حد معاها النترا مرايات ضم موديل 2007-2011

[msobhy]

طلب صغير بعد اذن الاعضاء
حد معاه عربيه النترا الشكل القديم - اللى هيه موديل 2007-2011 وتكون المرايات بتاعتها ضم فابريكه
يا ريت لو فيه حد معاه استأذنه انه يصور لنا مكان مفتاح الفتح والغلق ضرورى
.
.
حد شاف عربيه النترا 2007-2011 فيها مرايات ضم قبل كده
يا ريت اللى شافها - يوصف لى مكان مفتاحها فين بالظبط وتقريبا كان شكله ايه


يا رب ميطلعش فى الطاره

[aymanshebl]

مفتاح الفتح و الغلق بيبقى فوق ازرار التحكم الخاصة بالمرايا الخارجية ناحية السواق و شوفتها فى منتديات بره

[msobhy]

مفتاح الفتح و الغلق بيبقى فوق ازرار التحكم الخاصة بالمرايا الخارجية ناحية السواق و شوفتها فى منتديات بره

ايمن باشا الف شكر لرد حضرتك
بعد اذنك ممكن تجيب لى صوره ليها
انا قلبت النت ومئ لاقى صوره ليها

[hima13385]

أستاذي الفاضل الالنترا في الموديلات دي أو التي يطلقون عليها الجمل لا تنزل بمرايات ضم حتي أعلى فئه لا يوجد بها مرايات ضم الهاي لاين المرايات الضم توجد في الالنترا الحديثه الشكل الجديد

[msobhy]

أستاذي الفاضل الالنترا في الموديلات دي أو التي يطلقون عليها الجمل لا تنزل بمرايات ضم حتي أعلى فئه لا يوجد بها مرايات ضم الهاي لاين المرايات الضم توجد في الالنترا الحديثه الشكل الجديد

والله حضرتك انا كنت فاكر زيك لغاية لما اكتشفت ان المرايا اللى انا اشترتها ضم - مش عاديه وده عن تجربه

[msobhy]

Hyundai Avante(Elantra) Power folding mirrors KDM - YouTube

[aymanshebl]

اتفضل يا باشا الزرار اللى فوق خالص

[aldl]http://www.koreanautoimports.com/store/images/ElantraMD/111912/2004G.jpg[/aldl]

[msobhy]

الف شكر يا باشا

[msobhy]

طيب في رأى حضرتك الزرار ممكن الاقيه لواحده وﻻ لازم اشترى الوحده كلها
بجد اتا مش عارف اعمل ايه
عندى احتمالين
الاحتمال الاول انى اركب الزرار الاصلى بتاعها
الاحتمال التانى انى اركب لها زرار من عندى يكون الداخل بتاعه 2 طرف والخارج 4 طرف
بمعنى اصح زرار شبه زرار الزجاج

[aymanshebl]

هو الزرار موجود فى لوحة التحكم و ليه مكان مش هينفع انك تركبه عندك الا لو عملتلوه فتحة فى اللوحة دى و الله اعلم هيبقى متركب مظبوط و ماسك كويس ولا لا انما الحل التانى كويس انك تعمله بس محتاج توصيلات و غلبة و فك فرش الابواب و وصلات بين الابواب و الزرار اللى هتركبه و بالتوفيق

[msobhy]

ايمن باشا مش عارف اشكر حضرتك ازاى على مساعدتك
دلوقتى الحلول اللى وصلتلها
اولا يا اما انى ادور على اى زرار (وده موجود كتير) 6 طرف واشتغل عليه - أو انى ادور على زرار من زراير الهيونداى اشتغل عليه ومش عارف اذا كنت هالاقيه ولا لأ ويا سلام لو لاقيت زرار ينفع يركب جنب اضاءة التابوه اللى بتعلى وتوطى منه - هاتبقى جووووووووووووووووووووووون


ثانيا انى اركب حاجه اسمها Autoflip ControllerRelay وساعتها هاركب زرار شيك زى الاوريجنال بالظبط

المصيبه انى لازم انزل ادور بنفسى عليه - كلمت النخيلى ولا فاهمين انا بتكلم فى ايه

[mahmoud_afifi]

ماينفعش تتعمل لما العربيه تشتغل المرايه تفتح والعكس زي الكورولا ؟

ومعلش عاوز اعرف انت جبت المرايه بكام عشان عاوز اشتري

[aymanshebl]

العفو يا باشا تحت امرك الحل الاول كويس و لو الحل التانى منفعش ممكن تنفذه اما بالنسبة للحل التانى طبعا جميل جدا النخيلى او غيره مش هيعرف الا لما توريله الحاجة اللى انت عايزها و غالبا مش عنده ممكن تجيب ال part number بتاع auto flip controller relay و تشتريه من التوكيل و تعمل اللى انت عايزه

[aymanshebl]

ماينفعش تتعمل لما العربيه تشتغل المرايه تفتح والعكس زي الكورولا ؟

ومعلش عاوز اعرف انت جبت المرايه بكام عشان عاوز اشتري

ممكن طبعا يتعمل على تشغيل و غلق العربية عن طريق acc من الكونتاكت بتاع العربية لما acc يشتغل المراية تفتح و لما acc يقفل المرايا تقفل بس طبعا مهم ان يكون ليها زرار علشان لو عايز تقفل المرايا لو داخل مكان ضيق او فى الزحمة

[mahmoud_afifi]

ممكن طبعا يتعمل على تشغيل و غلق العربية عن طريق acc من الكونتاكت بتاع العربية لما acc يشتغل المراية تفتح و لما acc يقفل المرايا تقفل بس طبعا مهم ان يكون ليها زرار علشان لو عايز تقفل المرايا لو داخل مكان ضيق او فى الزحمة

يبقى يقفل العربيه هههههههههه

انا دورت على النت وعلى ebay على الكونترول بالزرار بتاع الضم مالقتش !
مفيش غير انه يعمل زرار منفصل ويبقى في التابلوه جنب زرار التحكم في الاضاءه ومش هيكلف كتير.

وشكرا على شرحك طريقة عمل المرايه على الكونتاكت