عربيتى الفيرنا لسة ما كملتش 1000 كيلو , وقطعت كهربا وفصلت تماما وانا اعلى المحور,,,,,

[bassam92]

معايا فيرنا 2013 قطعت منى كهربا وانا فى نص المحور , العدادات وصفت , وعداد الكيلو فصل , والساعة , ور غم ذلك فضلت ماشية وصوتها مكتوم , وبعد كده فصلتها وجيت ادور , قطعت تماما , واتصلت بالتوكيل بعتلى ونش ,
مع العلم العربية لسة ما كملتش 1000 كيلو , وده حارق دمى جدا , وهى محجوزة عندهم الان علشان الشغل هيبدأ بكرا . مش عارف بقى ايه السبب , حاجة تجيب شلل , لسة طالع من عربية لادا معفنة جابتلى الضغط , وفرحت بالفيرنا تقوم تجيبلى هى كمان شلل , والواحد دافع فيها دم قلبه ..

[Dr . Mohamed]

قدر الله و ماشاء فعل بإذن الله تكون حاجة بسيطة

[mona_881]

معلش هون علي نفسك ولا شلل ولا حاجة بعد الشر
بتحصل في احسن الماركات وان شاء الله تطلع حاجة بسيطة
بس لازم تفهم منهم ايه الي حصل بالظبط علشان تضمن حقك

هو حضرتك ماركبتش فيها انذار او وحدات رفع مثلا او فوج لايت او مرايات كهربا او اي حاجة من الحاجات دي بره التوكيل؟

[amgomaa]

ان شاء الله تطلع بسيطه و تتصلح بسرعة وكمان تبقى اخدت العين سيبها على الله

[hossamalsadik]

معلش متزعلش نفسك وبسيطه ان شاء الله وهتلاقى كتيير حصلهم كده وبعد كده الأمور ظبطت
اعتبرها صدفه مش اكتر
ويمكن عشان العربيه جديده فلسى ماخدش على الى فيها وانا متاكد ان شاء الله فى التوكيل هيظبطوها

[mohamed hussei]

خير انشاء الله هيظبطوهالك وهيرجعوهالك زي الاول بس نصيحة متخرجش من ضمان خالص

[SAMEH_FOUAD]

معلش ياباشا جصل خير , والحمد لله انها جت على قد كدة

ممكن تكون اسلاك البطارية مهربة ,او فية مشكلة فى البطارية نفسها

او فية فيوز ال starter ضرب ولا حاجة

ان شاء الله بسيطة بس اعرف منهم الحاجة اللى اتعملت واتغيرت

[verna2008auto]

معلش ياباشا جصل خير , والحمد لله انها جت على قد كدة

ممكن تكون اسلاك البطارية مهربة ,او فية مشكلة فى البطارية نفسها

او فية فيوز ال starter ضرب ولا حاجة

ان شاء الله بسيطة بس اعرف منهم الحاجة اللى اتعملت واتغيرت

مافيش كلام بعد الكلام ده

[bassam92]

رحت التوكيل النهاردة قالولى كان فيه فيوز محروق وغيرنا واتحرق تانى , كده عيب صناعة فى الضفيرة , ولا زم تتغير
(هنغير الضفيرة ) ,,,,, حسبى الله ونعم الوكيل , جايب عربية زيرو علشان اغير ضفيرة , انا خلاص تعبت

[verna2008auto]

رحت التوكيل النهاردة قالولى كان فيه فيوز محروق وغيرنا واتحرق تانى , كده عيب صناعة فى الضفيرة , ولا زم تتغير
(هنغير الضفيرة ) ,,,,, حسبى الله ونعم الوكيل , جايب عربية زيرو علشان اغير ضفيرة , انا خلاص تعبت

ماتقلقش التوكيل هايعملهالك تمام التمام ...
ماتنساش تاخد تقرير بتغيير الضفيره من عنده .. عشان لو لاقدر الله فيه مشكله في المستقبل خاصه بالفيوزات او الكهربا عموما ..
((( تتحول لكونان المدمر وتخرب بيتهم ))) وتطلع علي حمايه المستهلك ..

[Mecha]

Chuck the car ang get japanese

[mona_881]

Chuck the car ang get japanese

العربية الفيرنا اللي حضرتك بتقول عليها chuck دي بقت ب 80 الف للأسف يعني مش شوية برضه
وكمان لسه جديدة زيرو صاحب الموضوع بيقول انها عامله الف كيلو وكمان ال Japanese اللي حضرتك بتنصحو انه يشتريها ممكن برضه يحصل لها كده
الله اعلم ده سوء حظ ولا عيب تقفيل مصري للفيرنا بصراحة حاجة تزعل
الحمد لله انها في الضمان وهيعملوها في التوكيل

[bassam92]

غيرولى الضفيرة , والحمد لله استلمتها النهاردة , وربنا يعوض , ويسترها , ويديمها وتفضل كويسة .

[devil_storm]

انا حصل معايا زيك بالضبط، بعد صيانه الالف باسبوع العربيه وقفت اشتري حاجه و جيت ادور حلفت ما تدور... سبتها نص ساعة و دوره مفيش قطرتها لواحد كهربائي كان قريب و طلع العيب في فيوز كان مصدي غيرناه دارت علي طول بسانا مش عارف اسمه ايه
السؤال ازاي عربيه مكملتش ١٥٠٠ كم و يطلع فيوز منها مصدي كده!!!
بس سيبك من كل ده الفيرنا عربيه محترمه جدا و بجد لما حتركبها شويه حتحبها جدا وحتستمتع بسحبها و تكيفها و مراجحها كمان، فيرنا للايد، فيرنا فيرنا تحيا فيرنا
العربيه بقلها معايا خمس سنين و دلوقتي عايز ابدلها بعربيه في حدود ١١٠ الف مش لاقي... مش شايف ميزات تحسسني بفرق السعر في كل العربيات اللي سعرها ١١٠ الف ... شكلي حفضل فيرناوي للابد