مساعدة ضرورى فى طنابير الفيرنا والتيل

[MEMODINA1]

السلام عليكم ورحمة الله
انا قبل ما اعمل اى حاجة بسال هنا الاول لانى عارف اد اية الاعضاء هنا متجاوبة وفدونى كتيير
المشكلة انى عايز اخرط الطنابير عشان فيها ريجة فوق 100 ك
رحت اخرطها عند واحد معرفة وجار ليا قالى هعملهالك صح قام الراجل العفشجى قالى لازم تغيير تيل فرامل
حتى لو اللى راكب جديد
هو فاكر التيل ب 100 جنية مش عارف انى بجيبة من التوكيل بـ 380 جنية
لانى تعبت من التيل الصينى والكورى والحوارات دى كلها فاشلة حتى موبيس جربتة وبيصفر
الوقتى انا ماشى حوالى 5000 كيلو بالتيل الاصلى وباقى فية كتير
سؤالى هل ينفع اخرط الطنابير واركب التيل عادى ومش هيحصل حاجة للطنبورة ولا التيل عشان طبع على الطنبورة قبل الخرط ممكن يرجع الطنبورة زى ما كانت
محتاج رايكم وشكرا لكم جميعا

[rotanamasoud]

لو التيل سليم وغالى خسارته يبقى تشترى صنفره وتصنفره(تسوى سطحه) عشان يبقى مش مطبع وتركبه يطبع على الطنابير الجديده

[MEMODINA1]

لو التيل سليم وغالى خسارته يبقى تشترى صنفره وتصنفره(تسوى سطحه) عشان يبقى مش مطبع وتركبه يطبع على الطنابير الجديده

غالى جدا والله 380 جنية طبعا بالنسبة للفيرنا انا عارف انى فى تيل اغلى من كدة فى عربيات تانى
بس اللى مزعلنى علية انة لسة مكملش شهر وعملت بية 5000 فمش معقول اغيرة واخسر فلوسة
شكرا على ردك واتمنى اشوف راى بقية الاعضاء

[verna2008auto]

خلينا متفقين علي حاجه ..
الطنبير بتتخرط لو بتحس فيها مع الفرامل هزهزه ..
او لو انتا شايف انها عملت دواير جوه بعض وبتبوظ اي تيل يركبه

موضوع الرجه عند ال 100 دي حاجه تانيه .. عفوا دي ترصيص و زوايا يا مومبيك مش طنابير

بالنسبه للخرط بيكلف الواحده ب 25 جنيه يعني كله 50
وما تتخرطش مرتين .. عشان سمكها ما يقلش وتعمل مشاكل لاقدر الله ترميها وتجيب غيرها جديد

بالنسبه لكلام العفشجي .. صح انك تغيرلها تيل ..
بس ما ترميش اللي عندك ...ممكن يتسنفر فعلا ويركب تاني (( ده لو باظ ))

كلامي ده عن تجربه (( انا مريت بيها حرفيا ))

[MEMODINA1]

خلينا متفقين علي حاجه ..
الطنبير بتتخرط لو بتحس فيها مع الفرامل هزهزه ..
او لو انتا شايف انها عملت دواير جوه بعض وبتبوظ اي تيل يركبه

موضوع الرجه عند ال 100 دي حاجه تانيه .. عفوا دي ترصيص و زوايا يا مومبيك مش طنابير

بالنسبه للخرط بيكلف الواحده ب 25 جنيه يعني كله 50
وما تتخرطش مرتين .. عشان سمكها ما يقلش وتعمل مشاكل لاقدر الله ترميها وتجيب غيرها جديد

بالنسبه لكلام العفشجي .. صح انك تغيرلها تيل ..
بس ما ترميش اللي عندك ...ممكن يتسنفر فعلا ويركب تاني (( ده لو باظ ))

كلامي ده عن تجربه (( انا مريت بيها حرفيا ))

اولا شكرا جدا على ردك

ثانيا : انا كنت بعانى من موضوع الترصيص دا وعارف كويس حكاية ولذلك غيرت الجنوط بجديدة كورى من التوكيل انا متاكد انى العيب طنابير لانى بجيب بالعربية 140 والحمد لله مفيش رعشة لكن بمجرد ادوس فرامل احس الرعشة واول ما اسيب فرامل تختفى وانا خرطت الطنابير قبل كدة مرتين ودى هتبقى الثالثة

بس انت صح اوى فى حتة انى فى دواير على الطنبورة وباينة اوى عندى وكل مرة اخرطها تبقى زى الفل واجيب تيل اصلى من التوكيل واركبة ومفيش 3000 كيلو وتعمل نفس الدوائر اللى على سطح الطنبورة تانى

معلش سؤال تانى هى الدوائر دى هى اللى بتعمل الرعشة فى البدال وعشان كدة بنخرطها ولا الطنبورة نفسها بيبقى فيها لوحة والدوائر دى ملهاش علاقة بالحوار

ملحوظة صغيرة سبب انى خرط الطنابير اول مرة ومكنتش كملت بالعربية 25000 كيلو كانت زيرو السبب انى كانت الطنبورة بتبقى سخنة ناااااااار وانا اجيب مية سقعة واكب عليها بالخرطوم ومكنتش اعرف انى دا غلط يبوظها وبعدها خرطها مرة ورجعت تانى وسبتها كتيير وخرطها من 7 شهور كدة واهى ابتدت ترجع تانى وعلى طول بلاقيها عملت الدوائر اللى حضرتك بتقول عليها واتمنى تجاوبنى لانى رايح بكرة اشوف الموضوع فارجو انك تدلنى للصح واعتقد الطنبورة فيها سماكة مش رفيعة وشكرا

[MEMODINA1]

اشكر كل من شارك فى الموضوع
عموما اللى عملتة بصراحة رحت مسيت على الطنبورة يدوب حاجة بتاع مللى وبعدين شلت من التيل برضة سويتة عند الخراط لانة كان يعتبر جديد وركبت كلة على بعضة والحمد لله الرجة راحت بس طبعا هترجع تانى بس ربنا يسهلها لما ترجع ابقى اجيب 2 كورى بدل المصرى اللى نازل مع الفيرنا واهى ماشية كويس الحمد لله شكرا لكم

[محمديوسف]

الطنابير المحلي اعتقد فيها مشاكل
جرب الكوري

[MEMODINA1]

الطنابير المحلي اعتقد فيها مشاكل
جرب الكوري

اى حاجة مصرى اعرف انها اسوء حاجة مش عربيات وقطع غيار لاة كل حاجة من اكل وشرب ولبس ومسكن وعمل وصيانة وقطع غيار
الا ما رحم ربى ياريتها تيجى على الطنابير وبس

[mekololo]

انا كنت بركب تيل هاى كيو ممتاز ب 55 ج كان بيخلص بسرعه كل 5000 كم و الطنابير سليمه قولت اجرب الاصلى من التوكيل 250 ج وهو الى بوظ الطنابير ومتكلش التيل الناشف له عيوب ملحوظه العربيه اوتوماتيك والتوكيل عنده للعاده و اتوماتيك 180 ج عاده الاتومايك 220 وغلى بقى ب250

[Mecha]

ينفع بس سنفره من الريجه القديمه هياخد شويه وقت وهيعفق في الدسك المخروط, طالما لسه فيه لحم كتير