تجربه

[elmo7amed]

السلام عليكم ورحمه الله

انا كنت االفتره اللى فاتت دى بسافر كتير فكنت دايما بظبط العجل وبظبط ضغط الهوا فيه يعنى مش حخسر حاجه الراجل اللى بيزود الكاوتش فى الطريق فقبل مسافر بظبطه ...... المهم قعدت فتره على كده وجيت فى يوم كنت عاوز اظبطه برده عنده فكسلت وقولت اروح اى بنزيه فى الطريق وانا مسافر ولانى كنت حاسس بالعربيه محجره شويه دخلت البنزينه فولت وروحت على الهوا انا دايما بظبط الضغط على 30 الاقى الكاوتش على 40 43 41 20 طبعا زى محضراتكم عارفين ان تظبيط الهوا فى البنزينه بالكمبيوتر وقراها زى مذكرت كده ...استغربت والراجل قالى انت جاى تدينا هوا ولا ايه ياعم وقالى متظبطش الكاوتش عند اى حد غير البنزينات لان بتوع الهوا اللى برا بيبقى المقاش مش مظبوط عندهم فى كل الاحوال ...وانا كنت بقف مع اى واحد بينفخ العجل وبشوف العداد عنده على 30 روحت البنزينه لقيت الوضع مختلف ...فا مش حنخسر حاجه لما نظبط ونشوف الوضع عامل ايه فى البنزينه وربنا يستر علينا ....


واسف جدا للاطاله بس حبيت اوضح الامر دا لاخواتى هنا ربنا يحميكم ويسلم علينا جميعا

[aldesha989]

عندك حق انا كل ما اظبط الكاوتش عند حد الاقى المقاس مختلف

وبرضه اتفجعت زيك كده كذى مره الاقى نفسى ماشى بالكاوتش على 40

طبعآ ولا ثبات ولا فرامل ولا الهوا

[amr011111]

يا جماعه للاسف المقياس مش بايظ جهل الراجل اللى بيظبط الكاوتش هوه اللى بايظ ليه بقى لان مقياس الكاوتش فيه تدريجين تدريج مكتوب عليه bar
وتدريج مكتوب عليه psi
المفروض الراجل يظبط على ال psi
بس من جهله بيظبطه على ال bar
ولو بصيت على البار هتلاقى ان الراجل بينفخ الكاوتش على 30 بار
بما يكافىء ال 40psi

ولكن الصح والمظبوط ان الراجل يظبطه على 30psi

[ENG\AHMED]

حضرتك مشيت بالعربية فترة واكيد الضغط زايد من الحرارة

الطريقة الصح انك تظبط الهوا والعجل بارد علشان تبقى القراية صحيحة
ولو عايز تريح دماغك من بتوع الكاوتش اشترى مقاس وخليه فى التابلوة لأن كلهم الاجهزة مخرفة حتى البنزينات

[ENG\AHMED]

على فكرة علشان يقيس الضغط صح لازم لازم متسمعش صوت تنفيس من العجلة وهو بيقيس

لأن فى منهم بيحط المقاس معووج فابيبقى فى جزء من الهوا بيتسرب من البلف وبالتالى العداد هيقيس ضغط اقل

[Ahmed Amin]

حضرتك مشيت بالعربية فترة واكيد الضغط زايد من الحرارة

الطريقة الصح انك تظبط الهوا والعجل بارد علشان تبقى القراية صحيحة
ولو عايز تريح دماغك من بتوع الكاوتش اشترى مقاس وخليه فى التابلوة لأن كلهم الاجهزة مخرفة حتى البنزينات

بالظبط كدا,
ولو عايز ميتكررش موقت إن الأربع فرد يبقي ضغطهم مختلف عن بعض, ولا يتأثر بالمشي والحرارة بتاعة الجو سواء حر أو برد,
روح عند أي مركز خدمة لبريدجستون, وأنفخ الأربع فرد نيتروجين, وأنساهم.

