افتراضي مشكلتين فى الفيرنا البنزين والتكييف بالصور

[MEMODINA1]

السلام عليكم ورحمه الله
اخوانى الكرام لدى سيارة فيرنا اليومين دول اخدت بالى من الاستهلاك بتاعها فى البنزين عشان الظروف اللى فاتت والازمة فاخدت بالى من الموضوع
انا بغير فلتر بنزين كل 5000 والزيت فى ميعادة نظافة دورية لفلتر الهواء كل 1000
والدنيا كويسة واستعمال بنزين 92 بشكل دائم
حسبتها كذا مرة حوالى 4 مرات امون لحد الزور ومشيت جوة البلد وعملت 110 كيلو ومونت تانى عملت 13 لتر كررت العملية 4 مرات تعطى نفس الرقم 110 كيلو فى 13 لتر انا مشاويرى تقريبا نصفها زحمة والنص التانى طرق عادية لا تتعدى سرعة 80 بس مطبات كتير وطلوع على الاول اكثر وبفصل العربية وادور تانى كتير لانى مشاوير متفرقة والتكييف شغال تقريبا فى 110 كيلو دول حوالى ساعة ونص متفرقين
ولسة مجربتش على طرق سريعة بس اللى اقدر اقولة انى بمشى دائما على 140 طوال الطريق لانى بسافر الفجر دائما وتكييف طول الطريق متواصل بس برضة مش بتعمل كتير ممكن تعمل فى 20 لتر حوالى 220 كيلو على سرعة 140 وتكييف طول الطريق
بس لسة هحسب تانى لانى بقالى شهر تقريبا مسافرتش بيها
هل دا مناسب ولا عندى مشكلة
هو لون العادم مفيش لون وريحتة طبيعية وصوت الماتور عادى
__________________________________________________ _____
المشكلة الثانية
عندى على بلف الفريون على ما اعتقد انة بلف الفريون لاننى مش متاكدة عشان فى 2 بلف واحد مكتوب علية h والتانى L
المشكلة اللى عندى بقى فى L
دى الصورة بتاعتة





البلف دا علية غطاء امان ازرق وموجود تحت الغطا كاوتش لمنع اى تسريب او اى حاجة بعد فترة بلاقى لما اجى افتحة خروج هوا فسسس بس مجرد اقل من ثانية يعنى مجرد حاجة لا تذكر بس بسمعة وبلاقى بعد كدة فقاقيع بسيطة عند اخر البلف الحديد اللى جوة عامل زى بلف الكاوتش ومجرد ثوانى والفقاقيع تقف ومفيش اى صوت واقفل تانى وتتكرر العملية بعد يومين 3 ايام كدة
دا بقى بلف اية وهل غطا الامان كفيل بعدم خروج حاجة ومفتحوش تانى عشان ميسربش
للعلم التكييف كويس ومفيش حاجة تدل انة فى عطل الحمد لله
وحتى البلف اللى جوة جديد لانج بتاع الفبريقة و معلوش اى صدا ولونة جديد
__________________________________________________ ______

اسف على الاطالة وشكرا لكم جدا .......؟

[MEMODINA1]

اية يا جماعة دا انا لو كاتب موضوع فاضى كان اى حد عمل تعليق

[haysam2000]

استهلاك البنزين عادى متقلقش و بالنسبه لموضوع التكييف استنى حد خبره عنى يفيدك فيه لأنى مش اد كده فيه

[MEMODINA1]

استهلاك البنزين عادى متقلقش و بالنسبه لموضوع التكييف استنى حد خبره عنى يفيدك فيه لأنى مش اد كده فيه

بجد انا فقدت الامل انى حد يرد عليا شكرا جدا ليك وان شاء الله انا رايح اعمل صيانة فى التوكيل واكتب تقرير عنها

[mazen elkashef]

بالنسبه لموضوع الصوت بتاع التكيف لما بتفتح البلف ده طبيعي لان الغطا ده مبيتفتحش الا ساعة تعبية الفريون فبيكون في استعداد لخروج الفريون القديم و يا ريت متفتحش الغطا ده كتير عشان ميتسببش في قطع البلف الي تحته و تسريب الفريون و عامة لو عملت كده في اي عربيه هيطلع نفس الصوت

*كلام الكهربائي الي كنت بعمل عنده التكيف من كم سنه (اوبل

[MEMODINA1]

بالنسبه لموضوع الصوت بتاع التكيف لما بتفتح البلف ده طبيعي لان الغطا ده مبيتفتحش الا ساعة تعبية الفريون فبيكون في استعداد لخروج الفريون القديم و يا ريت متفتحش الغطا ده كتير عشان ميتسببش في قطع البلف الي تحته و تسريب الفريون و عامة لو عملت كده في اي عربيه هيطلع نفس الصوت

*كلام الكهربائي الي كنت بعمل عنده التكيف من كم سنه (اوبل

اشكرك جدا ومادام فعلا مش عامل مشكلة الحمد لله يبقى مش هفتحة تانى وان شاء الله خير وكل عام وحضرتك بخير

[lad]

و حضرتك بتفتح الغطا ليه من الاصل مدام التكييف شغال تمام ثانيا البنزين كدا كويس

[MEMODINA1]

و حضرتك بتفتح الغطا ليه من الاصل مدام التكييف شغال تمام ثانيا البنزين كدا كويس

ما هو انا مش هفتحة تانى خالص انا بس كنت هروح التوكيل اعمل صيانة انا بوديها كل فترة بعيدة لانها برة الضمان بس كل 40 الف مثلا بوديها التوكيل يظبطا طبعا فى خلال 40 الف بغير انا لوحدى ما يلزم زيت فلاتر يعنى حاجات مش محتاجة توكيل
فعشان كدة قلت اشيك على كل مسمار مادام هروح التوكيل
شكرا لتعليقك