تظبيط سماعات خلفيه للفيرنا

[amir]

شباب عايز اركب سماعات ورا في الفيرنا بدل بتوع بهجت الفكره ان السماعات اللي فيها مدوره و صغيره و القبره بتاعت غطا السماعه حجمها صغير
هل الحل اني اشيلها و اقطع في الصاج ولا ايه علشان اركب سماعات بيضاوي محترمة و برضو لو حد ينصحتي بجي ام اجيب ايه في الذيذ مع سماعات 400 او 500 وات؟

[mshmshm3]

انت ممكن تركب سماعات مدورة بدون قص او تغيير الرف
و ممكن تغير الرف و تجيب سماعات بيضاوي بدون ما تقص في الصاج
بالنسبة لنوع الرف مش فاكره و ماتقلقش من لمبة الاستوب لو العربية فول اوبشن
بالنسبة للجي ام مش عارف استني رأي باقي الاعضاء

[Ashraf_Ibrahim]

طب ما حد يجبلنا فيديو ازاي نفك السماعات الخلفية ونغيرها بالمرة عشان هعمل القصة دي بنفسي :d

[exact]

البيضاوي احسن من الدايري واقوى بكتير

[loshabih]

بالنسبه للسماعات في الفيرنا:
البيضاوي انضف ممكن جي بي ال او كينوود او بيونيير....هتجيب خشب ام دي اف 18 مللي ودا السمك بتاعه وتجيبه من عند نجار كويس وهوا هيظبطه علي اد العربيه من ورا بعد كده تطلع علي بتاع السماعات يقصلك مكان السماعات في الرف الخشب ومتخليهووووووووووش يقص الصاااج خالص ....بعد متتركب كل حاجه هتلاقي ان الرف محتاج يعلي 2 سم من قدام عشان السماعه تسقط كويس وهتعليها بحتت خشبه بس خليه يربطها في الرف كويس بمسمااار
نيجي للموكيت طبعا هتركب موكيت علي الرف عشان الشكل...نصيحه هاااااااامه جدا الرف من تحت ركب عليه لباد 5 مللي لو ملقتش يبقي الموكيت وخلاص ...يعني الرف من فوق موكيت ومن تحت لباد او موكيت ...بتاع السمعات لو قلك ملوش لزمه قله ملكش دعوه انا عايز كده وهتحس بفرق كبييير في البيز والصوت وانا عامل كده في عربيتي مكنتش مركب موكيت تحت وركبت وحسيت بفرق كبيير
نيجي لسماعات البيبان :
هتجيب سماعات 16 ...وانت بتجيب الخشب هات معاك حته خشب مقاس اقل حاجه 20*40 16مللي مش 18
هتاخد معاك برجل وانت عند بتاع السماعات ...هترسم دايره بلبرجل 7 سم لكل سماعه...هتقص مكان الدايرتين الاول ...
لما تفك سماعات البيبان هتلاقي قاعده بلاستك هتفكها وتسقطها في الدايرتين عشان تعلم مكان الاخرام بتوع القاعدة ...بعد كده تركب السماعات 16 وتعلم مكان الاخرام...نيجي للمهم اماكن اخرام القاعده تعملها بلشنيووووووووووووووووووور اوعي تعملها وتركب المسمار علي الاماكن وتربط لان هتقرفك جداااااا وممكن المسمار يتعوج وهيحصل بلاوي وعن تجربه...السماعات تتربط بلمسمار متخرمش بلشنيور ... بعد متخرم اماكن المسمار هيقصلك الخشب علي قد السماعه وخليه يسيب خته صغيره اوي عشان الخشب ميفلقش بعد كده تركب القاعده والسماعات ومبروط عليك
وممكن الاسهل تركب سناعات 16 بس يكون اخرامها كتير وهتركبها من غير خشب بس انا عامل الخشب لاني مركب السماعات اللي وره الاصليه بتاعت العربيه وكمان الصوت اكني صندقته ..ولو عايز الاحلي تجيب لباد وتفرشه علي الباب فوق الغطا الابيض وهتحس بفرق في الصوت والعزل وابقي ادعيلي

بلنسبه لفك الرف الخلفي ...هنزل ضهر الكنبه هنلاقي كلبسات نشلها
نفتح الشنطه في كلبسات صفره هندوس عليها ونطلعها من الاخرام بعد كده نسحب الرف من جوه وهيطلع معانا

[verna2008auto]

شوف الموضوعات دي
ها تنفعك جداااااااا

http://www.nilemotors.net/Nile/312212-a.html

http://www.nilemotors.net/Nile/309778-1.html

http://www.nilemotors.net/Nile/310166-2.html

تحياتي