مشكلة الثبات فى الفرنا وما هى وسائل حلها

[tofy0123]

السلام عليكم
ياجماعه انا عاوز اشترى فرنا 2013 وقرأت فى المنتدى ان فيها عيب جوهرى وهوه مشكلة الثبات والصراحه العيب ده مخلينى مرعوب منها
طيب افيدونى
- هوه مشكلة الثبات دى بتظهر على سرعة كام بالضبط ؟
- ماهي حلول المشكله دى؟
-طيب لو جبت الفرنا الاتوماتيك هتيقى احسن فى الثبات والا الافضل اجيب مانوال واجنط؟
-كمان انا عندى استفسار هوه ينفع يركب عليها كاوتش مقاس 15 105 60 والا لا انا الكاوتش ده عندى ومش عامل غير 1الف كيلومتر ؟
اجوكم لاتبخلوا بالردود وبالتفصل اذا سمحتوا

[MohammedAladel]

شوفلك حاجة غيرها الفيرنا دى مش ركوبة خالص خليها تغووووووووووووور وبعدين سمعت انها خلاص مش هتنزل تانى

[verna2008auto]

شوفلك حاجة غيرها الفيرنا دى مش ركوبة خالص خليها تغووووووووووووور وبعدين سمعت انها خلاص مش هتنزل تانى

معايا الفيرنا من 2008 والحمد لله تمام التمام
وكل الناس عرفتها واشتغلت فيها وركوبه محترمه وسريعه وقطع غيارها متوفره وحنينه في البنزين
تحياتي

[aymn6666]

ذياده الثبات --جنوط 15 مع كوتش رياضي مقاس 15-50-195 مينفعش غير المقاس ده للفيرنا
انا مركب جنوط حديد 15 بتاعت تويوتا ياريس ومركب كوتش جوديير --- الثبات طبعا فرق جدا جدا والفرامل كمان

[mshmshm3]

عفشة سبور
شدادات
جنوط سبور 15
سبويلار
الحل الاسهل ركب جنوط 15 هاتحل المشكلة بصورة جزئية

[micho129]

verna is a great car stable till 120km/h without changing anything ! from my personal exp..

[haysam2000]

بص ياباشا خليك فى الأستاندرد بتاعها اللى هو 14/185/60 و شدادات لو عايز ورا و قدام علشان هى ملتى لينك يعنى مقصات ورا كمان و وزنها 1100 كيلو فده بيخليها خفيفه شويه

[lad]

بص حضرتك لو العربية ثابتة من الاول ماشى لكن تجيب عربية مش ثابتة و تقول ركب جنوط و الكلام ده كل ده بيظبط بنسبة بسيطة اوى اوى لان ديه مشكلة تصميم فى العربية مش هاجى انا بتغير مقاس كاوتش هتتظبط مكنش حد غلب و بعدين مشكلة الفرامل ليها علاق بالطنابير مالها و مال الكوتش الكلام ده لو بتتزحلق لكن هيا مش بتمسك من الاصل كويس

[S O P H O S]

كل ده ممكن يتحل بشكل نسبي
لكن الاهم ان يبقي معروف انها عربية
افضل كعائلية اكتر من الجري فرأي

[eng.m7md.ali]

بص حضرتك لو العربية ثابتة من الاول ماشى لكن تجيب عربية مش ثابتة و تقول ركب جنوط و الكلام ده كل ده بيظبط بنسبة بسيطة اوى اوى لان ديه مشكلة تصميم فى العربية مش هاجى انا بتغير مقاس كاوتش هتتظبط مكنش حد غلب و بعدين مشكلة الفرامل ليها علاق بالطنابير مالها و مال الكوتش الكلام ده لو بتتزحلق لكن هيا مش بتمسك من الاصل كويس

السبب الرئيسي لمشكلة الثبات هيا العفشة و تصميم الشاسيه

بما ان في ادينا نغير العفشة يبقى منتأخرش وهتفرق كتير عن الاستوك

واحد صاحبي مركب عشفة سبور وجنوط 18 على الفيرنا ومسقط موتور 2000 سيسي بتاع الالنترا تقريباً وبيجنن بيها بي امات في الثبات والجري

مشكلة الفرامل في السيرفو صعيف وكمان الطنابير .. وزيادة مقاس الكاوتش بيحسن الفرامل بنسبة ضعيفة بس بتتحسن لان مقاس المداس للكاوتش بقى اكبر من العادي