سؤال عن الاكسنت 2013 اوتوماتيك

[ahesham]

بفكر أجيب الاكسنت 2013 اوتوماتيك البـ 126 ألف. كنت عايز أعرف هي عربية كويسة ولا لأ وإيه عيوبها وتقفيل كوري ولا لأ. وياريت كمان حد يقولي اسعار قطاع الغيار نظامها إيه وموجودة بره التوكيل ولا لأ.

[khaabas]

تقفيل كورى
قطع الغيار جميعها موجودة خارج التوكيل ورخيصة اما خارج التوكيل مرتفعة جدا
على سبيل المثال لبعض قطع الغيار خارج التوكيل
فلتر الزيت من 15 - 35 جند
فلتر البنزين 150 جند ( أصلى ) المضروب ارخص
فلتر الهواء 120 جند ( أصلى ) المضروب ارخص
فلتر التكييف 125 جند ( أصلى ) المضروب ارخص
طقم البيوجهات اصلى 120 جند
تيل الفرامل اصلى 180 جند

اما فى التوكيل اضرب الاسعار دى فى 2
يعنى مثلا فلتر البنزين فى التوكيل ب 300 جند
الفوانيس الامامية اصلى ب 1100 جند
وفيه منها صينى 200 جند بس وقريب هتلاقى الديبو ان شاء الله
العربية ما شاء الله استهلاك البنزين اقتصادى ومريحه واعتمادية
بس اول حاجة تعملها تغير المساعدين لان المساعدين اللى بينزلوا بيها سوفت لا تناسب الطرق المصرية والتوكيل بيغيرها من غير كلام بس تسجل شكوى
الثبات هتلاقى هرى كتير يقولك بعد 100 والله كلام فاضى
سلام

[toty_305]

-لو ليك في الجري و أستهلاك بتاعك جامد بلاش أكسنت

[matantawy]

هى اللى ب 126 الف دلوقتى هى انهى فئة؟

فى كل الاحوال انا انصحك بيها معايا و عربية ما شاء الله حلوة و موفرة فى البنزين بس لو طريقك زحمة دايما يبقى مش فارقة
غير المساعدين و معاك ثبات لحد 180 لو هتسوق عادى انما غرز جامدة و تشد مع حد لأ هتلاقيها خفيفة معاك طبعاً

[ahesham]

أنا مش بجري بالعربية.

[matantawy]

أنا مش بجري بالعربية.

يبقى الاكسنت هتعجبك جدا و اما تحب تجرى فى سفر مثلا هتجرى معاك بس متاخدش غرز عشان الثبات بيقل، غير كده براحتك

[walaaeldeen]

السلام عليكم
عربيه جميله وزي الفل يعيبها انها واطيه قليلا
اقتصاديه في البنزين قطع غيارها متوفره ورخيصه ومعمره نسبيا
للتغلب علي الثبات في السرعات العاليه لما الكاوتش تيجي تغيره اشتري مقاس 185/65 14
والله المستعان