الاخوة ال معاهم هيونداي I30 يا ريت يفدوني

[aist300]

الاخوة ال معاهم هيونداي I30 منيوال يا ريت يفدوني انا انشاء الله نويت اجيب العربية :

عاوز اعرف تقيمكم فيها ايه ؟

ايه المزايا وايه العيوب مع ولكن بشكل تفصيلي مع العلم اني قرأت المشاركة الموجودة في المنتدي حولين العربية بس حاسس انها مش كافية وخاصة انها عربية لسة جديدة ؟

وايه المحازير ال اخد بالي منها وانا بستلم العربية من التوكيل ؟

وايه المحازير ايضا في بداية تعملي مع السيارة وخاصة اني لما ركبتها في التوكيل برغم احساسي بجملها وبفخامتها غير اني قلقت بسبب اني مش شايف ابعاد العربية من الامام بشكل واضح ودة قلقني جدا ؟

معلش كمان عاوز اعرف ايه اخبرها في السرعات العالية لاني بسراحة بحب السيارات القوية و السراعات العالية وايه حددها في السرعات العلية دي ؟

كمان عاوز اعرف قوة التكييف وخاصة مع السرعات لاني قريت في مشاركة احد الاعضاء في المنتدي ان التكييف بيأثر علي قوة العربية وسحبها ؟

معلش انا هتعبكم ولكن اشكركم علي جهدكم وتعاونكم

[fahd_628]

ايه المزايا وايه العيوب مع ولكن بشكل تفصيلي مع العلم اني قرأت المشاركة الموجودة في المنتدي حولين العربية بس حاسس انها مش كافية وخاصة انها عربية لسة جديدة ؟

ببساطة المزايا

-ثبات محترم
-موتور قوى
-شكل جميل
-وسع داخلى كبير
-فخامة داخلية


العيوب

العفشة ناشفة جدا بس دة فى مقابل الثبات العالى جدا
العربية عريضة جدا و حتواجه صعوبة بسيطة فى الأول فى انك تعدى من حتت ضيقة
مفيش Abs ولا Airbags فى الفئات الأولى
الكاسيت اوديو فقط


بس كدة دة الى لاحظتة فيها

وايه المحازير ال اخد بالي منها وانا بستلم العربية من التوكيل ؟

ولا حاجة تأكد بس ان كل حاجة شغالة تمام فى العربية

وايه المحازير ايضا في بداية تعملي مع السيارة وخاصة اني لما ركبتها في التوكيل برغم احساسي بجملها وبفخامتها غير اني قلقت بسبب اني مش شايف ابعاد العربية من الامام بشكل واضح ودة قلقني جدا ؟

بص يا باشا هية العربية قعدتها منخفضة و لو حضرتك بسيط كويس على الكابوت حتلاقى خطين كدة فى الكابوت انا عن نفسى بشوف بيهم ابعاد العربية و متقلقش يا باشا عادى دة كويس انك شايف الكابوت دة فية عربيات ( ياريس - هوندا سيتى - هيونداى جيتز و ماتريكس ) و حاجات كتيير مش بتشوف الكابوت خالص حتى لو خبطت راسك فى السقف بس كلة بيجى بالتعود بعد كام يوم بالظبط حتلاقى نفسك تمام

معلش كمان عاوز اعرف ايه اخبرها في السرعات العالية لاني بسراحة بحب السيارات القوية و السراعات العالية وايه حددها في السرعات العلية دي ؟

بصراحة فى السرعات العالية ما شاء الله منتهى الثبات على الطريق و مش حتحس بالسرعة الى انت ماشى عليها خالص ( انا اخر حاجة جبتها 150 ) و دة طبعا مش اخرها بس انا مش بحب السرعات ( فية ناس جابو بالألنترا 210 و اوتوماتيك كمان يعنى المانيوال حتبقى اكثر حاجة بسيطة او على الأقل نفس السرعة و انا قلت الانترا لأنها نفس الموتور و تقريبا ال I30 الانترا هاتشباك ) و بصراحة زى ما انا ذكرت الموتور ما شاء الله قوى و من اقوى المواتير ال 1600 بعد السيفيك الى هية 127 حصان مفتكرش فية عربية تانية اكثر من 122 حصان غير السيفيك

كمان عاوز اعرف قوة التكييف وخاصة مع السرعات لاني قريت في مشاركة احد الاعضاء في المنتدي ان التكييف بيأثر علي قوة العربية وسحبها ؟

متقلقش من موضوع التكييف التكييف قوى و ممتاز جدا

و بالنسبة لموضوع السحب فا اى عربية فى العالم كلة لازم التكييف بتاعها يأثر على السحب ( 1600 ) و متسمعش كلام اى حد يقولك التكييف بتاعى مش بيأثر على سحب العربية و على فكرة الكلام دة عن تجربة لأكثر من عربية 1600 و 1300 سى سى


و لو عندك اى استفسار تانى انا موجود

[SuMo]

3la fekra ya fahd el-civic 121 wel-corolla 122 wel-elantra 122