لخبراء الفيرنا - ماهي اعراض تلف سست العربية

[محمديوسف]

صباح الخير عليكم جميعا

العائله بتاعتنا اصلها بتحب العربيات الكوري
عند ابن عمي فيرنا موديل 2008 كويسه وزي الفل بس فيها مشكله

رجرجه جمده في جسم العربية حتي بعد ما ظبط زوايا ورصص جنوطه
فا ودناها لعفشجي قال ان السست ضعيفه

هل لو السست ضعيفه بتاعت ال 4 مساعدين ممكن تعمل كده
طيب ايه هيا اعراض تلف السست

طيب لو فعلا كده ممكن نصلحها مثلا ولا لازم تتغير ومنين

شكرا ليكم

[john55]

حضرتك في واحد كاتب في منتدي تاني عن مشكله السوست وانا بصراحه نقلتها زي ماهو كاتب وارجو اني استطيع اساعدك تلف السوست يؤدي الي تحجير العربية علي المطبات والخبط كله هيبقي في الجسم نفسه
تلف المساعدين علشان تفهم بيعمل ايه لازم تفهم الاول وظيفة المساعد ايه.
تفتكر ليه ماحطوش سست لوحدها منغير مساعدين او حطوا مساعد لوحده من غير سست.
لاني السستة وظيفتها انها تتلقي الصدمة الرئيسية وتحولها لمجموعة من التموجات كل منها صغير ومع افتراض نظرية التصادم المرن لو كلت مطب العربية دي هتفضل تتمرجح لمالا نهاية.
هنا بقي بتيجي وظيفة المساعد الي هوا بيقلل من عمر الموجة المتولدة في السوستة ويديها جساءة.
بمعني اوضح لو انتا عندك سوستة عادية بتاعت قلم وضغطها وسيبتها فجأة فيه نظرية في الفيزياء بتقول اني السوستة دي هتفضل تتأرجح الا مالا نهاية بافتراض اني الطاقة لا تفني ولا تستحدث من عدم والتصادم دا طاقة واتحولت لموجات يبقي انا محتاج حاجة تقللي عمر الموجة المتولدة والي هيا المساعد والي ببساطة بيعتمد علي استوانطين بيتحركوا انزلاقا داخل بعض معتم في مرونته علي سائل مضغوط الي هوا مساعد الزيت او هوا مضغوط الي هوا مساعد الهوا.
علي فكرة انا حاسس اني كل ما احاول اشرح الموضوع يوسع مني.
لو المساعد بايظ هتحس بالاعراض الي بتشتكي منها لاكن لو السوستة بايظة هتحس باعراض تانية خالص وال ي قولناها في الاول.
نجي بقي للنتائج المترتبة علي تلف واحد منهم:
الاول السوستة والمساعد دا نظام متكامل ووظيفته وظيفة واحدة وهي امتصاص الصدمات وتقليل تاثيرها علي جسم السيارة.
تلف كل من احدهما يؤدي بالضرورة لتلف الآخر بدون ادني شك.
يبق الضرر الاسرع حدوثا لو المساعد باظ اني السوستة هتبوظ والعكس صحيح.
نجي للاضرار الاخري.
تلف السوستة اضراره اكبر لانه بيؤثر علي تماسك جسم السيارة من لحامات او شكل الشاسيه نفسه دا غير معاناتك انتا داخل العربية،
اما تلف المساعد فا دا له اضرار سلامة الركاب لانه بيخلي العربية عاملة زي مراجيح مولد النبي وغير متزنة اطلاقا في الملفات وليس له اضرار علي العربية مباشرتا غير بعد تلف السوستة نتيجة الاجهاد الزايد

[behman]

مبدأيا هاتلاقي الجنب اللي السوسته بايظه فيه واطي عن باقي الاجناب
في المشي مع المطبات التحميل كله هايكون علي المساعد فا هايقفل بسرعه وبالتالي هاتسمع دب مع المطبات

[aymn6666]

اليايات (السوست) مبتبظش هي بس بتطري بمعني ان ارتفعها بيقل والجنب الي فيه الياياي طري بيقل ارتفاعه عن باقي العربيه ---ولو ضغط علي الياياي الطري بينزل اسرع من باقي اليايات

[verna2008auto]

والله اللي انا اعتقده ..
ان فعلا السست بتقل كفائتها مع مرور الوقت ..
فايده السست انها ترفع لفوق العربية مع الاحمال وفايده المساعد انها (( تكتم )) ارتدادها السريع عشان اللي جوه العربيه مايطلعش وينزل مع السست بطريقه سريعه وتضايق ...
سوريي يعني
اكيد (( عافاكم الله واعزكم )) اكيد شوفت عربية( كارو ) قبل كده .. اللي هيا بيجرها الحصان مثلا

شوف اللي قاعد فوقيها بيترقص ازاي نتيجه لان مافيش غير سست بس ...

اتمني اني اكون وضحت

بالنسبه لاصلاحها .. لو معووجه اعتقد مش بتتصلح
لو ضعفت ممكن تتمط تاني ويعاد استخدام السست مره تانيه
شكرا