السنتر مبيقفلش فى الاكسنت اربى - حد حصل معاه كده

[atyam]

السلام عليكم ورحمة الله وبركاته

انهارده طلعت عادى بالعربية وبعد مدوست اول فرامل لاحظت ان صوت السنتر قفل بس ببص على اللوك لقيته لسه مفتوح ووقفت وبقيت اقفل بالريموت بيعمل الصوت بس وميقفلش اللوك واقفل بايدى وافتح بالريموت يفتح عادى

فياترى حد حصل معاه كده والحل ممكن يكون ايه؟ لازم اروح التوكيل ولا ممكن يكون عيب بسيط؟ انا اضطريت اقفل العربية بالمفتاح وانا بركنها لكن الانذار بيقفل عادى

[toty_305]

-حصلت معايا مرة و روحت مركز خدمة أتحلت في 5 دقائق بيكون فيه حاجه في الباب فيها بوش تقريبا

-أهم حاجه بلاش تقفل و تفتح كتير من الزرار حاول تستخدم الريموت حتى و انت مدور العربية السنتر و الانذار رنوعهما ردئ

-لا تقلق بس روح لمركز خدمة لانهم بيفكوا باب السائق ممكن حد بره يبوظ حاجة كده و لا كده و الدنيا ببلاش في التوكيل فكده تكون في السليم

[atyam]

مهو انا لازم استعمل اليدوى وانا جوه العربية عشان الريموت بيفتح بس مبيقفلش ولما بنزل من العربية بقفل بالمفتاح

وهشوف وقت ان شاء الله واروح التوكيل

[toty_305]

-لا أنا بقول أستعمل الريموت عامه بعد متصلحها لكن دلوقتي عادي

[eleanor]

هاتلاقى السيخ بتاع السنتر الى فى باب السائق مهزوز نتيجه مطب جامد ولا حاجه

[confidential]

بص ياباشا، لو الموضوع ده في باب واحد مبيقفلش او مبيفتحش دي بسيطة ومتروحش مركز ولا توكيل ولا حاجه، فك الباب وهتلاقي المكنة اللي بتفتح وتقفل اللوك فكها من مكانها وفي انبوبة شحم كده بتترش رش على الجزي اللي داخل جوه المكنة واقعد افتحه واقفله بايدك كده وركبه وهتلاقيها اتحلت

[atyam]

الف شكر يا رجاله على الردود

بس للاسف الاربع ابوب مش بيقفلو فهضطر اروح التوكيل

بس حد يعرف قسم الهياكل اللى بيصلح الحاجات دى شغال السبت ولا لا؟

[AHMEDCAR]

الحل ده فى حاله انك تكون بتسمع صوت السنتر لكن الابواب مش بتقفل

فك الباب هتلاقى ماكينه السنتر واقعه من مكانها ثبتها و خلصت على كده ولا تروح توكيل ولا توجع دماغك

و لما تثبتها هتلاقى كل الابواب شغاله تمام

[john55]

الف شكر يا رجاله على الردود

بس للاسف الاربع ابوب مش بيقفلو فهضطر اروح التوكيل

بس حد يعرف قسم الهياكل اللى بيصلح الحاجات دى شغال السبت ولا لا؟

مش هتحتاج قسم الهياكل المكان الرئيسي للتوكيل هو اللي بعمل السنتر انا صلحتها في المركز الرئيسي في قليوب في الضمان وشكرا

[atyam]

الحمد لله حليت المشكله

روحت كشفت عند واحد وطلعت ماكينة السنتر مكسورة وغيرتها بواحده تانى ب60 جنيه

وولا توكيل ولا وجع دماغ

[toty_305]

-تمام هي حاجه بسيطة فعلا

[michohat]

هتلاقي سنتر باب واحد معلق فعامل تاثير ع الباقي

[azwoz65]

الحمد لله حليت المشكله

روحت كشفت عند واحد وطلعت ماكينة السنتر مكسورة وغيرتها بواحده تانى ب60 جنيه

وولا توكيل ولا وجع دماغ

الحمد لله والف مبروك