عليه العوض 2 (ادخلوا صبرونى

[elmo7amed]

السلام عليكم ورحمه الله وبركاته

راكن العربيه وبفتح الباب جه واحد بعربيه لادا باشاره عربيته طبعا زى منتو عارفين انها قدام فى الجنب قام خبطلى الباب فى سيفه طبعا الخبطه جامده وعوجتلى سيف الباب دا معلش مش عارف ارفع صور
الخبطه رخمه ومزهقانى وهيه كل اللى شافها قال عاديه وبسيطه .. وححاول ارفع صور


دلوقتى تصليح الباب لو فكرت فى تصليحه حيكون فى التوكيل
اللى بفكر فيه دلوقتى انى اغير الباب كله لانى مبحبش موضوع التصليحات دى يعنى مش بحب اركب العربيه وانا عارف انها كانت مخبوطه فى المنطقه دى بيزهقنى الحوار دا

عاوز اعرف سعر الباب جديد ايه وبيجى ازاى من التوكيل وهل حيكون فيه مشكله برده يعنى بيجى جاهز ولا بيرشوه فى التوكيل

ثانيا انا زعلان قوووى ومخنوق اعمل ايه

[amoor89]

ارفع صورة للخبطة ونشوف ايه اللى ممكن يتعمل لكن تغيير باب كده وش حرام انت أولى

[elmo7amed]

ارفع صورة للخبطة ونشوف ايه اللى ممكن يتعمل لكن تغيير باب كده وش حرام انت أولى

حاضر حصورها وياريت يبقى حد ياخدها يرفعها

[mohamed_e36]

لو عايز تغير الباب انزل سوف باب استيراد نضيف نفس اللون وخد الباب فاضي (صاج بس ) وركب حاجه الباب القديم فيه
ولو اني عارف ان ده صعب انك تلاقي نفس اللون وسعره هيكون غالي بس اهي فكره

[reda elgohary]

ربنا يقويك و يصبرك ،،أصبر وأحتسب .

[reda elgohary]

بس أنا رأيى أنك تصلح الباب وبلاش موضوع واحد من التوكيل لآنه مكلف ،،ولو أنت بتسافر وبتحتاج العربية معاك علطول يبق بلاش تصرف عليها لآنك معرض للخبطات والحك باستمرار ،،أنا اتمرمنط أوي بسبب الموضوع ده .

[reda elgohary]

مش حلوة أتمرمنط ديه ؟؟؟

[aboamina]

قبل ما تعمل اي حاجة في العربية قول الحمد لله ... بس من قلبك وخللي عندك يقين ان ربنا هيعوضك خير ان شاء الله ووقتها هتلاقي نفسك مش متضايق

[elmo7amed]

[QUOTE=reda elgohary;3875067182]بس أنا رأيى أنك تصلح الباب وبلاش موضوع واحد من التوكيل لآنه مكلف ،،ولو أنت بتسافر وبتحتاج العربية معاك علطول يبق بلاش تصرف عليها لآنك معرض للخبطات والحك باستمرار ،،أنا اتمرمنط أوي بسبب الموضوع ده .[/QUOTE


اى حاجه منك حلوه بس انا على كلامك دا عاوز تصليح ميبنش فيه اى حاجه علشان مفتكرهاش ويكون كويس وهل التوكيل يقدر يرجعها تانى زى ما كانت

قبل ما تعمل اي حاجة في العربية قول الحمد لله ... بس من قلبك وخللي عندك يقين ان ربنا هيعوضك خير ان شاء الله ووقتها هتلاقي نفسك مش متضايق

ربنا اللى يعلم انا راضى ازاى بحكمه وقضاءه الحمد لله

[khaabas]

حرام عليك يا برنس تغير الباب وش
اعملها فى التوكيل وهترجع ان شاء الله زى ما كانت
وقدر الله وما شاء فعل
ومتزعلش نفسك يا راجل يا طيب وكل سنة وانتا طيب بمناسبة رمضان

[elmo7amed]

حرام عليك يا برنس تغير الباب وش
اعملها فى التوكيل وهترجع ان شاء الله زى ما كانت
وقدر الله وما شاء فعل
ومتزعلش نفسك يا راجل يا طيب وكل سنة وانتا طيب بمناسبة رمضان

وحضرتك طيب يا استاذ خالد واحشنى والله

الحمد لله على كل شى بس انا روحت انهرده التوكيل وقالى حنغير الباب احسن وسعره منغير اى شغل 2250 طبعا بقه حيدخل فى 3000 ج بمصاريفه المهم هل تغيير الباب يعيب العربيه فى حاجه

[khaabas]

وحضرتك طيب يا استاذ خالد واحشنى والله

الحمد لله على كل شى بس انا روحت انهرده التوكيل وقالى حنغير الباب احسن وسعره منغير اى شغل 2250 طبعا بقه حيدخل فى 3000 ج بمصاريفه المهم هل تغيير الباب يعيب العربيه فى حاجه

طيب بعد اذنك يا باشا ممكن ترفع صورة للخبطة

[elmo7amed]

حاضر
بس قولى تغيير الباب يعيب العربيه فى حاجه

[khaabas]

طبعا يا باشا

[samihanwar]

ده الواحد جسمو نحس من البلاوى اللى بيشوفها من الناس اللى ماشيه معاه وكلو كوم والعيال بتوع الموتسيكلات كوم
وفى الاول والاخر الحمدالله