو وبعها وجاب دي بصراحه حاسس الكروز احسن

الكروز من جوه هتحسها احسن فعلا لان العربيه دى من جوة بلاستيك عارف يعنى ايه بلاستيك انا بصراحه ما حبيتهاش ومش عاوز اركبها بحسها حقيره

[emad_afifi66]

يا ريت تكلمنا عن مدي ثبات السياره
ويا ريت تقولي رايك انا معايا اوكتافيا فانتازيا ٢٠١٣ وكنت حابب اجيب الهيونداي ix35 لانهاعاليه تن الارض ومن باب التغيير ،، يا تري القرار صح ولا غلط ارجوا الرد

[amagroup]

مش بالضروره كل حاجه هيونداي تكون حلوه دول بني ادمين برده مش ملائكه وكل حاجه 100

[bmya]

انا بصراحه كنت عمال اقول لابن خالتي يجيب قاشقاي او سبورتاج حاسس انهم احسن

[AFT]

الملاحظ علي كل الهجوم ده...ان مشاكلك كلها في الشكل...وده اذواق...فمع احترامي ليك ده مش تجربة سواقه....ده فرجه على التصميم اللي مش عاجبك من الاساس.

[hossam_elwani]

يعنى ايه كلها بلاستيك مفيش فى الطابلوه اى طبقة فينيل بجلد ؟؟

وحتى فى الابواب ؟؟ وهيا اى فئه ؟

[said.d.y]

انا عارف ان الكلام الى هقوله دا مش هيعجب مالكى الهيونداى ومحبى الهيونداى بس دا راى الشخصى وعارف انى هتهاجم من الاعضاء بس دا راى الشخصى بعد التجربه
اخويا اشترى ix 35 وقولتله بلاش لانها مش عجبانى لانى شايف انها غاليه عالفاضى فا هو اشتراها ومازلت معترض عليها حتى الان فا اخدت العربيه منه قولت اجربها جايز اغير راى فيها واخدتها وطلعت مشيت بيها مشوار بسيط مش كبير بس اكتشفت بعض الحاجات الى فيها وما عجبتنيش منها
الخامات المستخدمه فى الداخل بلاستك زى الزفت فى التابلوه والدركسيون
بردو ماعجبنيش شكل التابلوه بالاضاءه بصراحه حاسس انى راكب تاكسى او ميكروباص من الاضاءه الابيض فى الازرق الى عاملينها
جريت بيها بس مش بسرعه اوى حسيتها خفيفه
ما عجبنى بردو ارتفاع الكرسى عن عصايه الفتيس ودى حاجه رخمه اوى ضايقت فيا وانا سايق
فا دى الحاجات الى اخدت بالى منها على السريع
انما من مميزاتها
الى حد ما مريحه فى الكرسى
التكيف فيها حلو
الفرامل عشان جديده حلوة انما لسه ادام ماعرفش هتعمل ايه
عاليه عن الارض
من داخل الصالون المساحه الداخليه حلوة يعنى انا حسيتها اكبر من الاسبورتاج من من ورا


بس بصراحه فى الاخر هى ماعجبتنيش واحتقرتها جدا وشايف انها غاليه على البلاستيك الى فيها وقولت اجربها عشان اجايز اكون غلطان واغير راى فيها لما جربتها تمسكت براى اكتر مع العلم
ان انا من محترمى الكيا ريو الهاتش باك لانها عربيه كويسه والريو من الداخل افضل من ix 35 والسيراتو الشكل الى قبل الجديد بردو حلوة واحسن منها من جوه عشان محدش يقول انى بتحامل على الكورى فى كلامى بس انا نقلت ليكم وجهه نظرى الشخصيه وتحتمل الصواب وتحتمل الخطا لاى شخص اخر انما بالنسبالى انا شايف انها صواب ومن الاخر انا مسمى العربيه دى (كنبه)

