مشكلة في سحب الفولستر .... اريد حلا

[nedaanagy]

السلام عليكم ورحمة الله وبركاته

لدي صديق يمتلك هيونداي فولستر 2013 ... وسحب العربية معاه بق ضعيف جدا .... بعد ما كانت بتجيب معاه اكتر من 180 دلوقتي مش بتعدي 130 ..... وطبعا هو راح التوكيل وغير زيت وبوجيهات ورداخ بنزين وفلاتر ... وكله ده قطع غيار اصلية وبعد مدفع الشئ والشويات ... وجد ان العربية تكاد تكون متحسنتش خالص معاه ومش عارف يعمل ايه

ارجوا من اهل الخبرا افادتي في هذا الموضوع وشكرا

[aldesha989]

احتمال يكون طقم دبرياج

عامله ايه فى المطالع ؟

[Ahmed Amin]

العربية اللي بيتكلم عليها صاحب الموضوع في الغالب أوتوماتيك, ومشوفتش منها مانيوال.
يعني مفيش و مش هتبقي مشكلة دبرياج.

وأيه رداخ البنزين الي غيرة دا يا باشا ؟!

[eleanor]

ممكن تكون طرمبه البنزين ضعيفه

[mody_elmasry]

ما هو رداخ البنزين هو طرمبة البنزين بس المصطلح ده بيطلق علي السيارات القديمه زي ال 128 لان طرمبة البنزين فيها عباره عن رداخ بياخد قوة الشفط بتاعته من الموتور عن طريق بنز او صباع حديد طالع من الكامه بيزق جزء كده جوه الرداخ يخليه يشفط mechanical لكن العربيات الحديثه كهربا

[mody_elmasry]

ايه الكلام الكبير اللي بقوله ده يا جودعان

[Ahmed Amin]

ايه الكلام الكبير اللي بقوله ده يا جودعان

ههههههههههههههه والنعمة أنت عسل.

فكرتني بالكوميك دا, وأنا بقرأ تعليقك.



وأنتا كلامك صح ومظبوط مفيش خلاف عليه, ويبقي زي ما أستاذ eleanor قال أنو أحتمال تكون الطرمبة,,
ممكن يكون ضغطها بقي ضعيف من البنزين الوحش بتاع الفترة اللي فاتت.

ويبقي الصح أنو يتقال علي المشكلة أنو عيب طرمبة البنزين,
مش مشكلة رداخ البنزين عشان تبقي واضحة.
خصوصاً إن الرداخ دا حاجة أنتهت من التمانينات, وأغلب العربيات من التسعينات فيها طرمبة كهرباء.

مش كل الناس اللي معاها عربيات جديدة تعرف الحاجات دي, والفرق ما بينها.

[Moratoz]

في الأغلب طلمبه البنزين زممكن بردة نبص علي اسلاك البوجيهات ممكن يكون في سلك وحش او مهرب

[mody_elmasry]

ههههههههههههههه والنعمة أنت عسل.

فكرتني بالكوميك دا, وأنا بقرأ تعليقك.



وأنتا كلامك صح ومظبوط مفيش خلاف عليه, ويبقي زي ما أستاذ eleanor قال أنو أحتمال تكون الطرمبة,,
ممكن يكون ضغطها بقي ضعيف من البنزين الوحش بتاع الفترة اللي فاتت.

ويبقي الصح أنو يتقال علي المشكلة أنو عيب طرمبة البنزين,
مش مشكلة رداخ البنزين عشان تبقي واضحة.
خصوصاً إن الرداخ دا حاجة أنتهت من التمانينات, وأغلب العربيات من التسعينات فيها طرمبة كهرباء.

مش كل الناس اللي معاها عربيات جديدة تعرف الحاجات دي, والفرق ما بينها.

ههههههههههههههههههههه

وانت برنس

جبيبي والله