تسقيفه في الموتور اكسنت اربي

[amagroup]

لاحظت من فتره ان في صوت تسقيفه في الموتور كأن العربيه كهربتها اتقدمت او اتأخرت
والتسقيفه دي رغم وجودها لكن مش بتخنق العربيه في السحب وموجوده سواء مع التكييف او من غير بس مع التكييف صوتها بعلي
وسواء علمت نظام Eco او بدون موجوده برده وحتي لما بقلب الفتيس استروبتونك مانوال برده موجوده

ياتري بنزين وحش؟؟
قلت كده بس انا فولت بعدها يجي 10 مرات
وساخه ومحتاج منظف بنزين؟
مش عارف
ظبط موتور؟
مش عارف
ياريت تريحوني وتقولو لي اعمل ايه

[semsem8080]

نظف البوابة وافصل فيش الحساسات وبص علي البوجيهات احتياطي

[aymanshebl]

المفروض العربية ديه و العريبات الحديثة فيها حساس تسقيف علشان يمنع التسقيف ممكن السبب من بنزين سىء جرب منظف دورة البنزين ليكوى مولى

[Mecha]

how is your service and tuning ??
how many k 's???

[MohammedAladel]

أكشف عليها فى مركز متخصص
وسيبك من حكاية المنظفات اللى بتتحط على البنزين دى كله كلام فاشل ولا ليه أى تلاتين لازمة طالما بتعمل صياناتك أول بأول

[toty_305]

-أنسى عملت كل حاجه التسقيف بيقف بال 95 فقط

-الصوت اللي من التكييف ده شكله العادي بتاعه لأن عندي نفس الصوت و ده تحس الصوت من بلية ال Compressor

[amagroup]

رد علي كل المشاركين-جزاهم الله خير

اولا شكرا علي اهتمامك يا جماعه تسلم لي كلكم

نظف البوابة وافصل فيش الحساسات وبص علي البوجيهات احتياطي

المفروض الحاجات دي بتتعمل في مركز الصيانة وانا بروح له دائما

المفروض العربية ديه و العريبات الحديثة فيها حساس تسقيف علشان يمنع التسقيف ممكن السبب من بنزين سىء جرب منظف دورة البنزين ليكوى مولى

انا فكرت اني بدل ما احط المنظفات دي وخصوصا انها بتكون حاميه قوي علي الماكينه احط تفويله 95 اهي تنظف احسن وخصوصا ان 95 حامي برده ولا مش هتكفي تفويله واحده؟؟؟

how is your service and tuning ??
How many k 's???

انا متابع علي طول مع مركز الصيانة وعامل دلوقتي 13000

أكشف عليها فى مركز متخصص
وسيبك من حكاية المنظفات اللى بتتحط على البنزين دى كله كلام فاشل ولا ليه أى تلاتين لازمة طالما بتعمل صياناتك أول بأول

هقول لهم واشوف في صيانة 15000 بس ليه بتقول ان المنظفات دي فاشله ده الكتالوج الانجليزي نفسه بينصح بيها كل 5000 كم

-أنسى عملت كل حاجه التسقيف بيقف بال 95 فقط

بس الموضع ده حراق قوي في الفلوس وبعدين مكنتش كده الاول

-
-الصوت اللي من التكييف ده شكله العادي بتاعه لأن عندي نفس الصوت و ده تحس الصوت من بلية ال compressor

لو كانت كده مكنتش سمعتها وانا فصله ...ولا البليه دي وصله علي السير علي طول؟؟؟؟ بمعني ان سواء التكييف شغال او فاصل البليه بتلف وتعمل صوت؟؟؟

[toty_305]

-أنا بحس بصوت التكيف و هو شغال لكن لما بيقف الصوت بيختفي بسمع صوت تسقيف بسيط وده من الموتور

-ال 95 لما كان رخيص يعني

[MohammedAladel]

مفيش حاجة اسمها بنزين 95 حامى ويعمل كأنه منظف الكلام دا مش صح ...نظافة البنزين ملهاش علاقة برقم الأوكتان

وأنا شايف ان العربية مش محتاجة لا منظفات ولا غيره بس كل فترة ممكن تفك مسطرة الرشاشات وتجيب منظف خاص بيها وتنظفها

لكن حكاية المنظفات اللى بتتحط فى التانك دى فاشلة وعن تجربة

كل اللى انت محتاجه الصيانات الدورية وبس

فلتر البنزين الأصلى بيمنع كل الشوائب انها تعدى مع البنزين غير ان فيه فلتر تانى فى التانك نفسه

بل بالعكس فك الفلتر كدا هيبقى جواه شوية بنزين وحط شوية منظف من ناحية الدخول من فوق بسرنجة حقنة

هتلاقيه مدوب الترسبات اللى فى الفلتر ومطلعها على الموتور

يبقى أحنا نغير الفلاتر والزيوت أول بأول ولا حوجة للحاجات اللى بيضحكوا بيها على الناس دى

[MohammedAladel]

انت نسيت ا ن البنزين نفسه منظف !

[matantawy]

انا بعد الحادثة اخدت بالى من تسقيفة بسيطة اوى برضه بس مفروض الحادثة بعيدة عن الموتور و سحب العربية مفهوش مشكلة خالص ف انا شخصيا اللى هعمله انى فى صيانة ال5000 هقولهم و اشوف هيقولولى ايه و يا رب تكون حاجة بسيطة

[amagroup]

مفيش حاجة اسمها بنزين 95 حامى ويعمل كأنه منظف الكلام دا مش صح ...نظافة البنزين ملهاش علاقة برقم الأوكتان

وأنا شايف ان العربية مش محتاجة لا منظفات ولا غيره بس كل فترة ممكن تفك مسطرة الرشاشات وتجيب منظف خاص بيها وتنظفها

تقصد اللي مغطيه البوجيهات...اصل انا في الجديد معرفش حاجه وافكها هلاقي ايه ...ياريت لو توصف لي بالظبط

لكن حكاية المنظفات اللى بتتحط فى التانك دى فاشلة وعن تجربة

كل اللى انت محتاجه الصيانات الدورية وبس

فلتر البنزين الأصلى بيمنع كل الشوائب انها تعدى مع البنزين غير ان فيه فلتر تانى فى التانك نفسه

بل بالعكس فك الفلتر كدا هيبقى جواه شوية بنزين وحط شوية منظف من ناحية الدخول من فوق بسرنجة حقنة

هتلاقيه مدوب الترسبات اللى فى الفلتر ومطلعها على الموتور

المعلومه دي مهمه جدا وجديده عليا ...هل انت جربت تعمل كده في فلتر؟
اصل لو ده حقيقي يبقي انت كده بتضرب كل انواع المنظفات اللي في السوق

يبقى أحنا نغير الفلاتر والزيوت أول بأول ولا حوجة للحاجات اللى بيضحكوا بيها على الناس دى

[amagroup]

منتظر ردود الناس رحتوا فين؟؟؟

[ASSASSIN]

حاول تنساها لاناها فعلا مش هتروح إلا ببنزين 95

[azwoz65]

..... متابع