لو جبت مقياس ديجيتال, هتلاقي أن في جو حر أو برد لا هيزيدو ولا يقلو,, إلا لو أتخرمت طعباً,
لكن في وضع تزويد الهواء العادي دي, الضغط بيزود الهواء جوا الفردة وهيا سخنة وفي المشاوير الطويلة ومنه بتحس أنها محجرة, ولو روحت لحد هويتها شوية عشان محجرة أول لما الفردة ترجع لدرجة الحرارة الطبيعية وتبرد هتلاقيها ريحة شوية عن المقاس اللي أنت ظبته بسبب الهوا اللي أنت خرجته منها.

[elmo7amed]

كل كلام حضراتكم منطقى وصحيح ووارد .... العمل بقه ايه والصح علشان حضراتكم عارفين ان الكاوتش اخطر شى فى العربيه خصوصا فى الحر والجرى السريع وبعض الاحمال الزائده احيانا

[Ahmed Amin]

ولو عايز ميتكررش موقت إن الأربع فرد يبقي ضغطهم مختلف عن بعض, ولا يتأثر بالمشي والحرارة بتاعة الجو سواء حر أو برد,
روح عند أي مركز خدمة لبريدجستون, وأنفخ الأربع فرد نيتروجين, وأنساهم.

لو جبت مقياس ديجيتال, هتلاقي أن في جو حر أو برد لا هيزيدو ولا يقلو,, إلا لو أتخرمت طعباً,


في وضع تزويد الهواء العادي دي, لو أنت في يوم برد والضغط كان مظبوط ممكن تلاقي الفردة مريحة, لو مشيت بيها شوية وسخنت الفردة هترجع طبيعي زي ما كنت ظابطها,
أما لو روحت زودتها بقي قبل ما تطلع مشوارك هتلاقيها حجرت والضعط زاد جواها ووصل 40 لأنها كانت مظبوطة في الأول والهواء بيتمدد بالحرارة جواها, ودي طبيعة الهواء.

الضغط بيزد الهواء جوا الفردة وهيا سخنة وفي المشاوير الطويلة ومنه بتحس أنها محجرة, ولو روحت لحد هويتها شوية عشان محجرة أول لما تروح وتسيب العربية تهدأالفردة هترجع لدرجة الحرارة الطبيعية وتبرد وهتلاقيها ريحت تاني عن المقاس اللي أنت ظبته بسبب الهوا اللي أنت خرجته منها.

المركز بيفضي الكاوتش من الهواء من البلف عادي,
وبعدها بيشفط باقي الهواء اللي جواها الباقي فيه بالجهاز اللي بيملاء بيه نيتروجين,,
بعدين بيملاها نيتروجين, الفردة بتتكلف 5 جنية تقريبا, يعني الاربعة 20 جنيه,,
أكعتربهم أكنك رصرصت فردة أو فردتين كاوتش,,

أول لما تطلع بالعربية هتحس بنعومة في العفشة ملحوظة, ومش هتلاقي أحساس تحجر الكاوتش دا تاني,,
لو جبت مقياس ديجيتال للكاوتش وعملت check بيه كل فترة في جو حر او برد هتلاقي الكاوتش لا بيزيد ولا بيقل علي عكس الحال مع الهواء العادي,
شرط طبعاً سلامة البلف والفردة.

يفضل تروح لمركز نضيف لبريدجستون, عشان في ناس بتوع كاوتش كتير عندهم الجهاز مؤخراً بس مش بيغير كبسولة او فلتر النيتروجين, وبيسيبه كدا عشان ياخد 5 جنيه في ملء الفرة الواحدة.

[amr011111]

كل كلام حضراتكم منطقى وصحيح ووارد .... العمل بقه ايه والصح علشان حضراتكم عارفين ان الكاوتش اخطر شى فى العربيه خصوصا فى الحر والجرى السريع وبعض الاحمال الزائده احيانا

هات كمبريسور هوا بيشتغل على ولاعة العربيه
وابقى ظبط ضغط الهوا قبل ما تتحرك بالعربيه
وابقى شيك عليه اسبوعيا