هيونداي ألنترا صديقة الاسرة المصرية

[Samir Elshahawy]

الاخوة الكرام / مالكي و محبي سيارات هيونداي

أسعد الله أوقاتكم ....

بداية أود أن اوضح أن الموضوع ليس مدحا أو أنحيازا لسيارة بعينها بقدر ماهو نقل لتجربة شخصية مع الالنترا md و توضيح لبعض مميزاتها و كيفية أستغلال هذه المميزات و التركيز علي بعض العيوب و ايضا كيفية تلافيها أو التعامل معها


بداية الموضوع كانت يوم الجمعة الماضي 21/06/2013 عندما قررت انا و أسرتي الصغيرة المكونة من 4 أفراد (انا و زوجتي و أطفالي الصغار) و أنضمت لنا حماتي القيام برحلة للاستجمام في العين السخنة كنا في أشد الحاجة أليها بعد فترة مشحونة بالعمل و الضغط النفسي الناتج عنه

المهم توكلنا علي الله صباح يوم الجمعة و كالعادة كنت قد أتممت بعض أجراءات الكشف و الاطمئنان علي الألنترا قبل السفر و تشمل :
1- الكشف علي مستوي الزيت و لزوجته
2- الكشف علي مستوي زيت الفرامل
3- الكشف علي مستوي مياه التبريد
4- الكشف علي مستوي مياه غسيل الزجاج و التأكد من عمل المضخة و المساحات
5- الكشف علي الانوار و أشارات التحذير
6- الكشف علي البطارية و مستوي الشحن بها و كفائة الدينامو
7- الكشف علي التكييف و التأكد من عمله بكفائة و تنظيف فلتر التكييف
8- تنظيف فلتر الهوا بشكل أحتياطي
9- التأكد من ضغط الاطارات و ضغط الاطار الاحتياطي
10- التأكد من وجود عدة تغيير الاطار الاحتياطي و أنوار الطوارئ و العواكس الضوئية
11- التأكد من وجود زجاجات مياه أحتياطية (3 لتر) في صندوق الامتعة
12- تموين الالنترا بالبنزين من محطة مضمونة ليلة السفر بشكل يضمن أن يكفي لرحلتي الذهاب و العودة
13- تجهيز خريطة الرحلة علي الجي بي أس ذهابا و عودة

و بعد الاطمئنان علي الالنترا بدأت في تستيف الامتعة بصندوق الامتعة بشكل جيد و هي عبارة عن 3 حقائب صغيرة زنة 8 كجم لكل منها تقريبا و ازالة أي متعلقات شخصية خاصة بالعمل (حقيبة ملابس و معدات السلامة الخاصة بالعمل) و ذلك لتخفيف حمولة السيارة

ثم بدأت في الاشراف علي توزيع الركاب داخل السيارة بحيث راعيت النقاط التالية :
1- توفير اقصي قدر من الراحة للجميع
2- توافر أقصي قدر من عوامل الامان و السلامة بالتأكد من ربط الجميع لأحزمة الامان و أبتعاد الاطفال و عدم ملاصقتهم للابواب و التأكد من أغلاق الابواب و عدم امكانية فتحها ألا من الخارج

و بذلك أصبحنا جاهزين للأنطلاق , و فعلا تحركنا في تمام الساعة العاشرة و النصف من الرحاب متخذا شارع 90 بالتجمع الخامس ثم الدائري ثم طريق القطامية / السخنة

و خلال الرحلة لاحظت توقف العديد من السيارات من مختلف الماركات (كورية - يابانية - أوروبية) و جديدة و قديمة علي جانب الطريق لوجود أعطال أو مشاكل بالاطارات و هو ان دل علي شئ يدل علي عدم أهتمام الكثير من الناس بالكشف علي السيارات قبل السفر أو القيام بأقل قدر من الصيانات الدورية بينما كانت الالنترا تسير بأنسيابية و ثبات طوال الطريق و كنت ملتزم بالسرعة القانونية للطريق (120 كم/س) و ان كنت أزيدها قليلا أو انقصها قليلا بعض الاحيان تبعا لحالة الطريق حتي وصلنا بامان الله الي المكان المقصود بعد حوالي ساعة و نصف تقريبا بأقل أستهلاك وقود ممكن في ظل وجود تلك الحمولة و وجود مقاومة من الطريق متمثلة في بعض المطالع الحادة او الهواء المقابل بينما كان الجميع في حالة جيدة و لم يتأثروا بالطقس الحار يومها أو باي اجهاد ناتج عن الطريق