سيدى الفاضل، يا ريت تسمح لى اتناقش معاك بشكل حيادى فى تقييم الix35 ودى موش علشان انا خبير ، لاكن علشان انا مجربها طوال 3 شهور و2500كيلو داخل وخارج المدينة وطريق العلمين الساحل (يعنى متهيالى اقدر احكم صح بنسبة كبيرة).
فى البداية،خلينا نتفق على الاتى:
1- رأيك صواب يحتمل الخطاء ، وراي خطاء يحتمل الصواب.
2- لولا اختلاف الاذواق لبارت السلع.
3- لا انا ولا انت لينا مصلحة مع غبور ولا غيرة، ورأينا وفقاً لوجهة نظرنا وفى حدود معرفتنا.
اولاً/ واضح ان سيادتك قافش من العربية من الاول، ودى عادى (مسالة اذواق واراء)، وعلشان كدة متهيلى ان الموضوع دى لة تاثير على حكمك عليها، لانك رافضها من قبل ما تركبها، ولما ركبتها (موش طايقها)، وشايفها كلها غلط وحتى الحاجة الشايف انها كويسة(الفرامل)برضة شككت فيها ((الفرامل علشان جديده حلوة انما لسه ادام ماعرفش هتعمل ايه)).
ثانياً/ سامحينى ، من كتر الشتيمة والعيوب القلتها على العربية (بعد مجرد مشوار بسيط ) انا شاكك انك بتتكلم عن عربية تانية ، او انا الراكب عربية تانية وموش واخد بالى.
خلينا نفترض ان اخو حضرتك اشترى الix35 ومسمعش نصحتك، وانك جربتها وطلعت كنبة.
حضرتك قلت ان الخامات المستخدمه فى الداخل بلاستك زى الزفت فى التابلوه والدركسيون ، ياريت حضرتك تحدد اكتر يعنى فين البلاستيك وال زى الزفت ال فى التبلوة والدركسيون (سيبك من ان الدركسيون اساساً جلد).
ولما حضرتك تحدد، ياريت تقولى الحاجات الحددتها شكلها اة فى العربيات التانية (فى نفس الفئة) زى الاسبورتاج، والقاشقاى ، الاكس تريل ، الجوك، الفيتارا،
بالنسبة لموضوع خفيفة ! خلينا نعمل بالمثل البيقول ((اسأل مجرب ولا تسأل طبيب))،،،،،
انا لسة راجع من الساحل، وجربتها على طريق العلمين على سرعة 160 كيلو ، موش عارف اقول لك اة؟
سامحينى تانى ، انت متأكد انك جربت الهيونداى الix35
فى النهاية راى حضرتك يحترم، وان كنت شايف انك متحامل على العربية شوية، يعنى هى عربية اكيد موش كلها صح ، بس بيتهيالى انها موش لدرجة خامات زى الزفت وخفيفة وفرامل مشكوك فى امرها وانك تحتقرها جداً.
يا اخى الفاضل العربية مع ناس لسة شاريها ودفعة فيها كتير، اضعف الايمان باركلهم فيها ، وكفاية تقول انك محبتهاش، موش لاقى نفسك فيها ، خصوصاً وان حكمك مبنى على رأى وليس عن تجربة .
اشكرك والله يبارك فيك.

[esam_ayad]

أنا للأسف ماركبتهاش بس هي شكلها من بره جامده جدا
لكن أنا زوجتي ركبت مع واحده زميلتها من عشر أيام وكانت بتسألني علي إسم العربيه وقالتلي ان التابلوه بتاعها طري وناعم والتكييف تلاجه والكراسي حلوه وعاليه عن الأرض.
والعربيه ماكانتش الفل أوبشنز ولا حاجه.

[Mohab555]

العربيه انا ركبتها .... ماشاء الله تحفه تحفه تحفه
من احسن العربيات الهيونداى الى نزلت مصر من زمان ... و انا اعنى الكلام تماما

[said.d.y]

العربيه انا ركبتها .... ماشاء الله تحفه تحفه تحفه
من احسن العربيات الهيونداى الى نزلت مصر من زمان ... و انا اعنى الكلام تماما

+1111111111111111111111111111111111111111111111111

[mfm_tantawi]

ولله الحمد لسه مستلم الهاى لين إمبارح وأعتقد حضرتك بتتكلم عن عربية تانية خالص، وبعدين يا ريت يكون النقد موضوعى شوية ، لاحظ إن رأى أى عضو بيؤثر على أى واحد عايز ياخد قرار شراء بالتالى حاول تركز على النقط الفنية ، مع الشكر.

[AFT]

ولله الحمد لسه مستلم الهاى لين إمبارح وأعتقد حضرتك بتتكلم عن عربية تانية خالص، وبعدين يا ريت يكون النقد موضوعى شوية ، لاحظ إن رأى أى عضو بيؤثر على أى واحد عايز ياخد قرار شراء بالتالى حاول تركز على النقط الفنية ، مع الشكر.

الف مبروك ياباشمهندس ....تتربى في عزك :) :)

[S O P H O S]

حاسس انها مش سيئة للدرجة
اعتقد ركبتها مرة