أستفسار عن باغة فانوس أمامي للأنترا 2012

[AshTurbo]

سلام عليكم يانجوم هيونداي عاملين أيه في الصيام يارب يتقبل منكم صيامكم وقيامكم وسائر أعمالكم .

أمبارح عملت حادثة وفانوس العربية الأمامي الباغة أتكسرت بس الفانوس سليم فهل الباغة بتتباع لوحدها ولو بتتباع فين ألاقيها طبعاً سألت في التوكيل السعر للفانوس 1850 جنيه منتهى الأفتراء طبعاً .... مستني أفكاركم وردودكم .

[jojojojo]

للاسف الباغه مش بتتباع لوحدها لازم الفانوس كامل ممكن تشوف حد يكون بيصب الباغات ديه وتخليه يصب ليك واحده للفانوس والف سلامه علي حضرتك

[محمد فوزى]

الحمد لله على كل شىء...حصل معى نفس الموقف بس فى الفانوس الخلفى وسألت على موضوع الباغة ده لقيته مش حل كويس والحمد لله ربنا وفقنى ووجدت واحد بيبيع الفوانيس الصينى ولقيته عنده بأقل من ربع الثمن وتقريبا نفس الجودة (لا تستطيع ان تفرق بينهم) والمحل ده موجود بالدقى عند السرساوى اسأل واعتقد انك هتجد عنده الفانوس الامامى

[AshTurbo]

شكراً لكل الردود يارجالة بس يعني فانوس كامل بحالته تتكسر منه حته أغيره كله مش حكاية فلوس بس يعني الحل ياجيب صيني وأرمي الأصلي يا أما أمشي بيها مكسورة ولا أيه دي حتة باغة كحيانة بلاستيك مش أختراع نووي طبعاً غبور هيتلقفني بكل ترحيب وسعة صدر وأبتسامة صفراء عريضة ويقولي أهلاً بيك في السلخانة ....... أيموشن واحد مشلول .

[محمد فوزى]

بص با باشا حكاية الباغة كصناعة هى سهلة لكن فى الحياه العمليه لما سألت عليها لقيت ان هيكون فيها (كان ونصبه) ووقت وكده فا ريح دماغك والتكلفة هتكون هى هى لحد ما ممكن حد كويس يشتغل فى الموضوع ده وينتشر

[AshTurbo]

أنا لقيت نمرة على النت لمصنع بيصب باغات الفوانيس وبيقولي هتتكلف 250 جنيه وهتطلع أحلى من الأوريجينال سألته طب أنت عندك فورمة للفانوس هتصب عليها ولا أيه قالي أنهم بيعملوا حاجة زي تجربة بيجيبو بيها شكل الفانوس وبيبدأ يصب على أساسها وهو عنده أستعداد ياخد الفانوس ويركبلك الباغة يعني قالي أبعتلي الفانوس وأركبلك الباغة وأشحنهولك تاني أيه رأيكم ؟

[hugan]

أنا لقيت نمرة على النت لمصنع بيصب باغات الفوانيس وبيقولي هتتكلف 250 جنيه وهتطلع أحلى من الأوريجينال سألته طب أنت عندك فورمة للفانوس هتصب عليها ولا أيه قالي أنهم بيعملوا حاجة زي تجربة بيجيبو بيها شكل الفانوس وبيبدأ يصب على أساسها وهو عنده أستعداد ياخد الفانوس ويركبلك الباغة يعني قالي أبعتلي الفانوس وأركبلك الباغة وأشحنهولك تاني أيه رأيكم ؟

فين يا باشا المصتع ده

[AshTurbo]

باغة فانوس خلفى النترا 2012-دليلك- اعلانات مبوبة-مصر