الفيرنا بتسخن في الزحمه ؟؟؟ افيدوني

[KING_A841]

كنت راجع من مشوار طويل والحراره كانت عاديه في النص ولما وقفت عشان الطريق زحمه ببص عالحراره لقيتها عدت النص ورايحه لل H مشيت شويه عشان اركن على جنب لقيت المؤشر رجع للنص تاني دلوقتي لما بيكون فيه زحمه وانا ممور بفضل ازود بنزين فلما سرعه الطلمبه بتزيد بتبرد.

1- المراوح شغاله وعلى السرعتين
2-ثرموستات الكوعه شيلتها عشان الغي اي احتمال ممكن يكون منها. مع انه لو منها كانت هتفضل سخنه
3- لما بفتح الريديتير والعربيه بارده وازود بنزين بشوف الميه بتتقلب في الريديتير
4- الميه مش بتنقص
5- دورت في كل مواضيع نايل موتورز على اعراض تلف طلمبه الميه لأني شاكك فيها محدش قال ان من اعراضها لما ازود بنزين (rpm) انه مشكله طلمه!!

ياترى ده من ايه باه ان شاء الله ؟؟ انا تعبت بجد

[aldesha989]

المفروض ان الطرمبه لو بتبوظ صوتها بيخشن وتخلى العربيه خشنه
وتانى حاجه بتخلى مايه الردرياتير تنقص بأستمرار وتسخن بأستمرار مش مره واحده

هل لما كانت العربيه سخنت كده بصيت على المراوح وشوفتها شغاله ؟

تانى حاجه ممكن تكون الثرموستات نفسه علق ولما ضغط وانتا رايح تركن بنزين فك لوحده مش متأكد لكن ده اللى اعرفه

[KING_A841]

المفروض ان الطرمبه لو بتبوظ صوتها بيخشن وتخلى العربيه خشنه
وتانى حاجه بتخلى مايه الردرياتير تنقص بأستمرار وتسخن بأستمرار مش مره واحده

هل لما كانت العربيه سخنت كده بصيت على المراوح وشوفتها شغاله ؟

تانى حاجه ممكن تكون الثرموستات نفسه علق ولما ضغط وانتا رايح تركن بنزين فك لوحده مش متأكد لكن ده اللى اعرفه

بالنسبه للصوت هو الصوت الطبيعي
بالنسبه للمراوح اه بصيت وشغالين عالسرعه العاليه
يالنسبه للثرموستات انا شايلها اساسا
هي مبتعملش كده الا في مشوار 30 كم او 40 كم لكن لو دورتها ولفيت بيها لفه بتاع 10 - 15 كم عادي بتكون طبيعيه هي بعد مالقربه بتتملي بيبدا يحصل الكلام ده.

[eng.salama93]

بالنسبة للفوران .. دا جوان وش السلندر

[KING_A841]

بالنسبة للفوران .. دا جوان وش السلندر

اوبا ليه قولتلي ليه قولتلي؟؟؟
كنت شاكك في كده بس مش عايز اسمعها
ههههههههههههه

[mshmshm3]

رجع الثيرموستات تاني
لان بمنتهي البساطة لو ملوش لازمة مكنتش العربية نزلت بيه
المشكلة عندك بسيطة جداً ماتهولهاش علي نفسك
روح اي مركز خدمة او التوكيل و هاتتحل بسيطة ان شاء الله

[elmkaneeki]

الثرموستات لما بيتشال بيعمل مشاكل
اتجاه المياه هيكون منين ولفين ؟؟؟؟؟؟؟؟؟؟؟؟؟؟؟؟
رجعوا افضل

[KING_A841]

ياريت ياجماعه يكون سهل فعلا لأني مخنوق جدا

[KING_A841]

بس بردوو انا مش مقتنع ان شيل الثرموستات يعمل كده ؟؟؟
ده شيل الثرموستات بيخلي المياه شغاله تبريد على طول ازاي ممكن يكون سبب يعني

[eng.salama93]

اوبا ليه قولتلي ليه قولتلي؟؟؟
كنت شاكك في كده بس مش عايز اسمعها
ههههههههههههه

يارب اطلع غلطان :)

[KING_A841]

ايه ياجماعه مفيش اي تفسير منطقي للموضوع ده ؟؟

[Bassem2013]

انا بتاعتى كانت بتعمل كده
وطلع المشكلة فى الريداتير
المية مكنتش بتمشى كويس جوة الريداتير
بس كل ما افتح ابص ع المية الاقيها مش ناقصة بشكل كبير
فممكن انتا برده تكون شايف المية مش ناقصة بس الدورة جوة مش بتمشى بشكل سليم
والله واعلم :d
روح اكشف عليها

[elmkaneeki]

ما احنا ردينا عليك....

[ICE_MAN]

انا بتاعتى كانت بتعمل كده
وطلع المشكلة فى الريداتير
المية مكنتش بتمشى كويس جوة الريداتير
بس كل ما افتح ابص ع المية الاقيها مش ناقصة بشكل كبير
فممكن انتا برده تكون شايف المية مش ناقصة بس الدورة جوة مش بتمشى بشكل سليم
والله واعلم :d
روح اكشف عليها

+11111111111

[saddam]

يا مواطن لو.توصيفك أمين في الموضوع فالعيب عندك إنسداد في مجاري الراديتر يتنظف مرتين في الفلاش وعلى جهاز غسيل الراديتر في البنزينة تعمل 3 دورات تنظيف وتعيش حياتك وتحط مياه خضراء نظيفة بس لو كان الراديتير بتاعك نفسيته تعبانة فمن كثر نظافة دورة الماء في المحرك والراديتير الظغط حيرجع لطبيعته اﻷصلية يعني حيعلى فممكن تلاقي الراديتير لو.تعبان شوية خرام صغيرة حتطلع فيه وتوكل على الله مشكلتك بسيطة ودمتم