الاريل الاوتوماتيك للفيرنا الكاملة

[elgentel]

مساء الخير يا رجالة الهيونداى

عاوز افصل الاريال اللى بيطلع اتوماتيك عند تشغيل الكاسيت فى الفيرنا الكاملة خوفا من كسرة و لعدم الحاجة اليه لاننى لا استخدم الراديو

اى اقتراحات ممكن تساعدنى

[saddam]

صديقي المواطن
موضوع بسيط حتعوز كهربائي مزاجه عالي يمدلك سلك لزرار محترم عندك وكله دفن وتحت الفرش يقوم بالتالي تعطيل طلوع اﻷريل مع الراديو فقط لا غير لو كهربائي نص كم مش حيفهم وحيعمل لك الأريل مش يطلع أو ينزل إلا بزرار من عندك وده فشل ذريع عامة أنا عاملو في عربياتي عشان بركب أرايل للمنظر فعامل زراير في الكماليات عشان أنزلها لما أخش في شوارع فيها شجر موضوعك بسيط ودمتم للنضال وتقدر توديها أدريان المطبعة الهرم يظبطهالك أنا معلمهم إزاي يعملوا اﻷوبشن ده وبالتوفيق

[amr011111]

صديقي المواطن
موضوع بسيط حتعوز كهربائي مزاجه عالي يمدلك سلك لزرار محترم عندك وكله دفن وتحت الفرش يقوم بالتالي تعطيل طلوع اﻷريل مع الراديو فقط لا غير لو كهربائي نص كم مش حيفهم وحيعمل لك الأريل مش يطلع أو ينزل إلا بزرار من عندك وده فشل ذريع عامة أنا عاملو في عربياتي عشان بركب أرايل للمنظر فعامل زراير في الكماليات عشان أنزلها لما أخش في شوارع فيها شجر موضوعك بسيط ودمتم للنضال وتقدر توديها أدريان المطبعة الهرم يظبطهالك أنا معلمهم إزاي يعملوا اﻷوبشن ده وبالتوفيق

بعد اذن صاحب الموضوع الاستاذ صدام
انا متابع موضوعاتك ياريت تفيدنا باى حاجه عملتها لمنع سرقة السياره مش مثلا زرار فصل الموبينه او اى شىء وشكراً

[loshabih]

لو مش بتستخدمه خالص..الشنطه من وره محيه الشمال هتلاقي مسمرين بلاستك مسكين فبره فكهم هتلاقي فيشه الاريال شلها وركب الفبره الموضوع 5 دقايق ومفك صليبه وانا عامل كده

[saddam]

صديقي المواطن
أنا مسلح عربياتي بكذا طريقة ضد السرقة

أولا كل عربية فيها جهاز إنذار العادي بيدور المكنة ومربوط إنو ميدورش العربية مش مربوط سارينة وبس

ثانيا كل عربية فيها جي بي إس تراكر بس مش أي نوع بختار نوع فبه خاصية إن لو العربية إتسرقت وشالوا البطارية وبطاربة الجهاز الداخلية خلصت فأي وقت يركب بطارية للغربية الجهاز بيشتغل من غير تدخل بشري أوتوماتيك وطبعا بدورها وبعطلها بالموبايل وبسمع الصوت من داخل العربية وبحدد السرعة وحاجات تاتية كتير

ثالثا بركب دورة.كهربائية متركبة من.زرارين مخفيين جدا وبها تايمر الكونتاكت وكهربة العربية مش حتفتح معاك إلا لو إتظغط الزرارين في نفس الوقت وطبعا دي مصممة لو حد ثبتتي في الشارع بسلاح آلي فحسيبله العربية دايرة وبمجرد مفتحت الباب لو مش حاطط رجلي عالفرامل العربية حتحسب دقيقة وتقطع كهربة وتوقف وأروح.أتمشى أجيبها

رابعا نفس فكرة الجهاز أعلاه بس على شكل كود متكون من أربع أرقام عبارة عن لوحة تلفون قديم عشان تدور العربية لازم أدخل اﻷربع نمر وبرضو.لو حد فتح الباب وأنا سايق لو.مكنتش حاطط رجلي عالفرامل فدقيقة وحتوقف

خامسا إختراع حاطه في عربيتي الغالية على قلبي عربيتي رقم 2 من.إختراعي فده عبارة.عن زرار بتايمر دقيقة وزرار على طول عبارة عن 4 كوريك كهربائية ملحومين تحت العربية بأماكن محترفة بمجرد أدوس زرار اﻷربع كواريك تشيل العربية من.اﻷرض وهي واقفة فتبقه زي كأنها واقفة على جلفتات والكاوتشات طايرة.في اﻷرض فحيسرقوها إزاي

سادسا كل عربية فيها ققل الدركسيون العادي

سابعا أنا مبجبش عربيات بياعة فمحدش بيفكر يسرقني خصوصا لما يشوفوا شكلها متعدل ومليانة كماليات فبيقلك عربية حتجيبلنا العين والكماين ومحدش حيفكر يشتريها

ثامنا بعض من عربياتي فيها إموبلايزر المفتاح المتكود

ودمتم للنضال