مشكلة الثبات فى الفرنا

[tofy0123]

السلام عليكم
انا حاجز فرنا 2013 بس قريت كتير عن مشكلة الثبات فى الفرنا وانها بتبقى عامله زى الريشه عند ال120 ارجوكم افيدونى بسرررررررعه فى الموضوع ده قبل متورط من حيث العيب تحديدا والحل
انا سمعت انه ممكن تركبلها جنوط عريضه 14 طب ماشى لو عملت كده تبقى عاديه والا برضوا المشكله هتضهر بس مع سرعه اعلى وكام السرعه اللى هترع تظهر فيها المشكله بتاعت عدم الثبات فى حالة تغير الجنوط
عاجل ارجوكم

[windofchange]

الجنوط ال14 بكاوتش مقاسه للعربية مناسب ليها هتحسن الثبات ,والعربية بعد 140 او 120 خطر غير ان استهلاك البنزين بيزيد جدا

[Mamoud salah H]

ياباش حتي لو جنط 15 كمان هتقل شوية لكن هتفضل موجودة دي مشكلة ايروديناميكس وتصميم عفشة وتوزيع وزن الخ.......

[tameraast]

الفرنا بطبيعتها عوامه :)
بس مع الجنوط بتقل المشكله
طالما مجنط و بتجرى اجرى بس مش غرز فوق 150 فاهمنى سعاتك

[إبراهيم المصرى]

لو بتدور على الامان والثبات ابعد عن الفيرنا

[amagroup]

الفيرنا عاوزه دماغ وروقان عالي عشان تسوقها وانت وطبيعتك

[أحمد جودة]

مشكلتها على قدر معلوماتي أنها عربية جراية وموتوري أقوي من العربية نفسها ومشكلة خفة الوزن والعربية هتعوم

دة من الاسباب الجوهرية اللى خلتني ابعد عنها

[mody112]

الفيرنا موتور قوى جدا جدا جدا وناعم جدا واستهلاك للبنزين معقول جدا جدا وقطع غيار رخيصة ومتوفرة وصيانة سهلةعند اى حد لكن فرامل سيئة جدا جدا على الموتور الجبار ده وكمان الثبات مفيش خالص بعد 100 ولو ان الجنوط بتظبط شوية وواطية على الارض وياسلام لو محمل واحد او اتنين ورا بس هتحك فى الاسفلت وكمان الصالون ضيق جدا وخامات التابلوه رديئة اخر حاجة وشكلها بقاله زمن .

[Ahmed Nasser]

لو بتدور على الامان والثبات ابعد عن الفيرنا

+11111111111111111

[mshmshm3]

استاذي الفاضل لو انت مهتم اوي بثبات العربية
عفشة سبور
شدادات
جنوط سبور مقاس 15
سبويلار
لو حضرتك مهتم اوي اوي بالثبات لكن لو عايز حاجة تلم الموضوع شوية هات جنوط سبور و شدادات او عفشة سبور و اعتقد طالما الجنط هايبقي 15 اعتقد العفشة بتاعت العربية هاتفرفر بسرعة لو مش هاتغير العفشة هات جنط 14
و في الاول و الاخر لو هاتمشي 120 مفيهاش مشكلة لكن مش لازم تقفل الامبير

[micho129]

verna is value for money!