هل من حلول لتعلية الالنترا

[roland_yamaha]

العلايات دي الي هي الصدادات ؟
لو هي يبقى شيلها لأنك غيرت في الstiffness بتاع السوست.
احسن حل تجيب سوست نفس مقاس بتاعت الالنترا بس تكون اقوى. بتاعت عربية ايه بقى ده الي لسه بدور عليه.
بس غالباً هتكون بتاعت تويوتا

والله يا محمود الراجل العفشجي قالي العربية دي مبيركبلهاش صدادات للمساعدين لكن بيركب علايات ع السوست وخلاني جبت علايتين سوزوكي فان (علايات أنتيمونيا مش كاوتش)قالي دول كويسين لكن النوع الكوتش بيريح وفعلا ركبت العلايات الأنتيمونيا ورفعت العربية حلو أوي لكن مضايق أوي من نشفان العفشة وياريت لو حد غير السوست قبل كده بنوع تاني يقولنا علي تجربته

[mahmoud_afifi]

والله يا محمود الراجل العفشجي قالي العربية دي مبيركبلهاش صدادات للمساعدين لكن بيركب علايات ع السوست وخلاني جبت علايتين سوزوكي فان (علايات أنتيمونيا مش كاوتش)قالي دول كويسين لكن النوع الكوتش بيريح وفعلا ركبت العلايات الأنتيمونيا ورفعت العربية حلو أوي لكن مضايق أوي من نشفان العفشة وياريت لو حد غير السوست قبل كده بنوع تاني يقولنا علي تجربته

ماهي العلايه هي نفسها الصداده باختلاف الاسماء. الي حصل انه قلل مشوار الانضغاط بتاع السوسته. عشان كده انت حاسس انها بقت ناشفه. والحمل كله على جزء اصغر من السوست بعد ما كان السوسته كلها.
الحل فعلا هو تغيير السوست بس لسه ماعرفش حد عمل كده. محتاجه نعرف طول السوسته عندنا قد ايه واقرب حاجه ليها ايه

[svneleven]

ماهي العلايه هي نفسها الصداده باختلاف الاسماء. الي حصل انه قلل مشوار الانضغاط بتاع السوسته. عشان كده انت حاسس انها بقت ناشفه. والحمل كله على جزء اصغر من السوست بعد ما كان السوسته كلها.
الحل فعلا هو تغيير السوست بس لسه ماعرفش حد عمل كده. محتاجه نعرف طول السوسته عندنا قد ايه واقرب حاجه ليها ايه

أظن العلاية غير الصدادة. العلاية بتبقي زي حلقة كاوتش أو فايبر و بتتحط فوق الوستة أكنك زودت حلقة في السوستة و بالتالي العربية بتعلي فعليا. الصدادة بتكون مجرد أنها بتوقف المساعد أنه يقفل زيادة عن اللزوم بمعني أن لما تحمل جامد العربية بتحمل علي الصدادة عشان المساعد ما يقفلش أكتر و العربية توطي زيادة. فالصدادة مش بتعمل أي فرق غير لما تحمل جامد أو تاخد مطب هوا يقفل المساعد بتلاقي أن المساعد انضغط و بعد كده وقف فجأة عشان خبط أو ريح علي الصدادة.

[mahmoud_afifi]

أظن العلاية غير الصدادة. العلاية بتبقي زي حلقة كاوتش أو فايبر و بتتحط فوق الوستة أكنك زودت حلقة في السوستة و بالتالي العربية بتعلي فعليا. الصدادة بتكون مجرد أنها بتوقف المساعد أنه يقفل زيادة عن اللزوم بمعني أن لما تحمل جامد العربية بتحمل علي الصدادة عشان المساعد ما يقفلش أكتر و العربية توطي زيادة. فالصدادة مش بتعمل أي فرق غير لما تحمل جامد أو تاخد مطب هوا يقفل المساعد بتلاقي أن المساعد انضغط و بعد كده وقف فجأة عشان خبط أو ريح علي الصدادة.

طب معلش توريني الفرق بالصور لأني غالباً اتلغبطت بالمسميات.

[svneleven]

طب معلش توريني الفرق بالصور لأني غالباً اتلغبطت بالمسميات.

