الحقونى الفيرنا بقت بانيووووووووووووو

[almarshal]

رجعت قبل الفطار وبعد ما ركنت وقفلت الموتور وكلوا سمعت صوت حاجة شغالة من التكييف فقولت يمكن صوت المروحة ولا انا بيتهيألى
نزلت بعد الفطار وبعد ما مشيت حوالى 15 كيلو كد لقيت الحرارة عليت وشميت ريحة حاجة غريبة طلعة من التكيف , المهم وقفت واستنيت وفتحت الردياتير لقت الأربة بتاعت المياة فقيها مياة لكن الردياتير لفاضى فارحت اشتريت مياة خضراء وحطيتها
ومشيت حوالى 5 كيلو كمان وبعدينو انا راجع وقرب البيت كده الحرارة عليت تانى ولقيت دخان طالع من فتحات التكيف وكل شوية بيزيد وكل ده وانا مشغلتش التكيف خاالص علشان العربية لسه بتلين هى 2009 وعاملة 200 كيلو دلوقت
المهم فتحت الكبوت وشفت الردياتير لقيتوا بردوا فاضى مفهوش مياة
رحت مزود مياة عادية بقى المرة دى وقلت اكيد ده مخروم ولا فيه حاجة وزودر مياة عاديةة لحد لما اروح التوكيل بكرة واشوقف ايه الموضوع
وبعد ما ركنت ببص فى الدواسة لقيت بانيو ورجلى غرئانة فيه وطبعا لون المياة خضرا , اعدت انشف طبعا واعصر وكانت بهدلة
ولقيت ان المياة دى جاية من تحت التابلوة من النص بالظبط
ياترى ده ايه يا جماعة ياريت لو حد عارف يرد عليا بسرعة ارجوكوا

[BLACKVERNA]

اولا قدر الله و ما شاء فعل

لازم تكلم التوكيل ضرورى او تروحلهم على طول

بس خالى بالك تسخن منك تانى

و ابقى طمنا عملت ايه

[KareemSafwat]

deh 3'aleban mawaseer el mayya el so7'na elly me3adeyya gowwa el tabloh feha tasreeb we howwa dah elly fadda el mayya we da7'alha 3andak gowwa el 3arabeyya
el mawaseer deh wazefetha ennaha teda7'l mayya so7'na gowwa el tabloh 3alashan lamma te7eb tesha3'al el takef 3ala el so7'n fe el sheta el hawa ye3ady 3ala el mawaseer el so7'na we yes7'an men 7araretha
el soo3 elly seme3to kan soot tasreeb el mayya el ma3'leyya we el do7'an dah kan bo7'ar mayya

[ZOZ]

انشالله تلطع خير وحاجة بسيطة هيظبطوها في التوكيل

[Ramy_Ali]

إن شاء الله تطلع خير وربنا يباركلك فيها
بس انت متاكد انها موديل 2009 !!!!!
لا حـــــــــــــــــول ولاقــــــــــــــــــوة الا باللــــــــــــــــه
عمـــــــــــــــــــــــــــــــــار يا غبـــــــــــــــــــــــــــــــــــــــــــور

[sab3aawy]

واضح ان حاصل تسريب من سربنتينة المية السخنة بتاعة تدفئة الصالون، لو تعرف تفصل الوصلات بتاعتها من عند المحرك لحد ما تروح التوكيل يكون افضل ، بس لما تروح التوكيل على صوتك على آخر تون لأن عيب زى ده كان ممكن يطيح بالمحرك وبعدين يقولوك ان ده عيب استخدام ، انت اللى سبت المية تفضى(قول لهم الكلمتين دول)

[mokhtar]

يا جماعه والله حرام اللى بيحصل ده عربيه زيروب70000 ج..ولسه عامله200كم بس وتبقى بانيووووو لو حصلت معايا ممكن ارتكب جريمه الناس دى مابقاش عندها ضمير فين جهاز حمايه المستهلك انا مش عارف الناس ليه موقفها سلبى كده ومفيش حد بيتحرك والباشا غبور عمال يبيع عربيات معيوبه ويكنز على قلبه ربنا ينتقم منه وامثاله


..mokhtar..