و في اليوم التالي و بعد أن قضينا قرابة يوم و نصف تحركنا في أتجاه مزار عيون موسي بجنوب سيناء و المسافة تقدر بحوالي 75 كم من السخنة قطعتها الالنترا في قرابة الساعة و النصف بالتوقف قبل نفق الشهيد أحمد حمدي لنصل الي الموقع في تمام الساعة الثانية ألا ربع ظهرا حيث أصطحبنا احد جنود الجيش في جولة داخل مواقع النقطة الحصينة لنشاهد كيف شيد الاسرائيليون هذه النقطة الحصينة و من وجهة النظر الهندسية هي عمل عبقري يدل علي مهارة و فكر عالي جدا في التصميم و البناء و أيضا تم شرح طريقة أكتشاف هذا الموقع و اقتحامه من قبل جنود الجيش المصري و كيف تم تدمير 5 دشم منه بامر الرئيس الراحل السادات خوفا من قيام الجيش الاسرائيلي بهجوم مضاد و أستعادته مرة أخري و فعلا فان قوله تعالي هو الحق

"لا يقاتلونكم جميعا إلا في قرى محصنة أو من وراء جدر بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون"

صدق الله العظيم


و بعد أن قضينا قرابة الساعة بالموقع تحركنا بالالنترا التي كانت تربض في انتظارنا في الساحة الخارجية لننطلق في اتجاه العودة الي القاهرة لنصل الي مشارفها في حوالي الساعة الثالثة و النصف عصرا اي بعد قرابة ساعة و نصف من تحركنا من عيون موسي كنت أسير خلالها بسرعة متفاوتة بين ال 120 و ال 140 كم/س تبعا لحالة الطريق

و في الطريق و قببيل مدينة بدر دخلت الي محطة شل - الميناء البري لأعادة التزود بالوقود لتكون بيانات الرحلة كالتالي :
- أجمالي المسافة المقطوعة : 365 كم
- أجمالي المسافة المتبقية : 135 كم
- متوسط الاستهلاك : 8.5 لتر / 100 كم
- متوسط السرعة : 73 كم / س
و لكني في بعض المراحل كنت باشد و باحرق شوية لوجود مطالع أو تخطي سيارات في مسافات قصيرة جدا بالاضافة طبعا لوجود مقاومة هواء خاصة في طريق جنوب سيناء

المهم العربية أخدت 35 لتر بالظبط قيمتهم حوالي 65 جنيه) و بعد ذلك أكمنا طريقنا الي قلب القاهرة حيث قمت بتوصيل حماتي الي منزلها بالعباسية ثم أخدت طريق العودة مرة أخري الي الرحاب عبر الاوتوستراد - الدائري


رحلة الالنترا بالارقام :
- أجمالي المسافة المقطوعة من نقطة الانطلاق و حتي العودة : 467 كم
- أجمالي عدد ساعات القيادة : حوالي 6 ساعات منهم 3 ساعات متصلة في رحلة العودة
- أجمالي أستهلاك البنزين : حوالي 40 لتر (من واقع بيانات شاشة العربية و عداد محطة البنزين)
- التكلفة الاجمالية للرحلة : 65 جنيه بنزين + 6 جنيه رسوم طريق و النفق = 71 جنيه
- السرعة المتوسطة خلال الرحلة كلها (من الجي بي أس) : 76 كم / س
- أقصي سرعة (من الجي بي أس) : 156 كم / س


الأداء و الدروس المستفادة :
1- اداء التكييف : جيد جدا و لم نشعر بالحر او أرهاق الطريق
2- العفشة : لم يتأثر أرتفاع السيارة بالحمولة كثيرا حيث مررنا علي عدد من المطبات في طريق السخنة / السويس و كانت معظم السيارات تمر علي المطبات بالعرض بينما كنت أمر عليها بالالنترا بشكل طبيعي جدا بدون اي مشاكل
3- عزل الصوت : جيد جدا و صوت الموتور هادي تماما خاصة تحت ال 3000 لفة / دقيقة المشكلة الحقيقية في صوت الاطارات العالي و المزعج خاصة مع الاسفلت الخشن أو الغير ممهد بشكل جيد
4- الصالون و راحة الركاب : لم يشتكي أحد أو يشعر بأرهاق من الطريق أو ضيق المساحة الداخلية طوال الرحلة و كنت حريص بشكل مستمر علي سؤالهم و التأكيد علي راحتهم
5- أستهلاك البنزين و الاداء الاقتصادي : طبعا استهلاك 35 لتر خلال رحلة ذهاب و عودة لسيارة محملة بأسرة من 3 أو 4 أفراد بامتعتهم مع التكييف و فترات تخللها مطالع شديدة و تخطي سيارات في مسافات قصيرة تستدعي كيك داون و تسارع عالي
6- التسارع و الاداء : طبعا كما سبق و ذكرت أداء المحرك كنت راضي عنه تماما و لكن اللحظة الحاسمة كانت عند التخطي علي طريق النفق / رأس سدر فالطريق اتجاهين و في بعض الاحيان و عند التخطي يجب أن يكون تسارع العربية كافي للتخطي قبل السيارة القادمة من الاتجاه المقابل مع وجود بعض الصعوبات مثل الهواء أو مطلع حاد


