عندى ربع باظ بسبب الموضوع دة

[hassanstar]

السلام عليكم
اولا انا الموضوع بتاعى غريب شوية انا معايا عربية هيونداى اتوس بقالها 3 سنين ونص

المهم من ساعة ما جبت العربية هيونداى اتوس مرة كدة سبتها مركونة 3 ايام فى الشتاء بعد 7 شهور من شرائها المهم جاى ادور العربية مرضتش تدور غير بالذق وبعد كدة تمام بقيت لما مش بطلع بيها بدورها وكدة 10 دقايق وبتبقى زى الفل

المهم بقى رمضان ال فات انا طلعت بيها رمضان كله وكان زى الفل جيت فى العيد سبتها 4 ايام مدورتهاش حتى ومن هنا بدأت المشكلة
اجى ادورها مش بتدور المهم يا عم زقة العربية دارت على طول المهم دورتها ربع ساعة على الواقف وطلعت البيت جيت تانى يوم الصبح علشان ادورها واروح الشغل مش بتدور برضة المهم دورتها حوالى ساعة الا ربع على الواقف برضة وطلعت البيت تانى يوم جاى الصبح ادورها مدرتش قولت بقى ان البطارية باظت كدة.....

المهم بعد كدة روحت بيها مشوار طويل شوية بعد طبعا ما حد زقنى ورجعت البيت بعديها ب 5دقايق قولت اجرب ادور كدة مدرتش برضة كدة اتأكدت ان البطارية الله يرحمها فعلا

جيت تانى يوم الصبح ادور البطارية لقيتها بتدور بس تك تك تتتتتتتت المهم قولت كويس روحت بيها الشغل ورجعت كمان وهكذا الاسبوع ال فات دة بروح وبأجى بيها

فكنت عاوز اعرف البطارية كدة فيها حاجة ولا اكمل بيها ولا اية ما دام ممشيانى

اسف على الاطالة وارجو االافادة

[delaga]

يا اما بطارية يا اما الدينمو مابيشحنش
اكشف على البطارية الاول عند حد كويس

[Magoda]

إكشف على الدينامو عند كهربائى

وبعدين

اكشف على البطارية عند بطاريات

وقولنا عملت ايه بالتوفيق

[Ahmed Amin]

علي الوصف دا بنسبة كبيرة جداً بطارية مش دينامو,
خصوصاً صوت التك تك تك دا بتبقي بطارية بتودع خلاص.

كمان أنت بتقول بقالها 3 سنين ونص, كدا حلو أووي وعنب علي البطارية كتر خيرها بصراحة لو قعدت كل دا.!

[loshabih]

بطاريه طبعاااااااااااااااااااا...التكتكه دي من المرش لانه مش قادر يقوم العربيه فلترس بيطلع ويرجع

[lad]

بطارية

[amr011111]

روح لكهربائى يقيس شحن البطاريه وشحن الدينامو وعلى فكره شحن البطاريه على التونجر اقوى من شحنها فى مشوار نص ساعه او ساعه