انا وهبت نفسي ل اللة و الي هشوفو راكب نيو النترا هعورو هعورو :d

[sherif vernawy]

طبعا كولكو مستغريبن من العنوان بس الحكاية انى كنت راجع من الرحاب و داخل على لجنة الجيش فى طريق مصر السويس طبعا هدبت و اديت انتظار و قفت و فجاء صوت فرملة جمدة ببص فى المراية اشوف نيو النترا جاية زحف عليا و انا يدوب طلعت اجري بس ملحتقش هو متر و لبس فيا نزلت اشوف العربية عندى فيرنا 2006 الشنطة ادمرت و الاكصدام عندي و الي صدمني ان عربيتو محسلش اي حاجة و راجل شاغل في معرض و مش عربيتو و مش معها فلوس و مشي و صلحت انا و الحمد للة في الاول و الاخر

[Silent~Dream]

الحمد لله انك بخير ومش مهم الحديد

[hossamalsadik]

الحمد لله على سلمتك وقدر الله وماشاء فعل والحمد لله على كل شيىء

الواحد حصله مواقف زى ديه بعد التامل اكيد فيه حكمه تخصك
ليه حصل كده
- تحمد ربنا - ترضا بقضاءه - نشوف هتعمل ايه فى الى خبطك وهيعمل معاك ايه
وكثير من الحكم
انا عمرى ماحد خبطنى وطلبت منه حاجه كنت بنصحه وأطمأن عليه وسيبه يمشى
لان ده شوية صاج فى الشارع فعرضه لاى حاجه

وربنا يستر طرقنا جميعا

[kareem_eg]

الحمد لله علي سلامتك

[esam_ayad]

حمدالله علي سلامتك أولاً وللأسف أنا لحد دلوقتي ماشوفتش حد راكب الإلنترا الجديده وبيسوقها بعقل أبدا ولازم يكون بيشد بيها.
الحاجه التانيه فعلا واللي أنت اكدتها ان عضم الإلنترا الجديده كويس ومش ورق زي ماالناس بيقولو وفعلا أنا زميلي حصل معاه نفس حكايتك كده بس هو اللي كان سايق الإلنترا وبيجري بيها ودخل في عربيه كانت واقفه والعربيه الشنطه بتاعتها إتدمرت والإلنترا بسم الله ماشاء الله عليها شوية خدوش وكدمات بسيطه.

[2CODE]

هههههههههههههه
ياراجل وانا اقول ايه اللي كاتبه في العنوان ده

الحمد لله على كل شئ الله اعلم كان ممكن يحصل لك ايه كويس انها على قد العربية بس

[sherif vernawy]

حمدالله علي سلامتك أولاً وللأسف أنا لحد دلوقتي ماشوفتش حد راكب الإلنترا الجديده وبيسوقها بعقل أبدا ولازم يكون بيشد بيها.
الحاجه التانيه فعلا واللي أنت اكدتها ان عضم الإلنترا الجديده كويس ومش ورق زي ماالناس بيقولو وفعلا أنا زميلي حصل معاه نفس حكايتك كده بس هو اللي كان سايق الإلنترا وبيجري بيها ودخل في عربيه كانت واقفه والعربيه الشنطه بتاعتها إتدمرت والإلنترا بسم الله ماشاء الله عليها شوية خدوش وكدمات بسيطه.

انا عايز اقولك انى و الله شوفتو فى اول الطريق كان طاير بس انا عديت منو و بشوفو في المرايا كان شغال غرز صعابة بس الظاهر مايعرفش ان فى لجنة فى الطريق دا

[sherif vernawy]

طبعا يا جماعة الحمد الله :)

[DEVILRIDER]

انا معايا العربية و اللى شفتوا ان فيه طبقة من الفلين خلف الاكصدام الامامى ممكن تكون بتدعم الاكصدام او حاجة و معرفش موجودة فى كل العربيات ولا لا

[M I D O]

ازاي واحد شغال في معرض وبينقل عربية ويجري بيها كدة دة استهبال و المفروض مكنتش سبت حقك وكنت عملت محضر بالي حصل دة لانة مستهتر اصلا وميستحقش انك تسامحة و الحمد لله انك بخير

[Haitham Basha]

الف حمد لله على سلامتك و الي يجي في الحديد بقشيش ... قدر الله و ما شاء فعل

[sherif vernawy]

ازاي واحد شغال في معرض وبينقل عربية ويجري بيها كدة دة استهبال و المفروض مكنتش سبت حقك وكنت عملت محضر بالي حصل دة لانة مستهتر اصلا وميستحقش انك تسامحة و الحمد لله انك بخير

يا فندم اصل انا كانت رخصتي منتهيه بسبب رابعة انه مقفولة و الحمد الله ان الظابط مش سئلني فين رخصة العربية

[Ashraf_Ibrahim]

حمدا لله على السلامة يا عزيزي
لكن من أتلف شيئا فعليه اصلاحه
مكنتش سبته :]

[adelghanem]

حمدلله على سلامتك
ياراجل انت سامحت اللى دخل فيك
وكاتب فى العنوان الي هشوفو راكب نيو النترا هعورو هعورو !!!!ههههه
ربنا يعوض عليك

[sherif vernawy]

حمدا لله على السلامة يا عزيزي
لكن من أتلف شيئا فعليه اصلاحه
مكنتش سبته :]

العفو عند المقدرة بردو دا راجل غلبان و شغال باليومية فا سبتو انما لو حد قدر كانت هنطلع على التوكيل على طوول :d