نيجي بقي لأهم الدروس المستفادة و بعض عيوب الالنترا و كيفية التعامل معاها :
1- الاهتمام بالصيانة الدورية و الكشف علي السيارة جيدا قبل القيام بأي رحلة طويلة يجنبك المفاجأت و المشاكل الغير متوقعة
2- عدم وجود وسائل امان بالالنترا (فرامل مانعة للانغلاق - وسائد هوائية) يجب التعامل في هذه الحالة بحذر مع الطريق خاصة مع وجود أسرتك معك و القيادة بحرص و عدم تهور أو سرعات زائدة حتي تستطيع التصرف في حدود امكانيات السيارة التي معك
3- ضرورة الاهتمام براحة و امان الركاب الذين معك في السيارة لأنهم مسئولية السائق
4- في حالات القيادة لمسافات طويلة يجب التوقف كل فترة لأخذ قسط من الراحة و تغيير وضع الجسم مع تناول كميات معقولة من السوائل و المشروبات
5- التركيز مع الطريق و مع الركاب الذين معك في السيارة و هو مايتطلب قدر كبير من الراحة قبل القيادة

كما أني أستخلص حقيقة مهمة جدا و هي أن الالنترا نجحت بامتياز أن تلبي أحتياجات الاسرة المصرية التي تطمح لسيارة تعتمد عليها في تنقلاتها سواء داخل المدينة أو في السفر بشرط الاهتمام بالسيارة و صيانتها الدورية و أحترام قواعد القيادة و الامان

[elmo7amed]

ربنا يباركلك ياباش مهندس .. كلام حضرتك مظبوط تماما

فى موضوع استهلاك البنزين الاكسنت بصراحه معايا محترمه جدا فى الموضوع دا يعنى كان معايا 5 شرط بنزين ما يعادل 280 كم فى كمبيوتر العربيه ورحت اسكندريه وجيت وهيه تقريبا نفس المسافه المقطوعه ومخدتش غير استهلاكها الطبيعى .. وفولت على اخر الطريق وهيه فعلا عربيات محترمه الحمد لله انه اختارلى العربيه دى

[YahiaAshraf]

موضوع متميز يا باشا كالعادة ............وربنا يباركلك فيها و يحفظهالك يارب

[dem0]

سرد مميز للرحلة بطريقة شيقة حمدلله ع سلامة الجميع

[hossam_elwani]

تقرير راااااااائع وزى ما الكتاب بيقول ياراجل ده انت المفروض تكون كاتب متميز وليك مكانه فى الساحه الادبيه ههههه


بس قولى يابشمهندس هو انت مش مالى الكاوتش نيتروجين ؟؟

[Samir Elshahawy]

تقرير راااااااائع وزى ما الكتاب بيقول ياراجل ده انت المفروض تكون كاتب متميز وليك مكانه فى الساحه الادبيه ههههه


بس قولى يابشمهندس هو انت مش مالى الكاوتش نيتروجين ؟؟

متشكر جدا يا أستاذ / حسام , من بعض ماعندكم .... هههههههههه

طبعا الاطارات عندي فيها نتروجين و لكن هذا لايمنع أني أكشف علي الاطارات بشكل كامل كالتالي :

1- التأكد من ضغط الاطارات و اعادة تزويدها لو لزم الامر
2- الكشف بالنظر علي حالة الاطارات
3- فحص و التأكد من حالة الاطار الاحتياطي (و ده ناس كتير بتنسي تكشف عليه)

[hossam_elwani]

