عايز فيرنا تقسيط منين ساعدوني ..

[وائل السويفي]

[/quote]
فى حل اجمد وباقل فايدة فايدة 4.4 انه يكون فى فلوس فى البنك بالمبلغ المتبقى تمام يعنى انت هتاخود الارباح بتاعت الفلوس وغير كده هتتمتع بالعرض ارخص فايدة
وانا تحت امرك فى اى شىء ياباشا[/quote]

تيموووووووو باشا

معلش ممكن تشرحلي آخر نقطة دي بتاعة الحل الجامد واحدة واحدة كدا

[AhmedElsayed]

مش عارف بصراحة هل بيقبل قطاع خاص ولا لا
بس عادى مهو القطاع الخاص ممكن يحول مرتب او القسط بس

لكن طبعا معتقدش اى حاجة بره مصر تنفع لا فى بنك ناصر ولا غير بنك ناصر
يعنى معتقدش سيتى ولا باركليز ولا اى بنك حيقبل بضمان وظيفة بره مصر
معرفش البنوك انا اعرف انها بالبطاقة ممكن بدوك العربية بس الفايدة بتزيد كل ما اجراءات القرض تسهل

انا راى اسالوا فى بنك ناصر، نفع يبقى خير وبركة ومش مهم انتظار اسبوع ولا اتنين بس حتوفر فارق سعر الفايدة الكبيرة بينهم( بنك ناصر 6% واقل بنك حتلاقيه 8%)
خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية
والله اعلم

[temoo_110]

معلش ممكن تشرحلي آخر نقطة دي بتاعة الحل الجامد واحدة واحدة كدا

ومالوه يا بيبى اشرحولك هات ورقة وقلم واكتب ورايا اللى هقولهلولك واحفظو كويس
يعنى مثلا لو انت هتبقى 50 الف جنيه هتقسطهم ومعاك 50 الف جنيه فى البنك بتجيب من البنك اللى انت حاطط فيه فلوسك خطاب ضمان بمبلغ 50 الف جنيه وبالتالى البنك اللى هتقسط منه هيقسطلك بضمان المبلغ الموجود فى البنك اللى انت جايب بيه خطاب الضمان وكده انت مسكت العصايا من النص اخدت اقل فايدة فى التقسيط ونفس الوقت انت فلوسك فى البنك بطلعلك ارباح بس فيه حاجة لازم تاخود بالك منها انك مش هتقدر تتصرف فى الفلوس اللى انت جايب بيها خطاب الضمان لغاية ما تخلص الاقساط انما ممكن تاخود اربحهم وياريت اكون افدتك يا باشا وتحت امرك فى استفسار

[وائل السويفي]

متشكر جدا جدا يا تيموووو باشا

رغم التريقة !!

ولكن متشكر جدا

[mohamed_88sk]

أها ... كده وضحت الرؤية . ربنا يسهل .

خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية

والله أنا بسأل عشان كده ولله الحمد .
جزاكم الله كل خير .
يعني حكاية التقسيط والضامن بره والمشتري بره كمان متنفعش . يا خسارة . :(

[mohamed_88sk]

أها ... كده وضحت الرؤية . ربنا يسهل .

خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية

والله أنا بسأل عشان كده ولله الحمد .
جزاكم الله كل خير .
يعني حكاية التقسيط والضامن بره والمشتري بره كمان متنفعش . يا خسارة . :(
كده راحت الفيرنا .. الحمد لله على كل شئ .والمشكلة كمان أن الفلوس اللي كانت في البنك أتسحبت وراحت . اللهم أنا نسألك العفو والعافيه ..

[Ahmed Anwer]

البنك العربي الأفريقي

ليه محدش بيقول علي البنك العربي الأفريقي ده أفضل اجراءات بس بشرط تدفع نص ثمن السيارة ، فائدة 8 % و أقل تأمين 2% في السنة يعني مش فرق خالص و مفيش أي أوراق غير صورة البطاقة و ايصال كهرباء بس هو بطئ شوية بياخد حوالي 10 أيام الإجراءات و العيب التاني إن معظم معارض السيارات لا تفضل التعامل معه عشان مبيدهمش نسبة بس كل اللي أنته عايزه من معرض السيارات هو عرض السعر و ده بيعملوه في دقيقة بس خلي بالك هات من معرض واثق فيه و واثق ان عنده السيارة و اللون اللي انتا عايزه عشان أنا طلع عيني بسبب الحكاية دي لأن موافقة البنك بتتطلع باسم المعرض و لو المعرض منفذش بيطلع عينك و تضيع وقت تاني عشان تغير الورق باسم معرض تاني

[temoo_110]

متشكر جدا جدا يا تيموووو باشا

رغم التريقة !!

ياراجل شكر على ايه عيب عليك احنا اخوات وانا تحت امرك فى حاجة وتريقة ايه يا راجل انا بهزر معاك شوية بس ولو محتاج اى حاجة انت تأمرنى من عنيا الاتنين انا كمان على فكرة من عيلة السويفى
اخوك تامر