ديه صورة العلاية:

و ديه كمان صورة للعلاية:

و ديه صدادة و ممكن يكون ليها أشكال تاني المهم أن الفكرة منها تمنع أن المساعد يقفل علي الأخر و بالتالي تمنع العربية أنها توطي و توقفها عند حد معين:

[mahmoud_afifi]

ديه صورة العلاية:

و ديه كمان صورة للعلاية:

و ديه صدادة و ممكن يكون ليها أشكال تاني المهم أن الفكرة منها تمنع أن المساعد يقفل علي الأخر و بالتالي تمنع العربية أنها توطي و توقفها عند حد معين:

متشكر جدا يا باشا على توضيح الالتباس الي حصل عندي.
طب على كده انهي واحده الأخف ضرر او ملهاش ضرر ؟

[svneleven]

متشكر جدا يا باشا على توضيح الالتباس الي حصل عندي.
طب على كده انهي واحده الأخف ضرر او ملهاش ضرر ؟

شوف حضرتك ما فيش أي تغيير مالوش أثار جانبية. المهم هل هي مؤثرة و محسوسة و الا لأ.
العلاية هتعلي العربية بشكل دائم و ده هيأثر علي شكل و ثبات العربية. هتلاقي العربية ضهرها عالي من ورا و شكلها مش قد كده. و ممكن تنشف العربية شوية كمان. و طبعا عليت العربية يعني الثبات خصوصا في الملفات هيقل شوية و الشوية ديه حسب أنت عليت أد ايه.
الصدادة مش هتأثر لا علي شكل العربية و لا ثباتها لأنك ما علتش العربية لكن لما تحمل و تمشي المساعد هينزل و العربية تريح علي الصدادة هتحس بنشوفية جامدة جدا لأن العربية بتزل و تخبط في الصدادة الكاوتش نفس احساس أن المساعد يقفل علي بعضة لو أنت محمل جامد .
الحل بتاع تغيير السوستة بواحدة أنشف (لكن نفس الارتفاع بالظبط) يعتبر أحسن حل و طبعا هينشف العفشة بشكل واضح لكن حضرتك لازم تضحي بحاجة عشان تاخد حاجة تاني.
أنت محتاج عفشجي كويش لأن كل الحلول السابقة تخضع لخبرة العفشجي لأن هو اللي هيختار السوستة أو العلاية أو الصدادة المناسبة.

[mahmoud_afifi]

شوف حضرتك ما فيش أي تغيير مالوش أثار جانبية. المهم هل هي مؤثرة و محسوسة و الا لأ.
العلاية هتعلي العربية بشكل دائم و ده هيأثر علي شكل و ثبات العربية. هتلاقي العربية ضهرها عالي من ورا و شكلها مش قد كده. و ممكن تنشف العربية شوية كمان. و طبعا عليت العربية يعني الثبات خصوصا في الملفات هيقل شوية و الشوية ديه حسب أنت عليت أد ايه.
الصدادة مش هتأثر لا علي شكل العربية و لا ثباتها لأنك ما علتش العربية لكن لما تحمل و تمشي المساعد هينزل و العربية تريح علي الصدادة هتحس بنشوفية جامدة جدا لأن العربية بتزل و تخبط في الصدادة الكاوتش نفس احساس أن المساعد يقفل علي بعضة لو أنت محمل جامد .
الحل بتاع تغيير السوستة بواحدة أنشف (لكن نفس الارتفاع بالظبط) يعتبر أحسن حل و طبعا هينشف العفشة بشكل واضح لكن حضرتك لازم تضحي بحاجة عشان تاخد حاجة تاني.
أنت محتاج عفشجي كويش لأن كل الحلول السابقة تخضع لخبرة العفشجي لأن هو اللي هيختار السوستة أو العلاية أو الصدادة المناسبة.

ألف شكر ليك على المعلومات فعلا استفدت منها. ومعلش تعبناك :)
يبقى خلينا في حل تغيير السوست. بس ماحدش بره مصر جرب الموضوع ده لأن الطرق عندهم احسن من هنا. عشان كده لازم نستنى حد جرب الموضوع ده ويشاركنا التجربه

[roland_yamaha]

أنا سألت حمادة غزي علي سوست للألنترا 2009 قالي الطقم قدام وورا عامل 1700 جنيه ماركة أيباخ ألماني بس انا مستغليهم بصراحة
بس لحد دلوقتي تقريبا أنا أتأقلمت مع العلايات خت بيها سرعات وتقريبا محستش بإختلاف في الثبات أو التعويم خالص هي بس نشفان عفشة حاجة بسيطة ونصيحة للي هيركب علايات يجرب النوع الكاوتش أو الفايبر مش المعدن زي يمكن ينعم العفشة شوية

[mahmoud_afifi]

أنا سألت حمادة غزي علي سوست للألنترا 2009 قالي الطقم قدام وورا عامل 1700 جنيه ماركة أيباخ ألماني بس انا مستغليهم بصراحة
بس لحد دلوقتي تقريبا أنا أتأقلمت مع العلايات خت بيها سرعات وتقريبا محستش بإختلاف في الثبات أو التعويم خالص هي بس نشفان عفشة حاجة بسيطة ونصيحة للي هيركب علايات يجرب النوع الكاوتش أو الفايبر مش المعدن زي يمكن ينعم العفشة شوية

الايباخ اقصر من الي معانا تقريبا 3 سم بس ناشفه فعلا ومابتتضغطش بسهوله. بس بتدي ثبات حلو للعربيه لأنها بتهبط العربيه

طب ماتحط الكاوتش قبل ما المعدن تبوظلك حاجه لا قدر الله.

