رعشة النترا 2010

[Medicalist]

السلام عليكم
من كام يوم كنت مسافر انا واتنين قرايبى
فوقفت على الطريق مستنيين واحد و بطلت التكييف و جبت على N وشديت الهاند
فلقيت العربيه بتتهز فقلت يمكن قريبى الى ورا الى بيتهز ولا حاجه
احساس كده زى رعشه بتروح وبتيجى على فترات
المهم ما ركزتش
النهارده وانا لوحدى حسيت نفس الاحساس ده تانى وونا مشغل التكييف بيبقى واضح وزايد ولما ببطله برضه موجوده بس اهدى
نزلت الهاند بريك وجبت على ال P العربيه ريحت لادام السنه بتاعه الفرامل و استنيت لقيت الرعشه تقريبا معدومه
شديت الهاند بريك برضه تقريبا مش موجوده
الرعشه دى ايه ؟ هل من الموتور ولا من الفرامل لما بتتشد مع القصور الزاتى بتاع حركه الموتور ولا دى ايه ؟
ال rpm مش بيعلى
الاحساس تانى انه تحس صوت الموتور او حركه بتحصل و بعدين نتشه او رعشه كده بتحصل
ياريت اهل الخبره يفيديونى
وشكرا

[ayman hamdy]

احتمال كبير تكون قواعد موتور تعبت شوية متخدش فى بالك وسيبها دة رائي الشخصى

[kemon]

انا حقولك على تجربتى فى الاكسنت وكانت بتحصلى الرعشة دى حضرتك من الماتور عاوز بس يعلى الهواء او يظبطة الرعشة دى راحت خالص وكانت بتحصلى ومروحة الريداتير بتشتغل فا بسمعه رحت للميكنيكى ظبط الهواء عالهولى سنة والظبطت الحمد الله دى حاجة بسيطة مل تقلقش يعنى

[Medicalist]

احتمال كبير تكون قواعد موتور تعبت شوية متخدش فى بالك وسيبها دة رائي الشخصى

شكرا يا باشا على الرد

[Medicalist]

انا حقولك على تجربتى فى الاكسنت وكانت بتحصلى الرعشة دى حضرتك من الماتور عاوز بس يعلى الهواء او يظبطة الرعشة دى راحت خالص وكانت بتحصلى ومروحة الريداتير بتشتغل فا بسمعه رحت للميكنيكى ظبط الهواء عالهولى سنة والظبطت الحمد الله دى حاجة بسيطة مل تقلقش يعنى

ممكن فعلا تكون المروجه بس يعنى ايه اعلى الهوا ؟ انا مش فاهم الجمله دى
وشكرا يا باشا على الرد

[mody_elmasry]

يا باشا ده بيقولك عربيته النترا 2010 يعني انجكشن موضوع ظبط الهوا ده بيبقي في العربيات الكربراتير فقط

[Mohamed.Muslim]

نفس الموضوع - بالضبط - بيحصل معايا فى كارينز 2013 ماشية 5700 كم, تقريبا زى ما الاستاذ قال قواعد موتور يا فتيس وفى واحد كان معاه سيراتو وفيها نفس الرعشة دى على ال n وكاتب مشكلته فى المنتدى و طلع الموضوع صاجة بين حاجة فى الفتيس وحاجة فى الشكمان مش مربوطة كويس وربطها عند عفشجى و المشكلة راحت ورأى ان ده بسبب طرقنا التعبانة ومطباته و مدقاتها ......بس انا ناوى فى الصيانة الجاية اقولهم عليه بس انا مكبر دماغى منها بقالى حوالى 4 شهور لان طالما الرعشة مبتزيدش و مفيش اعراض تانية يبقى فكك ...
على فكرة الموضوع ده لاحظته عندى بعد ما أكلت مطب متوسط الارتفاع على الزراعى