الإلنترا 2013 و فرش جينز كار ...!!!

[Haitham Basha]

بسم الله و الحمد لله الذي رزقني بدون حول مني و لا قوة ...

طلعت امبارح السبت الساعة 11:30 صباحاً بمشيئة الرحمن على جنز كار وفق المعاد المحدد لتركيب الفرش و الأرضيه و كان الشغل في العربية هيخلص في خلال 8 ساعات يعني على الساعة 8 تقريباً قلت مبدهاش بقه أعده سلمتهم المفتاح و أخدت أشيائي و قلت يا واد يا هندسة لابتوبك ورقك فيلاتك وعلى أي كافيه و خلصلك شوية شغل و أهو منها تضيع وقت و منها متنمش و انت اعد ههههههههههه ... طبعاً أنا عارف إنكم مش عايزين تعرفو التفاصيل الهايفه دي بس و مالو نقلها باردو

كلو بعون الرحمن اتكلف كالآتي قبل الخصم : الفرش = 1700 . الأرضية = 450 . الخياطة = 200 . الإجمالي = 2350
بعد خصم نايل موتورز الجميل و واجب الحج أحمد مشعل : الفرش = 1450 . الأرضية = 400. الخياطة = 150 . الإجمالي = 2000
و طبعاً الفرش و الأرضيه عليهم ضمان 3 سنوات و الجلود الي أنا اخترتها الي هيا درجه أولى أمريكي و أخدت عضمتين هديه و شنطه شيك أوي فيها فوطه مسح للفرش و معطر و فوطه تانيه للتبلو و ضمان الفرش و الإرضيه طبعاً هديه برضو ههههههههههه ... و طبعاً لازم أتوجه بالشكر لكل العاملين في جينز كار على زوقهم و أدبهم و حسن استقبالهم و معاملتهم للعاملين و خصوصاً الي جاين من طرف نايل موتورز بصراحة ناس في منتهى الذوق و الأدب و خصوصاً الحاج أحمد مشعل أنا مشفتش كده في حياتي بجد رجل بكل معنى الكلمة منتهى الذوق و الأدب و الأخلاق بجد راجل ربنا يباركلو في مالو و أولادو و دينه و دنياه و يرزقه الجنة هو و كل المسلمين ... و لابد برضو أشكر إدارة و أعضاء نايل موتورز لأنه لولا الله ثم هم لما و قع اختياري على هذا المكان و لما تم ما تم لذا و جب الشكر ...

... أسبكو بقه مع الصور ...( الصور أفتح من الحقيقة مش عارف ليه )























تم تعديل حجم الصور لتناسب عرض الموضوع .

2013-9-18
4:30 PM
3 ب

[memo2000soft]

ما شاء الله تبارك الله

[Samir Elshahawy]

ألف مبروك و ربنا يحفظها لك يارب و أختيار موفق أن شاء الله لكلا من
- الالنترا md الجميلة
- و جينز كار

[sayco100]

الف مبروووووووووك انا لسة مشوفتش الصور كلها كاملة
ربنا يباركلك فيها وذوقك حلو جدااا

[Haitham Basha]

ما شاء الله تبارك الله

الله يبارك فيك يا باشا تسلم :)

[saddam]

ألف مبروك يا صديقي المواطن شغل جيد ولكن اﻷرضية ليست على مستوى ياقي السيارة.لا بالخامة ولا بالعمل وكنت إنت فاتح فاتح كنت خليت شوية عوازل إضافية قدر الله وما شاء فعل ودمتم للنضال

[Haitham Basha]

ألف مبروك و ربنا يحفظها لك يارب و أختيار موفق أن شاء الله لكلا من
- الالنترا md الجميلة
- و جينز كار

الله يبارك فيك يا باشا و يحفظك ربنا و يديك الخير دايما . فعلاً و الله العربية و جينز وفقني ربي فيهم

[Haitham Basha]

الف مبروووووووووك انا لسة مشوفتش الصور كلها كاملة
ربنا يباركلك فيها وذوقك حلو جدااا

الله يبارك فيك يا غالي تسلملي دي عنيك بس الي حلوه على شان كده شايفه كل حاجة حلوة ...

