تكييف الفيرنا

[shooda2020]

مساء الخير و يارب يكون خير علي مصر كلها لان بجد انا قلقان ع البيحصل في مصر
وبعد مساء الخير انا عندي مشكله وهي ان التكييف بقي مش زاي الاول مع العلم العربيه موديل اواخر 2009 تحركي بيها قليل جدا وعامل حوالي 19800 الف كيلو يعني مش واصل لل 20000 الف و التكييف بقي ضعيف و الهوايات الجنب الباب هواها صعف اوووي
بس انا عملت حاجه كدا من سنه حاسسها هي ال اثرت وهي ان الكاسيت مش ماسك كويس في التابلوه وفيه فراغات بينه وبين الباغه فكنت بحط مناديل ورق و احشي بيها الحتت الفاضيه طبعا كان بيدخل بين الكاسيت و الفرام و ينزل جوا التابلوه فمش عارف ممكن سد فتحات التكييف ولا لا؟؟؟ مش فاهم بجد ميكانزم التكييف من جوا
او ممكن علشان اكون ركبت من سنتين بالظبط فلتر التكييف و اتملي تراب مع اني منضفه من كام شهر وبرضه حاسه ضعيف و معلومه صغيره تشغيلي للتكييف قليل جدااااااااا
واسف عالاطاله وارجو الرد من حضراتكم
شكرا

[EngAhmedSakr]

في جو مصر دا لازم تنضف فلتر التكييف مره كل 3 شهور مثلا
والحاجه اللي هتفرق معاك جامد ان شاء الله هي تنظيف سربنتينه التكييف ... انفخها الأول بهواء مضغوط لتنظيف التراب وبعدين اغسلها بخرطوم ميه كدا ... والوضع اكيد هيتحسن ان شاء الرحمن

بالتوفيق

[verna2008auto]

فعلا نضافه فلتر التكييف من العوامل اللي بتأثر علي التكييف وانه لازم يتنضف
وكمان تنضيف السربنتينه برده كده
ولكن تحسبا لاي شيء لاقدر الله يعني بعد ما عملت اللي احنا قلناه وبرده ما فيش فايده

اول هام تبص علي الاشياء اللي ها اقولهالك
1-بطاريه العربيه اخبارها ايه معاك .. هلي بحالتها واله بتشاور عقلها ..(( صدقني بتفرق مع التكييف ))
2-لو ودتها عند حد بتاعع تكييف ..لازم تعرف جزئية ممكن تكون هيا السبب ((احتكال يعني لانها شهيره جدا )) اسمها( اكسبانشن )
ماتقلقش تغيرها وفكها مش مشكله وسعرها مش غالي مش بيعدي ال 120 جنيه وطبعا ها تحتاج تشحن تكييف كامل لو كان العيب منها او بتسرب
3-لازم تعرف نوع الفريون المناسب وهو R134a وممكن لو انتا جامد وناصح تجيب زجاجه صغيره منه وتروح بيها لبتاع التكييف يحطلك منها عشان تبقفي عارف الكميه اللي اتحطت
وتقدر تشتريها من عند اي محل تكييفات عادي

بالتوفيق ..وابقي قلنا عملت ايه