اشتريت النترا 2010 ملعوب في عدادها

[mosh11]

الموضوع دة للتحذير لاي حد بيشتري مستعمل

شوفنا العربية في كونتكت كارز 2010 ماشية 36000 روحنا كشفنا عليها في بنزينة كله فبريكة و الكاوتش كان انتاج اسبوع 23 2009 يعني المفروض بتاع التوكيل . الحاجة الوحيدة اللي مكانتش مضبوطة ان مكان المفتاح كان باين عليه انو اتفك و اتركب تاني الجزء اللي تحت الدركسيون كله
قولنا مش مشكلة تلاقي كان بيصلح اي حاجة في أو المفتاح ضاع. و النقطة التانية اني العربية كان فيها تلات توكيلات.
فاشترينا العربية و روحنا نعمل صيانة ال 40000 قالك ايه العربية دي داخلة صيانة ال 50000 عندنا في شهر 12 2012 يعني احنا بنتكام انها دلوقتي عاملة 65000 مثلا
خدو بالكو بعد كدة و الله ينتقم من التجار كلهم واحد واحد

[Deshahcoka]

ربنا يعوضك و ينتقم منهم ! فعلا الموضوع ده انتشر قوي :( الواحد بقى يطمن للعربيات الكيلوا الكبير هههههههه

[monamize4]

يا باشا طالما العربية سليمة يبقى متزعلش نفسك

و عايز اقولك حاجة ,,
كتير من التجار و الناس الفاهمة بطلوا اساسا يسألوا العربية عاملة كام كيلو
لان العداد مش مقياس خالص لحالة العربية ,, دا غير ان سهل يتلعب فيه
و عايز اقولك كمان ان العربية الملعوب ف عدادها بتبان بس مش بنسبة 100%

نسيت اقولك انك كدا محتاج تغيير الكاوتش

[p r i n c e]

الموضوع دة للتحذير لاي حد بيشتري مستعمل

شوفنا العربية في كونتكت كارز 2010 ماشية 36000 روحنا كشفنا عليها في بنزينة كله فبريكة و الكاوتش كان انتاج اسبوع 23 2009 يعني المفروض بتاع التوكيل . الحاجة الوحيدة اللي مكانتش مضبوطة ان مكان المفتاح كان باين عليه انو اتفك و اتركب تاني الجزء اللي تحت الدركسيون كله
قولنا مش مشكلة تلاقي كان بيصلح اي حاجة في أو المفتاح ضاع. و النقطة التانية اني العربية كان فيها تلات توكيلات.
فاشترينا العربية و روحنا نعمل صيانة ال 40000 قالك ايه العربية دي داخلة صيانة ال 50000 عندنا في شهر 12 2012 يعني احنا بنتكام انها دلوقتي عاملة 65000 مثلا
خدو بالكو بعد كدة و الله ينتقم من التجار كلهم واحد واحد

احمد ربنا اتضحك عليك ف 30 ألف كيلو بس
في ناس اتضحك عليها ف اكتر من 100 ألف كيلو!!!

[mxz911]

فعلا احمد ربنا ...
فى ناس تبيعلك العربيه على انها ماشيه 80 الف وهيه 180 الف مثلا
الطبيعى اما حد بيلعب ف العداد بصراحه بيبقى فى 100 الف لكنى اول مره اشوف حد يلعب ف عداد على رقم صغير كده

[msobhy]

غريبه اوى انه يلعب فى رقم صغير كده !!!!

