حجزت أكسنت rb 2013 و شوية استفسارات مهمة...

[x_gomgom]

شكراً جزيلاً يا استاذ Hosam_Optrawy بجد انا مش عارف اشكرك ازاي انا هجرب موضوع المفتاح بكره ان شاء الله....
طيب معلش في طريقه اعرف انها 4 ولا 6 عشان انا المندوب مفهمني انها 6 ... عشان لو اربعه يبقي اتضحك عليا و ألحق فلوس الحجز قبل ما تروح

[x_gomgom]

يا ريت لو في طريقه للمعرفه الفتيس 6 ولا اربعه فبل ما استلم

[medo18]

مش عارف هتنفع ولا لا بس اقلبها ستيبترونك و انقل و شوف في العداد هيوصل لكام ................................ بس هيا في مصر 4 نقلات

[john55]

ياباشا تليفون صغير لغبور وانت تعرف انا معايا العربيه الفتيس اربع سرعات ولما دخلت علي كونتكت كار لقيته 6 سرعات موديل 2013 علشان تتاكد صح كلم خدمه العملاء 16661 وكويس ان الفءه دي فيها وسائل الامان انا كنت شاري اول فئه مكنش فيها وشكرا

[x_gomgom]

شاكرين مهللين اتصلت النهاردة بغبور و قالوا لي ان الاتوماتيك 4 سرعات و لا يوجد اموبلايزر بها...
الواضح ان المندوب بتاع المبيعات كان بيفتي بس الحمد لله على كل حال .......
رمضان كريم

[Rsarabia]

فتيس الار بى 4 سرعات
مفيش ايموبيليزر
لو المعرض مفهمك غير كدا الغى الحجز
وهات الريو :) لانها بايموبيليزر
عربية من غير ايموبيليزر فى الزمن دا حرام بجد

[x_gomgom]

والله انا بفكر جدياً في الريو بس عن تجربه ركبت فيها العفشه ناشفه من ورا وكنت قاعد على الكنبة الخلفية في مشوار سفر و الصالون اصغر بنسبه بسيطة من الأكسنت.....
والله ما عارف اعمل ايه

[hamaka]

مع الريو ممكن تبصلك بصة على بيجو 301 أو سيتروين سى ايليزيه ، لو فى دماغك موضوع اعادة البيع أوى يبقى فكك من السيتروين و خليك فى البيجو ، هما كده كده نفس العربية بس هى دى ثقافة السوق للأسف ، و اللانسر بومة فى نفس الفئة معاهم طبعاً هى شكل قديم بس اعتمادية جداً و اعادة بيع ممتاز لو الموضوع ده حيوى بالنسبة لك ، انزل معرض فيه ال 4 عربيات و اركبهم و شوف الأوبشنز و صلى استخارة و خد قرارك....

[x_gomgom]

شكراً جزيلاً يا استاذ hamaka و ان شاء الله هنزل بعد الفطار عند المصريه اشوف العربيات الثلاثه....
جزاكم الله كل خير

[matantawy]

العربية برة موتور GDi و 6 سرعات
هنا لأ 4 بس، و تتأكد لما تنقل الفتيس ستبترونيك
انا معايا الفئة اللى فيها ABS + Air Bag زيك و لقيت فيها علامة الايموبلايزر، شوف الموضوع ده كمان هتلاقى انى روحت عند محل مفاتيح كبير و اكدلى ان المفتاح فيه شفرة و العربية فيها ايموبلايزر
قولنا العلامة اللى فى الموضوع فى العربية اللى فى المعرض ولا لأ

http://www.nilemotors.net/Nile/351809-rb-immobilizer.html

غير كده، اختيار موفق لأنك جمعت مميزات الRB و كان ناقصها الأمان ف جبت الفئة اللى فيها ABS + Air Bag انا عملت كده برضه، توكل على الله و استمتع بيها

[x_gomgom]

انا لسه جاي من المعرض حالاً و اكتشفت الاتي:
العربية فيها اموبلايزر و بيظهر صورة لعربية لون اصفر وداخلها مفتاح لما تيجي تدور لما حاولت اجيب الاستيبترونك و هي واقفه ماجبتش اكتر من 2 وللاسف معرفتش ادور لان مكانش فيها بنزين و العربية قدام فيها تيل و ورا فرامل قباقيب........
الاستاذ matantawy شكراً لمرورك الكريم و ربنا يكرم و استلم اخر الاسبوع....

[john55]

بلتوفيق انشاء الله بس نصيحه ليك خلي بالك اوي من ابعاد العربيه في الركن الخلفي وحاول الاول تسقها في اوقات ميكنش فيها عربيات كتيره لحد متتعود علي ابعادها وشكرا

[Rsarabia]

خلاص مدام فيها ايموبيليزر اتكل على الله

[#MAAM#]

بص ياباشا هيه ده الصورة اللي بتظهر في التابلوة ولو بتظهر عندك يبقى عندك ايمبولايزر وانا معايا اكسنت والحمد لله موجود عندي ايمبولايزر برضه وده الصورة

[x_gomgom]

فعلاً الصورة دي موجوده بالتابلوه من الناحية اليمني...
شكراً