[Ramy_Ali]

يمكن والحمد لله ربنا سترها مع الاستاذ مارشيل صاحب الشكوى وخد باله وانتبه للموضوع قبل ما يكبر منه
تخيل لو انت مثلا كنت مسافر ومخدتش بالك من الموضوع والموتور طاح منك فى الصحراء وقفش
الناس دى فعلا حرام عليها بجد
تبقى دافع مبلغ وقدرة فى عربية زيرو وممكن يكون تحويشة سنين وتعب وسهر ايام وليالى فى العمل وخلافة لتوفير وسيلة نقل كويسة ويجى مسيو غبـــــــــــــــــور يضيعلك شقى عمرك فى لحظة ويحسسك انه مديك العربية صدقة او احسان
فعلا اسم على مسمى غبــــــــــــــــــــــــــــــــــــــــــــــــ ـــــــــــــــــــــــــــــــــــــــــــور

[abou_ruqi]

منه لله
الواحد سمع عن عيوب في الفيرنا دي مسمعاش في الصيني اللي نزل من سنتين
ربنا ينتقم منه غبور

وان شا الله تاخد حقك منه ومتخسرش حاجة

[almarshal]

انا متشكر ليكوا يا جماعة اوى على افادتكم ليا واهتمامكوا
انا اتصل بالتوكيل الصبح وشرحت الموقف قالولى حنبعتلك مهندس دلوق واخدوا العنوان
وبعد نص ساعة تقريبا لقيتوا وصل وشرحتلوا الموقف وبص على العربية قالى دى سربنتينة التكيف ضربت :drool5: وده من التخزين
المهم راح فاصل السربنتيو والمواسير بتاعتها اللى داخلة جوة التابلوة وقالى تعالى وراياي على التوكيل وفعلا رحت وقعدت معاهم شوية وبعدين قالولى انها حتخلص على بليل او بكرة الصبح

[ZOZ]

طيب كويس الحمد لله انشالله تطلع احسن من الاول

[abou_ruqi]

انا متشكر ليكوا يا جماعة اوى على افادتكم ليا واهتمامكوا
انا اتصل بالتوكيل الصبح وشرحت الموقف قالولى حنبعتلك مهندس دلوق واخدوا العنوان
وبعد نص ساعة تقريبا لقيتوا وصل وشرحتلوا الموقف وبص على العربية قالى دى سربنتينة التكيف ضربت :drool5: وده من التخزين
المهم راح فاصل السربنتيو والمواسير بتاعتها اللى داخلة جوة التابلوة وقالى تعالى وراياي على التوكيل وفعلا رحت وقعدت معاهم شوية وبعدين قالولى انها حتخلص على بليل او بكرة الصبح

طيب بسيطة ان شا الله المهم خلاص متضايقش نفسك علشان انا حاسس بحالتك النفسية انت لسه جايب العربية جديد

بصوا والله العظيم بلا اي شماتة ، الاخوة اللي بيقولوا ان هيونداي بقت احسن من الياباني ، عمرهم شافوا سربنتينة تكييف في الكورولا والا اليارس بتضرب بعد ٢٠٠ كيلو بسبب عيب تخزين ؟؟؟؟ !!!!

[bassemali]

حسبي الله ونعم الوكيل
قدر الله وماشاء فعل الحمد لله أنها جت بسيطه وخلي بالك أن الموضوع في الأول والأخر نصيب مش مسألة بقى أصل غبور والياباني والكوري والصيني دي ممكن تكون عين وممكن تكون سبب يخزي العين لما تحكي للناس على اللي حصلك تخزي عين كانت هتحسدك أنا مقتنع تماما ان الموضوع قضاء وقدر لاذنب لأحد فيه وأنا مش بدافع عن غبور لكن العربيه لما يبقى فيها عيب ينسب للصانع لازم يكون عيب أتكرر أكنر من مره مع أكتر من واحد عشان نقول ده عربيات غبور معيوبه وهي فعلا معيوبه لكن اللي حصل معاك ده بما أنه ماحصلش مع حد تاني إذا ده يبقى قاء وقدر وأحمد ربنا على كده وإن شاء الله تطلع سليمه .

[Ramy_Ali]

الحمــــــــــــــــــــــــــــــد لله
وربنــــــــــــــــــــــــــا سترها
معـــــــــــــــــــــــــــــــــــاك

[almarshal]

الحمدلله على كل حال
وفعلا ده قضاء وقدر حنعمل ايه ويمكن ده فعلا يمنع حسد او اخد عين من حد وجت فى كده بدل ما كانت تيجى فى حاجة تانية
الحمده لله رب العالمين