[Haitham Basha]

ألف مبروك يا صديقي المواطن شغل جيد ولكن اﻷرضية ليست على مستوى ياقي السيارة.لا بالخامة ولا بالعمل وكنت إنت فاتح فاتح كنت خليت شوية عوازل إضافية قدر الله وما شاء فعل ودمتم للنضال

الله يبارك فيك يا باشا تسلم بالعكس و الله الحقيقة غير الصور الخامة فوق الممتازة و العربية الحمد لله مش محتاجة أي عوازل إضافية من وجهة نظري المتواضعة ... بالمناسبة بقى من زمان و انا عايز أسألك سؤال هو إيه حكاية صديقي المواطن الي في كل تعليقاتك دي سؤال شغلني جداً ؟؟؟؟

[baherhassan30]

مبروك عليك الفرش الجديد
وزوقك عالي . والالوان جميلة ومتناسقة .. رغم ان في اول صورة معجبتنيش بالقوي .. بس بعد ما شفتها وهي جوه العربية .. لا جميلة بجد ... ما شاء الله .. ربنا يباركلك فيها
وواضح كمان ان الخامات جودتها عالية قووووووووووي ... مبروك عليك
ونعمه الاختيار .. ك النترا .. وك فرش :)

[eng wael]

ماشاء الله لا قوة الا بالله ربنا يباركلك فيها
بس سؤال هو الخصم بيتعمل لمجرد انك بتقوله انك من المنتدى ولا فيه كارنيه او بادج لانى هاروح الاسبوع القادم ان شاء الله
تحياتى

[mahmoud_afifi]

ماشاء الله لا قوة الا بالله.
ربنا يباركلك فيها يارب ويحفظها. واختيارك وذوقك ماشاء الله حلو جداً وعجبني فكرة الجزء الداخلي والخيط يبقى نفس اللون.
هو اللون ده برتقالي ولا الصور مبيناه برتقالي ؟

[Haitham Basha]

مبروك عليك الفرش الجديد
وزوقك عالي . والالوان جميلة ومتناسقة .. رغم ان في اول صورة معجبتنيش بالقوي .. بس بعد ما شفتها وهي جوه العربية .. لا جميلة بجد ... ما شاء الله .. ربنا يباركلك فيها
وواضح كمان ان الخامات جودتها عالية قووووووووووي ... مبروك عليك
ونعمه الاختيار .. ك النترا .. وك فرش :)

الله يبارك فيك يا باشا و الله إنت الي زوق و ربنا يكرمك و يديك الخير و فعلاً الخامات تحفة و الملمس و الإحساس بيها راااااااااااائع .

[Haitham Basha]

ماشاء الله لا قوة الا بالله ربنا يباركلك فيها
بس سؤال هو الخصم بيتعمل لمجرد انك بتقوله انك من المنتدى ولا فيه كارنيه او بادج لانى هاروح الاسبوع القادم ان شاء الله
تحياتى

الله يبارك فيك يا غالي شوف إنت بس قولهم أنا من نايل موتورز و جي من طرف المهندس هيثم الباشا و إن شاء الله الناس مش هتقصر معاك و لو عايز أي شيء أنا تحت أمرك حنى لو عايزني أروح معاك كمان أنا تحت أمرك .... شرفتني بمرورك يا باشا

[Haitham Basha]

ماشاء الله لا قوة الا بالله.
ربنا يباركلك فيها يارب ويحفظها. واختيارك وذوقك ماشاء الله حلو جداً وعجبني فكرة الجزء الداخلي والخيط يبقى نفس اللون.
هو اللون ده برتقالي ولا الصور مبيناه برتقالي ؟

الله يبارك فيك يا محمد بيه و الله أبداً ده جملي و الكاميرا مطالعاه برتقالي معرفش ليييه