الافادة من اهل الخبرة

[sasatony]

السلام عليكم ورحمة الله وبركاته
رمضان كريم
انا الحمدلله اشتريت فيرنا 1600وجبت ال1000كيلو :smile:وسمعت عن صيانة ال1000كيلو
ياريت بقي اعرف ايه المطلوب مني وهل الصيانة دي مجانية يعني لله والوطن ولا بفلوس وايه المفروض اتبعه في الصيانة دي يعني الخطوات وكده علشان ميضحكش عليا يعني

[theking2690]

هتتصل ب 16101 علشان تحجز الصيانه فى مركز اصيانه الاقرب لحضرتك ابو رواش او قليوب و هتروح هناك هتغير زيت و فلتر و هيشيك على شوية حاجات كده و ديه بتكون مجانا من غير مصنعيه كل اللى بتدفعه تمن الزيت و الفلتر ده اللى انا فاكره دلوقتى لو فيه حاجه تانيه هبقى اضيف لحضرتك او حد من الاخوه الاعضاء يضيف

[Nile_Storm]

الف مبروك ياباشا
و كلام مصطفي باشا صح
بتدفع تمن زيت و فلتر بس
انما المصنعيه ببلاش

[sasatony]

شكرا يامصطفي باشا
وشكرا انت كمان يااستاذ nile _torm
طيب وتمن الزيت والفلتر كام علشان بس ابقي عامل حسابي يعني

[menamakram2003]

انا عملت صيانة الالف يوم الاتنين اللى فات فى قليوب والمهندس خيرنى اذا كنت عايز اغير زيت 5000 ولا 10000 فا انا غيرت بشيل الترا 10000 ودفعت كله 258 جنيه بالضبط

[sasatony]

طيب معلش استفسار تاني
هو مش كان في عرض بتاع صيانة عليك وصيانة علينا هو ده اتلغي ولا ايه؟؟؟

[menamakram2003]

لا متلغاش بس معنى ان الصيانه عليهم ان المصنعية ببلاش وقطع الغيار عليك وعشان كده فى صيانه الالف مش بتدفع المصنعية والفلوس دى تمن الزيت والفلتر.