[roland_yamaha]

شوية كده وهغيرها بأذن الله نوع كاوتش

[mahmoud_afifi]

شوية كده وهغيرها بأذن الله نوع كاوتش

ان شاء الله تبقى احسن من الي دلوقتي

[drcobra]

شوف حضرتك ما فيش أي تغيير مالوش أثار جانبية. المهم هل هي مؤثرة و محسوسة و الا لأ.
العلاية هتعلي العربية بشكل دائم و ده هيأثر علي شكل و ثبات العربية. هتلاقي العربية ضهرها عالي من ورا و شكلها مش قد كده. و ممكن تنشف العربية شوية كمان. و طبعا عليت العربية يعني الثبات خصوصا في الملفات هيقل شوية و الشوية ديه حسب أنت عليت أد ايه.
الصدادة مش هتأثر لا علي شكل العربية و لا ثباتها لأنك ما علتش العربية لكن لما تحمل و تمشي المساعد هينزل و العربية تريح علي الصدادة هتحس بنشوفية جامدة جدا لأن العربية بتزل و تخبط في الصدادة الكاوتش نفس احساس أن المساعد يقفل علي بعضة لو أنت محمل جامد .
الحل بتاع تغيير السوستة بواحدة أنشف (لكن نفس الارتفاع بالظبط) يعتبر أحسن حل و طبعا هينشف العفشة بشكل واضح لكن حضرتك لازم تضحي بحاجة عشان تاخد حاجة تاني.
أنت محتاج عفشجي كويش لأن كل الحلول السابقة تخضع لخبرة العفشجي لأن هو اللي هيختار السوستة أو العلاية أو الصدادة المناسبة.

انا مع رأى حضرتك

[M.Mostafa80]

كانت دى مشكلتى لحد ما ركبت جنط 16 كاوتش 205 /55 الحمد لله نسيت تماما موضوغ الحك دا

[KamalShawqi]

العربية الانترا 2009 طبعا اما يقعد 3 أشخاص في الكنبه الخلفية العربية بتهبط جامد ولازم تحك مني في أي مطب في حد حل المشكلة دي في عربيته وتكون أمان

عاوز اقولك حاجة بسيطة عن تجربتي يمكن تفرق معاك

فيه فرق مابين مطبات الاهالي ومطبات الحكومة، انا اول ما جبر الالنترا ومن اول ركوبة كان معايا ٣ ورا وواحد جمبي، وكنت ماشي في ارياف اللي مطباتها مطبات أهالي (يعني كل ما عيل تخبطه عربية أهل القرية اللي علي الطريق يعملوا مطب بشوية اسفلت مكان خبطته آل عشان الناس ما تجريش هنا تاني، او يعملوها قبل ما حد يتخبط) المطبات دي بتبقي اغبي مطبات لان مالهاش تصميم في ارتفاعها ولا عرضها

لما ركب ٣ ورايا وواحد جمبي ومشيت في الارياف، مش عاوز اقولك خدت كام مطب، لا نافع اعدي المطب بالجمب ولا نافع اي نيلا، وقلقت جدا، وقلت اللي باعهالي نصب عليا، وقعدت ادور ي النت علي تعلية العربية واسأل الناس وكنت متضايق، واضطريت في الاسبوع ده اعتمد علي طرق تانية متكسرة، بس احسنلي من الطريق المرصوف اللي فيه مطبات اهالي بالشكل ده (اللي عاملها ما بيفكرش في الالنترا، بيقكر في الجرارات والنقل بانواعه والاتوبيسات والموتوسيكلات والتروسيكلات والتكاتك والعربيات الرخيصة، وكل ده المطب بالنسباله ولا حاجة)

انما لما رجعت لقاهرة المعز لدين الله الفاطمي، عاوز اقولك ولا مطب حكيت فيه من غير ما اعدي المطب بالعرض

فمش شرط السبب في العربية قد مالسبب في مطبات الاهالي الغبية، انت بس ظبط ضغط الكاوتشات عند اي حد عنده عداد ديجيتال (الانالوج تعبان ومش دقيق) ولو تقدر تجيب جنط ١٦ زي ما مكتوب عندك علي القايم تبقي كده تمام، وبراحة وانت طالع المطبات وما يمنعش تاخده بالجمب بعد ما تختار المنطقة الواطية فيه تطلع من عليها

اتمني كلامي يوصف حالتك و يفيدك بحاجة :)