تكييف الاكسنت ار بي؟

[amagroup]

تكييف الاكسنت اربي من التكيفات القويه هو بس تقفيل العربيه والبلاستيك بيخليها تخزن الحرارة بسرعه وده هو عيب الاسكنت الحقيقي يعني لو اتعزلت كويس كانت هتبقي تحفه بس موضوعي مش عشان الكلام اللي فات موضوعي هو


كنت مسافر من شهر قبل رمضان علي طول والعربيه محمله ناس وكنت باخد غرزه علي الطريق رحت قالب الفتيس استروبتونك علي المانوال وقرصت علي العربيه عشان اعدي عربيه نقل
لقيت الكمبوريسور فصل بتاع 5 ثوان كده وبعدها اشتغل تاني

انا قولت اكيد ده حمايه او حفاظا عليه بس في حد حصلت معاه الحكايه دي ولا انا بس

[roland_yamaha]

ده الطبيعي انه يفصل في اللحظة دي عشان انت محتاج عزم جامد من الماتور فبيفصل الكباس مؤقتا للحصول علي أعلي عزم للماتور وبعدين يشتغل تاني
ده طبيعي متقلقش

[elmo7amed]

لا اللى حصل معايا انا انى كنت مشغل التكييف على 3 فلما بشد بالعربيه بيهدى شويه مع نفسه ولما ارجع تانى اهدى للطبيعى مثلا من غير شد يرتفع تانى

[Lifz_Good]

المواصفات الفنية لكل كمبريسور بتتيح ليه يشتغل مع عدد لفات موتور من 1000 إلى 10000 آر بي إم مثلاً
وبما إن الكباس بياخد طاقته الحركية من الموتور
فا دا نظام حماية للكباس علشان يفصل عند عدد لفات مش مسموح بيه
يعني لو عدد اللفات خرج عن الرينج
الكنترولر بيفصل الكباس حفاظا عليه
ودا عندي في الكورولا بلاحظه لما بعمل كيك داون
بسمع فصلة الكباس بودني
وبمجرد ما عدد اللفات ينزل شوية بيشتغل تاني وبسمع تكته بودني بردو :)

[amagroup]

المهم الكمبريسور ميكونش ده في ضرر عليه بمعني انفصل التككيف ك اوفر لود كذا مره يضر بيه

[roland_yamaha]

لا مفيش ضرر بإذن الله

[amagroup]

شكرا علي الاستجابه السريعه والردود المفيده