مشكلة فى عربيتى الاكسنت وارجو الرد بسرعة

[m_kamel_art]

السلام عليكم ورحمة الله
عندى مشكلة فى عربيتى النيو اكسنت 2011 سبورت ولو سمحتوا تردوا عليا باسرع وقت لانى راكن العربية ومش راضى امشى بيها علشان المشكلة دى
المشكلة بسمع صوت جاى من ناحية العجل صوت اكن حديد بيحك فى الارض وبيعمل صفارة جامده اوى مع العلم ان الصوت ده موجود سواء دوست فرامل او لا وده غير ان فى صوت صفارة تانى بييجى لما بدوس فرامل بس
ارجو الرد باسرع وقت وشكراااا

[mohabelnegm]

تيل الفرامل اتعود تجيبه من التوكيل علطول و سيبك من أى تيل تانى من خارج التوكيل حتى لو البياع قعد يحلف للصبح أن ده التيل ألأصلى...تيل الفرامل المحترم من التوكيل بيغنيك عن أى متاهات و أصوات غريبة . غالبا أنت مركب تيل من نوع ردىء و ده غالبا السبب فى الصوت الغريب ده. الا لو أنت مركب التيل ألأصلى فممكن تدور فى أتجاه تانى أو تفك الفردة اللى فيها الصوت عند الميكانيكى و هيبان العيب منين.

[m_kamel_art]

تيل الفرامل اتعود تجيبه من التوكيل علطول و سيبك من أى تيل تانى من خارج التوكيل حتى لو البياع قعد يحلف للصبح أن ده التيل ألأصلى...تيل الفرامل المحترم من التوكيل بيغنيك عن أى متاهات و أصوات غريبة . غالبا أنت مركب تيل من نوع ردىء و ده غالبا السبب فى الصوت الغريب ده. الا لو أنت مركب التيل ألأصلى فممكن تدور فى أتجاه تانى أو تفك الفردة اللى فيها الصوت عند الميكانيكى و هيبان العيب منين.

شكرا لرد حضرتك بس انا مركب التيل الاصلى بتاع العربية ومغيرتهوش لحد دلوقتى وانا ماشى 25الف كيلو لحد دلوقتى

[Dr.M_baz]

غالبا التيل عايز يتغير.

[muslim_nsb]

انا كان عندي مشكله في العربيه النترا 2005
اول ما تكون العربيه بارده وامشي بيها مشوار اسمع صوت زي ما يكون بتجر علبة كانز معاك من العجله الاماميه زي صوت الحديد اللي بيتجر كده مسافة ما امشي بالعربيه مشوار لمده 5 دقائق وتسخن يروح الصوت
طلعت المشكله في بلية العجله الاماميه غيرتها والحمد لله الصوت راح مع اني الميكانيكي لم يتخيل ان الصوت ده صوت بلية عجل

اكشف على بلي العجل

[m_kamel_art]

الحمد لله رحت للتوكيل امبارح وطلعت المشكلة فى تيل الفرامل وغيرته والمشكلة اتحلت الحمد لله