محتار بين اليابانى والكورى

[ZIMOFOX]

اخوانى الافاضل
بجد انا فى حيرة كبيرة جدا ومحتاج المساعدة
انا محتار بين التويوتا ياريس اوتوماتيك فول اوبشن
والالنترا الهاى لاين الاوتوماتيك بفتحة السقف
ارجوكم وجهونى وانا عارف انكوا هتعطونى امثلة واسباب

[Matrixawy]

اخوانى الافاضل
بجد انا فى حيرة كبيرة جدا ومحتاج المساعدة
انا محتار بين التويوتا ياريس اوتوماتيك فول اوبشن
والالنترا الهاى لاين الاوتوماتيك بفتحة السقف
ارجوكم وجهونى وانا عارف انكوا هتعطونى امثلة واسباب

هيونداى توكيلها سيىء جدا عن تجربة
بالاضافة الى انها سيارات ضعيفة بالمقارنة بالتويوتا
وقطع غيار الالنترا الجديدة غالية و مبالغ فيها رغم انها كورى
قد يجذبك شكل الالنترا و لكن الافضل ان تنظر للمضمون

[Nile_Storm]

دي عربيه ناجحه و دي عربيه ناحجه برضه
دي منتشره و دي منتشره
جي قطع غيارها موجوده عند اي حد و دي برضه
باختصار اللي ترتاح له توكل علي الله الاتنين زي الفل و الناس بتشكر فيهم
و ان كنت احس ان سعر الياريس مبالغ فيه
بس هتقول ايه ثقافه المصريين و الياباني اللي مش هيرجع تاني

[bassem_sams]

لو انت محتار مابين ياريس و النترا خذ الياريس لو مشوايرك كلها دخل البلد مش بتسافر كتير او اخذ الألنترا لو بتسافر لأن ماتورها 1600 سسى انما ياريس 1300 سىى
لكن لو هختار هأخذ الالنترا لأن صالونها واسع و ماتور 1600 سىسى و كمان منتشرة و سهل اعادة بيعها لكن توكيلها سىء و ياريس بردوا منتشرة و توكيلها حلو لكن النترا فئه اعلى و من شركه عالميه و تقفيلها و خاماتها ممتازة لكن زى ما انت عارف صاج جديد مش جامد لكن ان شايف ان المبلغ اللى هتدفعه ممكن يجبلك عربيه حلوة
زى دايهاتسو ماتيريا و تيريوس و نيسان تيداو لو تزود كام الف تجيب رينو ميجان او مازدا3 عربيات روعه وربنا يوفقك فى قرار شراء

[MOHAMED ABD EL SHAFY]

التيدا عربية خرافة جميلة جدا
فكر فيها يامان

[alivara]

انا برشحلك النترا لقوة موتورها و نعومتها و قلة عيوبها و سيبك من حكاية التوكيل ديه لانك مش حتلاقى حد هنا بيقول كلمة حلوة على التوكيل عايز تسأل على التوكيل اسأل برة فى الحقيقة عشان تعرف بالظبط

[MOHAMED ABD EL SHAFY]

هيونداى توكيلها سيىء جدا عن تجربة
بالاضافة الى انها سيارات ضعيفة بالمقارنة بالتويوتا
وقطع غيار الالنترا الجديدة غالية و مبالغ فيها رغم انها كورى
قد يجذبك شكل الالنترا و لكن الافضل ان تنظر للمضمون

+100000000
وبالنسبة للتوكيل اسال برة افضل

[Qamar]

دي عربيه ناجحه و دي عربيه ناحجه برضه
دي منتشره و دي منتشره
جي قطع غيارها موجوده عند اي حد و دي برضه
باختصار اللي ترتاح له توكل علي الله الاتنين زي الفل و الناس بتشكر فيهم
و ان كنت احس ان سعر الياريس مبالغ فيه
بس هتقول ايه ثقافه المصريين و الياباني اللي مش هيرجع تاني

لم يعد الأمر ياباني و كوري. قارن البرايد و السويفت!!
قارن الشاريد بالبيكانتو!!
الأمور تزداد تقاربا. أنا رأيي اللي يحكم يتكلم على موديل مش بلد و مش كل الهيونداي و مش كل التويوتا مثلا

[alivara]

لم يعد الأمر ياباني و كوري. قارن البرايد و السويفت!!
قارن الشاريد بالبيكانتو!!
الأمور تزداد تقاربا. أنا رأيي اللي يحكم يتكلم على موديل مش بلد و مش كل الهيونداي و مش كل التويوتا مثلا

+10000000000000000
انا دايما اقول قيموا العربيات و لاتقيموا الشركات او الدولة المصنعة

[MOHAMED ABD EL SHAFY]

الكورى افضل من اليبانى حتى لو توكيلها زفت
اللى انت مش هتقدر تشيل مسمار من غيرة !

[alivara]

اليابانى افضل طبعا و ديه حاجة معروفة باعتبار اليابانى اقدم و صاحب خبرة اطول بس الكورى برده كويس و قرب اوى من اليابانى خصوصا هيونداى و ممكن اللى مخلى كل الناس هنا مش بتحب هيونداى هو غبور بس انا لسة ماتعاملتش معاه و ربنا يستر
كل سنة و انتوا طيبين

[MOHAMED ABD EL SHAFY]

الفرق فى العمر الافتراضى والخامات

[RoadRush]

ماهى كيفية قياس العمر الافتراضى
بتعرفة ازاى