..:: ارجوكم حد يفهمنى اية الفرق بين الالنترا gl و gls :::..

[abofandy]

..:: ارجوكم حد يفهمنى اية الفرق بين الالنترا gl و gls :::..


ياجماعة انا هتجنن خلاص كل شوية اكلم الشركه حد يقولى gl وفئات قد كدة
والتانى يقول gls
وانا مش فاهم اى حاجة في اى حاجة

اية الفرق بين دى وبين دى ؟
وانهى احسن لان واحد قالى ان مفيش هاى لاين في gls دى فيها الفول لودد بس انما الهاى لين موجودة في gl بس ومش عارف اصدق مين

ارجوكم حد يكسب فيا صواب ويفهمنى اية الفرق بين الاتنين وانهى احسن ؟

[Haitham Basha]

لأ يا باشا في GLS و GLS2 و في Gl بس ... و الأعلى واحده الي هيا الفولي لوديد ...
الـ GL في منها 6 فئات : هتلاقي منها بيزك أوتو أو مانويل و الفرق بين الفئات كلها هيا يا إما فتحة سقف ، يا إما ABS يا إما جنط سبور بيلعبو يعني
الـ GLS1 في منها فئه واحده و دي تفرق بس عن الـ GLS2 بفتحة السقف
الـ GLS2 في منها فئه واحده : أنا عامل عنها تقرير شوفو في التوقيع
الفولي لوديد بقه و دي واحد بس ... فيها كل حاجة من أول Start Engine Stop لحاااااااااااااااد الكراسي الجلد ... يا رب أكون إدرت أجاوب على أسألتك ... تقبل مروري

[abofandy]

حبيبى انت منورنى في ال موضوع
ومنورنى بمعلوماتك الجميلة طبعا

انا قدرت استوعب من حضرتك
يعنى الفئة الى فيها فتحة سقف وجنوط سبور وabs دى اسمها gls1 ... ؟ طيب بالنسبة للتكيف بيبقى تاتش ولا بكر في الفئة الى انا ذكرتها دى ؟

وانت اية رايك في العربية عموما وفى الفئة دى خاصة تستاهل الفلوس واجيبها ولا رايك احول على حاجة تانية ؟
مع العلم ان الفئة دى سعرها الان 161.900 بس بامانه لان هاخد رايك ثقة وهتوكل على االله بعد رايك لثقتى الشديده بيك

[Haitham Basha]

حبيبى انت منورنى في ال موضوع
ومنورنى بمعلوماتك الجميلة طبعا

انا قدرت استوعب من حضرتك
يعنى الفئة الى فيها فتحة سقف وجنوط سبور وabs دى اسمها gls1 ... ؟ طيب بالنسبة للتكيف بيبقى تاتش ولا بكر في الفئة الى انا ذكرتها دى ؟

وانت اية رايك في العربية عموما وفى الفئة دى خاصة تستاهل الفلوس واجيبها ولا رايك احول على حاجة تانية ؟
مع العلم ان الفئة دى سعرها الان 161.900 بس بامانه لان هاخد رايك ثقة وهتوكل على االله بعد رايك لثقتى الشديده بيك

حبيب قلبي أولاً يا باشا أنا أسف جداً جداً على التأخير و ثانياً ثقتك دي حاجة كبيرة جداً جداً جداً أنا اعتز بيها و بالنسبه للعربيه شوف التقرير الي أنا عاملو عن عربيتي http://www.nilemotors.net/Nile/377158-2013-gls.html دي حاجة الحاجة التانية التكيف يا باشا مش تتش و بالنسبه لسؤالك أنا عن نفسي مقتنع بيها جدااااااااااا و مريحانييييي جداً بس شيفها غاليه حبتي يعني مدحكش عليك بس بصراحه أنا شايفها تستاهل رغم الهجوم الشرس عليها و بالنسبه لأنك تحول رأيك فأنا في رأي يا إما الإلنترا دى لو استقريت عليها يا إما أدامك حاجة من إتنين السوبارو الإمبريزا و دي طبعاً هايله بس أنا مفيش بنين و بينها عمار معرفش ليه و اعرف ان قطع غيارها فيها مشاكل يعني من ناحية التوفر و الله أعلم أو بقى ادامك الشارك و دي عربية مينفعش يتقال عليها نص كلمه و لو في أي شيء أنا حاضر و تحت أمرك ... بس أرجع و أقولك اول شيء استخير الله ثاني شيء اقعد في العربية و راجعها حته حته أي كان موديلها لأن الي هتدفعو مش قليل يا غالي ...

[Rsarabia]

GL = High line ( هما بيسموها كدا هاى لاين )
دى بتبقى من غير حساسات ركن ورا ولا مطر و تكييف عادى يدوى
فى منها بفتحة سقف بس و من غير و ABS و من غير و جنوط و من غير

GLS الفئة اللى اعلى من هاى لاين
حساسات ركن خلفية و مطر و تكييف تاتش دوال زون
ممكن تنزل بفتحة سقف او من غير و ب ABS او من غير

فولى لودد فيها كل حاجة

[profimh]

حبيبى انت منورنى في ال موضوع
ومنورنى بمعلوماتك الجميلة طبعا

انا قدرت استوعب من حضرتك
يعنى الفئة الى فيها فتحة سقف وجنوط سبور وabs دى اسمها gls1 ... ؟ طيب بالنسبة للتكيف بيبقى تاتش ولا بكر في الفئة الى انا ذكرتها دى ؟

وانت اية رايك في العربية عموما وفى الفئة دى خاصة تستاهل الفلوس واجيبها ولا رايك احول على حاجة تانية ؟
مع العلم ان الفئة دى سعرها الان 161.900 بس بامانه لان هاخد رايك ثقة وهتوكل على االله بعد رايك لثقتى الشديده بيك

الفئة دى اللى حضرتك ذكرتها اسمها GL HIGH LINE
و دى فيها فتحة سقف و جنوط و abs التكيف مانيوال مش تاتش
العربية ممتازة بس خلى بالك لان انا عامل موضوع فى الحكاية دى( و فعلا وقعت فى المطب ده) عندهم انتاج قديم و جديد الفرق بينهم بكرة تعلية و توطية مستوى النور الخاص بالنور الواطى + IMMOBLIZER
خد طبعا اللى فيها الكلام ده

اما ال لفرق بين ال gl وgls فال gls تزيد الاتى
تكييف تاتش--حساسات ركن--كنبة خلفية قابلة للطى--حساس مطر-- و باب الكونسولة اللى قدام الفتيس و تحت الولاعة فتحة usb+aux ---ايرباج للراكب الامامى--جنوط

و فى منها فئتين تانين واحده فيها فتحة سقف و التانية abs ومن غير الفتحة

ارجوا إن اكون افدتك و لو اى استفسار إسال تحت امرك