حمله تعديل المطبات المصريه

[elmo7amed]

السلام عليكم ورحمه الله
والله يا جماعه عيب لما نبقى فى 2013 والناس طلعت للقمر والمريخ واحنا عندنا المطبات لسه مش عارفين نعدلها بما يلائم عربياتنا وطرقنا للاسف الطريق والله يا حكومه مش محتاج مطبات الواحد عامل زى اللى بيلعب كراش شغال فى الطريق شمال يميين لوحده من الغرز والحفر والنقر والمطبات الجانبيه


عاوزين نحل الموصوع دا يا جماعه عاوزين نتحرك بجد وصوتنا يوصل اتصرفوا انا مستنى ردوكم واقتراحتكم نعمل ايه وانا حقول رأى ويارب يكون كويس

1/ودا اضعف الايمان ان كل واحد قدامه مطب او فى شارعه مطب يعمله بطريقه مناسبه

[Ahmed Amin]

الموضوع دا عشان يلاقي أهتمام والفكرة تلاقي ناس تأيدك فيها وتعملو حاجة
مكانة الصح في المنتدي العام مش هنا, عشان كل الناس تشوفه مش قسم هيونداي بس.

المنتــــــدى العـــــــــــام للسيــارات - نايل موتورز - NileMotors.net

وإن شاء الله مصر تبقي أحسن الفترة اللي جاية.

[Amir122]

فكرة ممتازة ..ومن الافضل نعملها جروب على الفيس بوك يساعدها على الانتشار
وانا بقترح انه لازم كل مطب يتلون بلون ابيض او فسفورى عشان يبان من على بعد......ده انا شبعت مطبات

[elmo7amed]

ياريت الاداره تعمل على نشر الموضوع فى كل مكان فى المنتدى بطريقتها

[يوسف محمد]

المشكلة مش في تعديل المطبات وبس المشكلة في المطبات العشوائية اللي الموجودة في شتى انواع الطرق والناس اللي بتتبرع وتعمل مطب قدام البيت او واحد بيبني وزاد منه شوية خرسانة يروح بدل مايرميهم يعمل بيهم مطب وهلم جرة.......بطلب ازالة جميع المطابات العشوائية وربنا يرحمنا

[Amir122]

ياريت ادارة المنتدى تعلم اكتر عن الموضوع ده

[hugan]

انسي
خد لك سفريه صغيره كده في الدلتا واتفرج علي المطبات
اهالي اي قريه ممكن يقتلوا اي حد يفكر يشيل المطبات الموجوده امام بلدهم
لانها بتوقف لهم العربيات علشان يتنقلوا لمصالحهم
خوفا علي مواشيهم وحيوانتهم
خوفا علي اولادهم

لكن اتفق معك علي ضروره تعديل تنفيذ المطبات بطريقه هندسيه نضيفه
بدلا من الجبال والهضاب اللي بتبهدل العربيات

[mahmoud_afifi]

انا معاكم جدااااااا
مره رحت الشرقيه وانا باخد مطب على الهادي جدا العربيه حكت بطريقه غبيه ومن بعدها بشم ريحة عادم على بنزين

[S O P H O S]

كم نتمني بس ... !

[Haitham Basha]

مش المطبات و النقر بس خد عندك يا سيدي ، الحفر و البلاعات و المدقات و المزلقنات و الأسفلت الي نص سوى ده الي الحارة اليمين بإرتفاع و الشمال بإرتفاع تاني خااااااالص يعني البلد كلها عايزة تترصف من جديييييييي

[mshmshm3]

الفكرة حلوة بس خلينا نقول اللي لينا و اللي علينا
عندك مثلا منطقة زي الرحاب
المطبات فيها صغيرة اوي
ايه اللي بيحصل من بعض الناس بيبقي ماشي بسرعته عادي جدا و يعدي علي الطب عادي جدا مابيهديش حتي
و بيبقي في ناس بتعدي
طيب ياغبي المطب معمول بالشكل ده عشان مايبوظش عربيتك و خسارة في جتتك
دلوقتي في الرحاب برضو ظهرت المطبات الاسمنت اكبر من المطبات الكاوتش الصغيرة و دي اكبر منها نسبيا
جربت اعدي علي واحد و انا مش مهدي اوي و حك في العربية (فيرنا) هو ده الصح
المطبات العالية اوي اللي هي صممت لميكروباصات الترامكو فيما فوق (النقل ، التريلا الخ ....) بلاش منها
وبلاش من المطبات اللي زيها زي النقر مش باينة ومابتعملش حاجة

[Ahmed_Adham]

المطب الصح بيكون ارتفاعه مش كبير بس ممتد بحيث ان العجل اللي قدام واللي ورا يكونو الاتنين فوق المطب في وقت واحد وكده تكون العربيه محكتش ولا العفشه تعبت وفي نفس الوقت هديت.

تاني حاجه المطب لازم يكون قبله بمسافه عيون القط بعرض الطريق مش أقل من 7-10 صفوف وزيهم عند المطب نفسه لكن كده تبعا تبقى تكلفه المطب الواحد قد مطبات مدينه كامله.