لا حول ولا قوة الا بالله كان نفسى أعملكم تقييم بس خلاص هبيع

[عزيز محمد]

السلام عليكم ورحمة الله

يا سيدى الفاضل تصليح السيارة بحيث ترجع كأنها زيرو لن يكلفك الكثير

أما بيعها سواء قبل تصليحها أو بعده فهو خسارة مؤكدة، ولما تبيع برضه هتجيب عربية زيرو تانية هتكون معرضة إنها تتخبط، لاحظ إن كون العربية اتخبطت ده مش سبب يخليها تتباع (خصوصا لو الموضوع بسيط زى الحالة هنا).

السبب الوحيد اللى يخللى حضرتك تبيع إنك تكتشف إن العربية (فى حد ذاتها) سيئة، أو إن مصاريف تصليحها كبيرة جدا، وما افتكرش إن الأسباب دى متوافرة فى الوضع ده.

[hesham2004]

يا بشمهندس محمد ، انت بتجمع آراء و بس و لا ايه ؟
الموضوع بسيط ، لو انت متشائم من العربية على الأخر و عندك استعداد تخسر فيها مبلغ كبير مش حيقل عن 10 الاف جنيه . فاعرضها للبيع حتى لو فى المنتدى .
و لو انت لسه بتحبها ، فكلنا بننصحك تصلحها حتى لو فى التوكيل و ان شاء الله مش حتتكلف كتير يعنى لو سمكرت و رشيت باب و رفرف حتكلف اللوحة فى حدود 600 جنيه يعنى 1200 جنيه ( كلام فارغ ) كانك جبتلها كاسيت و باظ او فرش داخلى و طلع سكه
احمد ربنا ان الحجات ده ما جتش فى عيل من العيال و لا حاجه ، قدر الله ماشاء فعل .

[RoadRush]

u can repair it before sell

[shefa]

أخى الحبيب توكل على الله زى ما الاعضاء الكرام قالوا وصلحها واوعى تفكر فى موضوع البيع خالص وربنا يعوض عليك وعلى فكرة انا فى واحد صاحبى كان معه عربية فيرنا وعمل بيها حادثة والعربية كانت زيرو والحوض كله ادمر وربنا كتب له عمر جديد وبعدين راح غبور قالوا هتتكلف 15 الف جنيه عشان ترجع زى الاول لكن طبعا ده كتييررررررر جدا فصلحها عند سمكرى برة وكلفته حوالى 6 الاف جنيه وبقت زى الفل وشغالة ميه الميه فموضوعك أظن انه اهون بكتييير من ده واتوكل على الله وسمكرها وربنا يكرمك ويبعد عنك عيون الناس

[Nile_Storm]

متبيعش اهدي بس كده وواحده واحده تتظبط

[hazem_khidr]

هون عليك يا اخي
الحكايه بسيطه جدا و اللي في العربيه حاجات عاديه ما تستاهلش انها تتباع
انت بس سيبها شويه تاخد العين بتاعها
و بعدين وديها لسمكري كويس و مش حيبان فيها حاجه و ما تقلقش

[emadkamel]

المهم سلامتك يا باشا ... انا رأيى انك سواء هاتركبها او هاتبعها فانت لازم هاتصلحها .... صلحها وشوف بعد كده ... حبيت تركبها ولقيتها شغاله معاك كان بها وماحبتش بيعها وهاتجيب سغر احسن من حالتها دلوقت

[RoadRush]

i see it is small points
repair it

[Ramy_Ali]

طمنا عليك يا مان
عملت ايه؟

[Amrrr]

لو كل واحد جاب عربية عمل زيك مش هتلاقي عربيات في الشوارع
وممكن تأمن على العربية بعد كدة حتى نفسيا هتبقى مرتاح بس استنضف شركة تأمين وشوف كل شركة تأمين بتتعامل مع بعض مراكز الخدمة او التوكيلات مباشرة بحيث ان التأمين يدفع مباشرة للمكان اللي صلحت فيه وقلنا عملت ايه