[Mostafa.Mahran]

ما كنت رحت التوكيل من الاول افضل

[mosh11]

طب يا رجالة انتو بتقولو في حد بيلعب في رقم صغير كدة و مقولتلوليش اذاي أصلا بتتعمل و اقدر أعرف اذاي

[yyy]

اكيد نقصو علشان متخصمش منو حق الكاوتش
.
سعر العربيه كام ؟

[monamize4]

طب يا رجالة انتو بتقولو في حد بيلعب في رقم صغير كدة و مقولتلوليش اذاي أصلا بتتعمل و اقدر أعرف اذاي

غريبة فعلا حكاية ان واحد يلعب ف رقم صغير زى كدة
الناس لما بتلعب ف العداد بتلعب ف90-100 الف كيلو


فى ناس بيفصلوا فيشة العداد و كدا العداد هيثبت على اخر رقم و مش هيعد تانى لحد ما الفيشة تتركب و دى اسهل طريقة و منتشرة ف معارض بيع العربيات الزيرو و معروفة كمان للناس اللى بيأجروا عربيات
و فى ناس متخصصين بيقلبوا العداد ,, بمعنى انه يقلل العداد الحالى و ممكن يصفرة كمان و على ما اتذكر ان الحكاية دى بتتعمل ب 100 جنية


الحوار دا بيتعرف بس مش بنسبة 100% ,,,
بفرض اننا بنتكلم عن عربية عدادها 40 الف كيلو و ف الاصل هو 110-130 الف كيلو

هتبص على الكاوتش لو لقيته متغير مش بتاع الفابريكة يبقى كدة احتمال (مش اكيد) ان العداد مقلوب
و من الحاجات اللى بتوضح الحوار دا اوى ,, دواسة البنزين و الفرامل
يعنى لو الدواسة ممسوحة و ناعمة جدا يبقى وش العداد دا مقلوب
و هكذا بتبص على مدى تهالك الحاجات اللى نادرة ما بتتغير

[monamize4]

بالنسبة لصاحب الموضوع ,,
التوكيل وافق ان يعملك صيانة و لا رفض لان العداد الغير صحيح بيطلع العربية من الضمان ؟

[Land_Cruiser]

دي حاجه من المزايا المهمه اللي تاخدها من الكشف في التوكيل قبل الشراء. يعني غير الكشف الدقيق علي الصاج و حاله الموتور كمان بيبقي فيه تاريخ صيانه العربيه بالتوكيل و الحاجات اللي اتعملت فيها . طبعا واضح ان العداد كده اتلعب فيه علشان يخللي العربيه كسر زيرو بدل مستعمله و الله اعلم هي كانت عامله كام كيلو فعليا بعد ال 50000 كيلو اللي متسجلين في التوكيل دول و اللي يصعب الموضوع ان فيها عده توكيلات و اغلب الظن ان واحد من المالكين اللي في النص دول ركب العربيه شويه و لما جه يبيعها رجع العداد علي رقم الكيلومتر علي الرقم اللي كان مشتريها عليه علشان ما يخسرش فيها مقابل الاستخدام خاصه و ان رقم الكيلومتر اللي رجع ما يعتبرش كبير زي ما الزملاء قالوا مقارنه بالغش اللي بيحصل في الموضوع ده . انصح حضرتك بالطريقه دي انك تعمل صيانه ال 60 الف و دي صيانه كبيره بس كده اضمن

[mosh11]

شكرا يا رجالة على الردود و النصاءح
دة الموضوع بقى سهل اوي يعني اول اما اشتري عربية اشيل الفيوز بتاع العداد و كدة ابقى مخسرتش حاجة
على كدة بقى حكاية كسر الزيرو دي فيها كلام كتير مصدقش اي حد
هي طريقة المعرفة من الكاوتش دي كويسة

[kero25]

ياباشا الناس مبقاش عندها ضمير انا بعت عربيتى ماشية 140 كم بعدها باسبوع لقيت الى اشترها عامل عليها اعلان بأنهاماشية 65 كم منهم لله بجد

[Moratoz]

ربنا يعوضك و ينتقم منهم ! فعلا الموضوع ده انتشر قوي :( الواحد بقى يطمن للعربيات الكيلوا الكبير هههههههه

ههههه والله انا مرة كنت ببيع عربيتي اوكتافيا a4 والمشتري اشتراها وهوا مغمض مني لما لقا كيلو متر بتاعها كتير 145000 ك وقالي كدة يبقي مش ملعوب فيها زي ئل شوفتهم