غبور وعمايله

[amagroup]

طبعا الموضوع ده اشاره لكل توكيل عربيات في مصر بس انا هتكلم عن غبور بما انه التوكيل اللي بحتك بيه دايما
لو كل واحد بص علي الكاتلوج بتاع العربيه الاصلي لاي فئه هيونداي هيلاقي ان المفروض الصيانه تكون كل 10 او 15 الف حسب النوع بتاعها مش كل 5000
يعني غبور غاوي يمشورنا وخلاص ودفعنا فلوس

انا بامانه ربنا معنديش مشكله انه ياخد فلوس بس مش قوي كده وبعدين هو احنا لقين البنزين عشان نعرف نروح لك

المهم الموضوع ده انا بطرحه ليه؟؟
عشان انا المفروض اعمل صيانه ال10000 وانا عديت ال12000 ولسه مرحتش فمعرفش هيعمله معايا ايه وهيتصرفوا ازاي

عموما لما هروح هعرفكم
ياريت حد من اللي شاغلين في التوكيل يرد علينا ويقولنا لو رحت كل 10000 حيصل حاجه ولا الضمان هيروح

[mhf_77]

انا ايام ماكنت بتعامل معاه كنت بروح كل 10 الاف عادى مكنش حد بيعترض هناك حتى كنت بسألهم لازم اجى كل 5 الاف قالولى صيانة العشره هى الاساس بس متزودش عن الف ونص بعد العشره يعنى 11500 و21500و31500وهكذا انت بتقول عامل 12معرفش بالنسبه لكسرك الواحد ونص ده ايه ممكن تتصل بيهم بس اعتقد ان ازمة البنزين دى تخليك تحط صباعك فى عين اى حد

[amagroup]

هجرب واشوف بس الايام دي تعدي علي خير

[Samir Elshahawy]

مافيش مشكلة خالص , ماحدش هايقول لك أنت ماجيتش ليه في صيانة ال 5000 كم

[khaled_yassin]

يا باشا تروح برحتك بس كل 10 الاف
عملت 12 ولا 13 محدش هيتكلم معاك
ونصيحه منى بعد ما تخلص الضمان ما ترحش تانى