عزل السيارة للحرارة؟ ار بي

[amagroup]

الحر بيخلي الواحد يفكر في كل اتجاه
انا فكرت اني احط عزل حراري للسقف تحت الفرش بتاعه عشان حرارة الشمس

طبعا انا معرفش في عزل للسقف كله ولا لأ بس اعتقد ان العزل موجود بس بسيط

كمان فكرت اني اعمل عزل في ابواب العربيه كمان بس قولت ابدأ بالسقف الاول

ايه رأيكوا وهل خد عنده اقتراحات؟؟
وايه الخامات اللي بتستخدم؟ واسمها ايه؟ وبتتباع عن محلات بتبيع مستلزمات ايه؟

[Mecha]

dakron or foam sheets

[matantawy]

اللى اعرفه ان اكتر حاجة بتدخل شمس هو الزجاج، يبقى تبدأ بيه، ولا ايه؟

[elmo7amed]

بلاش حركه زى دى واستحمل شويه وشغل التكيف وظبطه عليك وحط حاجه على الازاز بس

[amagroup]

عموما انا واحد نصحني برده بحكايه الزجاج وعشان كده انا هفيم اخف درجه خالص للزجاج واجرب بحيث ان المرور ميعكسش في التفيم وهشوف هتنفع معايا ولا لأ وهبقي ارد عليكوا هل فرقت معايا ولا لأ

[Haitham Basha]

أحسن حاجة ليك من وجهة نظري العازل الحراري للزجاج ده بيمنع 70% من الحرارة الخارجية من الدخول للكابينة على فكرة العازل حاجة و الفميه حاجة تانية خالص و أنصحك بالعازل من 3m فوق الممتاز و التركيب و الشغل 10/10 و عليه ضمان كمان

[saddam]

العوازل عدة أنواع بس بتشتريها من.السبتية.ميدان الحنفية بس حتحتاج سروجي فاهم مش قديم حيتعبنا ومتحطش صوف زجاجي إوعه عشان لو شم ميه حيطلع ريحة مقرفة وأنا عازل عربيتي والموضوع مريح ﻷنها مش تعزل حرارة بس الصوت كمان حيفرق أما الفاميه الخفيف عالزجاج والقصص دي فملهاش تأثير.تحس إنت بيه ودمتم

[atyam]

جرب الستاير انا عاملها فى الضهر والاربع ابواب وعامله عازل كويس فى درجة الحرارة العاليه والتكييف بياخد فترة قصيرة ويبرد العربية

[Dr.M_baz]

عازل الزجاج الحراري و الستاير أحسن حاجه.