متشكر جدا يا أستاذ / حسام , من بعض ماعندكم .... هههههههههه

طبعا الاطارات عندي فيها نتروجين و لكن هذا لايمنع أني أكشف علي الاطارات بشكل كامل كالتالي :

1- التأكد من ضغط الاطارات و اعادة تزويدها لو لزم الامر
2- الكشف بالنظر علي حالة الاطارات
3- فحص و التأكد من حالة الاطار الاحتياطي (و ده ناس كتير بتنسي تكشف عليه)

تسلم

انا عارف ان التأكد والفحص الدورى مهم

بس كنت بتكلم على احساك بصوت الكاوتش اعتقد ان النيتروجين بيقلل الصوت لحده الادنى غير الهوا العادى وده طبقا لكلام مستخدميه

[Samir Elshahawy]

تسلم

بس كنت بتكلم على احساك بصوت الكاوتش اعتقد ان النيتروجين بيقلل الصوت لحده الادنى غير الهوا العادى وده طبقا لكلام مستخدميه

طيب نتكلم كلام أي كلام و لا بالعلم ؟

الصوت ده ناتج من الاحتكاك بين مادة الطريق اللي هيا الاسفلت و بين مادة الاطار اللي هيا الكاوتش أو المطاط

يعني مثلا لو أفترضنا ان مادة الطار هي الحديد أعتقد الصوت هايكون أعلي و لا أيه ؟

أيه دور الهوا أو النتروجين في الموضوع ؟

[matantawy]

القائمة اللى فى الاول دى جت فى وقتها، انا هاخد العائلة و نطلع على الاسكندرية ان شاء الله
شكرا جزيلا على قائمة الكشف دى

[hossam_elwani]

طيب نتكلم كلام أي كلام و لا بالعلم ؟

الصوت ده ناتج من الاحتكاك بين مادة الطريق اللي هيا الاسفلت و بين مادة الاطار اللي هيا الكاوتش أو المطاط

يعني مثلا لو أفترضنا ان مادة الطار هي الحديد أعتقد الصوت هايكون أعلي و لا أيه ؟

أيه دور الهوا أو النتروجين في الموضوع ؟

هو الوسيط مابين الكاوتش من الداخل والجنط المربوط فى الكوبلن والى من خلاله الصوت بيوصل اكتر او اقل

[S O P H O S]

موضوع جميل كالعادة ..

[baherhassan30]

موضوع جميل وشيق كالعادة
وفعلا الالنترا من العربيات المحترمة جدااااااااااااا عن تجربة
انا سافرت بيها من الرياض إلى مكة 1200 كيلو تقريبا وطول الطريق السرعة كانت 150 - 160
وشيكت فعلا على كل اللي قلت عليه ومليت الكفرات نيتروجين (بس محستش بفرق لا في العفشة ولا في هدوء الكفرات)

[ibnmoaz]

حمدا لله على السلامة يا هندسه و إجازة سعيدة ...تقرير مفصل و رائع كالعادة ...انا لما باجي اكتب تقرير و ﻻ حاجة في الم نتدى بفكر كذا مره قبل ما أكتبه عشان احاول اققرب حتى من مستوى السرد وترابط اﻻفكار اللي عند حضرتك ما شاء الله ﻻ قوة إلا بالله . بالتوفيق دائما

[dadapharma]

شكرا للعرض الشيق و فعلا من أهم ما يميز الألنترا المساحة الداخلية ..
سؤال و أستشارة : بتظبط الكوتش على كام؟؟ أنا لما ظبطه على 30 لقيت العفشة بقت ناشفة جدا.. رجعته 28 تانى و العفشة بقت أحسن كتير .. أيه رأيك؟؟ المفروض كمان على 32؟؟ .. على فكرة بحسب الأستهلاك مع ال28 عشان أتأكد من أستهلاك البنزين هيزيد ولا مش هيتأثر..

[Samir Elshahawy]

شكرا للعرض الشيق و فعلا من أهم ما يميز الألنترا المساحة الداخلية ..
سؤال و أستشارة : بتظبط الكوتش على كام؟؟ أنا لما ظبطه على 30 لقيت العفشة بقت ناشفة جدا.. رجعته 28 تانى و العفشة بقت أحسن كتير .. أيه رأيك؟؟ المفروض كمان على 32؟؟ .. على فكرة بحسب الأستهلاك مع ال28 عشان أتأكد من أستهلاك البنزين هيزيد ولا مش هيتأثر..

علي 32
28 ده قليل جدا و ممكن يسبب زيادة معدل تأكل الكاوتش