استشاره بخصوص النترا 2013

[mbisar]

كل سنه و حضراتكم طيبين
انا حاجز رينو فلوانس فى التوكيل اول فئه اتوماتيك و تقريبا مش هستلم كل شويه الأسبوع اللى جاى الأسبوع اللى جاى و لو عايز تجيب من موزع او معرض عادى بتدفع اوفر برايس + انى بدأت افكر جديا فى موضوع سعر اعاده البيع و بدأت اخاف لأن الفيس ليفت جديد و حاسس ان العربيه مش هتنتشر لأن سعرها بقا غالى جدا و خايف من قطع الغيار

المهم بدأت افكر فى الألنترا خصوصا بعد الخصومات اللى غبور نزلها
بصراحه العربيه شكلها حلو و تكيفها حلو و قطع الغيار اكيد منتشره و سعر اعاده البيع محترم و طبعا اكيد حضراتكم هطمنونى اكتر على موضوع استهلاك البنزين و اداء العربيه

هل الخليجى افضل من الوكيل .. و السؤال هل لو انا معملتش الصيانه الدوريه يعنى يدوبك زيت و فلتر بس اخرج من الضمان ولا لازم اغير اللى هما يقولولى اغيره لأنى بصراحه مش واثق فيهم

كم سعر الخليجى تقريبا ؟
ولو هجيب من الوكيل تنصحونى بأنهى فئه ؟ و شاكر لحضراتكم

[Amr.Fathy]

اهم حاجة الألنترا يكون فيها abs و ايموبليزر

[mbisar]

لا اعتقد انها فيها ايموبيليزر بس اعتقد فيها abs تقريبا انا هجيب الفئه اللى ب 152 ان شاء الله

[AshTurbo]

بغض النظر عن موضوع الفلوينس الألنترا عربية كويسة جداً وهترضي تطلعاتك بالنسبة لموضوع الصيانات أنت ممكن تروح صيانة الألف وتروح بعد كده على العشرة الاف مش لازم صيانة الخمسة ألاف وده مش هيخرجك من الضمان لأن الصيانة دي في مصلحتك انت اولاً بالأضافة للفحص السريع للسيارة كل أسبوع مثلاً ونصيحة أبعد عن الخليجي لأن الفرق دلوقتي ميستحقش المخاطرة على الأطلاق .

[toty_305]

-نفسك في عربيه فخمة الفلوانس النترا جنبها لعبة أطفال ....الكوري ألش أسمع مني

[Rsarabia]

حضرتك فكرت بعين العقل انا كان معايا ميجان و بعتها و جبت النترا
الاوروبى مينفعش هنا فى مصر و تكييفه مش كويس و العربيات الاوروبى كلها هتسخن و مشاكل كهربا و جيربوكسات

بس فى مشكلة فى الوكيل ان مفيش ايموبيليزر الا فى اعلى فئة و الخليجى ملوش ضمان بس كماليات اكتر و سعره ارخص

هتتغلب على المشكلة دى بالاّتى

حضرتك هتدور على النترا خليجى بشرط يكون فيها abs و ايموبيليزر اى حاجة تانية مش مهم زى فتحة سقف مثلا
المهم الاموبيليزر
بعد كدا هتشترى لها ضمان aaa
انا كنت شارى 60 الف كيلو او 3 سنين ايهما اقرب ب 2000 جنيه مش عارف دلوقتى بقو كام
و هتعمل صيانتك فى نفس مراكز الخدمة المعتمدة بتاعة غبور
يبقى كدا كسبت العربية بايموبيليزر و معاك ضمان ووفرت فلوس :)

[Dr.M_baz]

حضرتك فكرت بعين العقل انا كان معايا ميجان و بعتها و جبت النترا
الاوروبى مينفعش هنا فى مصر و تكييفه مش كويس و العربيات الاوروبى كلها هتسخن و مشاكل كهربا و جيربوكسات

بس فى مشكلة فى الوكيل ان مفيش ايموبيليزر الا فى اعلى فئة و الخليجى ملوش ضمان بس كماليات اكتر و سعره ارخص

هتتغلب على المشكلة دى بالاّتى

حضرتك هتدور على النترا خليجى بشرط يكون فيها abs و ايموبيليزر اى حاجة تانية مش مهم زى فتحة سقف مثلا
المهم الاموبيليزر
بعد كدا هتشترى لها ضمان aaa
انا كنت شارى 60 الف كيلو او 3 سنين ايهما اقرب ب 2000 جنيه مش عارف دلوقتى بقو كام
و هتعمل صيانتك فى نفس مراكز الخدمة المعتمدة بتاعة غبور
يبقى كدا كسبت العربية بايموبيليزر و معاك ضمان ووفرت فلوس :)

[esam_ayad]

ياباشا الإلنترا مش محتاجه شهادة حد العربيه كل يوم بتثبت أنها وحش كوري لا يستهان بيه.
مش شهر ونص بالظبط كنت راكب مع زميلي _في الكويت مش في مصر _وعربيته أول فئه أوتوماتيك وكنا المغرب تقريبا وكانت درجة الحراره بره 45 ,وكان مشغل التكييف علي واحد وقولتله خفف ياعم التكييف إنت معليه كده ليه؟
وسألته كمان عن العيب بتاع مكان فتحات التكييف اللي في النص وقاللي مافيهاش اي حاجه وبتضرب في وشي عادي ودي شفتها بنفسي.والعربيه سريعه وكويسه وعفشتها حلوه وواسعه جدا من جوا.
- واعتقد الإيموبليزر بقي ينزل أساسي في كل موديلات الإلنترا وشوفت كذا عربيه عليها علامة الايموبليزر وكانت اول فئة أوتوماتيك.

[profimh]

ياباشا الإلنترا مش محتاجه شهادة حد العربيه كل يوم بتثبت أنها وحش كوري لا يستهان بيه.
مش شهر ونص بالظبط كنت راكب مع زميلي _في الكويت مش في مصر _وعربيته أول فئه أوتوماتيك وكنا المغرب تقريبا وكانت درجة الحراره بره 45 ,وكان مشغل التكييف علي واحد وقولتله خفف ياعم التكييف إنت معليه كده ليه؟
وسألته كمان عن العيب بتاع مكان فتحات التكييف اللي في النص وقاللي مافيهاش اي حاجه وبتضرب في وشي عادي ودي شفتها بنفسي.والعربيه سريعه وكويسه وعفشتها حلوه وواسعه جدا من جوا.
- واعتقد الإيموبليزر بقي ينزل أساسي في كل موديلات الإلنترا وشوفت كذا عربيه عليها علامة الايموبليزر وكانت اول فئة أوتوماتيك.

كلام حضرتك مضبوط و لكن هى هنا فى مصر مفيهاش ايموبلايزر إلا فى الفئه الفولى لود
فى رأى دى مشكلتها الفعلية هنا

[Rsarabia]

فى الخليجى بينزل ايموبيليزر فى فئات اقل من الكاملة