معايا فيرنا 2013 عاملة 2000 كيلو , صوتها عالى من جوة وبحس بصوت الموتور بغباء , هل ده

[bassam92]

العربية جايبها زيرو وفرحان بيها , اقوم الاقى صوتها مزعج من جوة وكركرة وونة مزعجة بتوجع الدماغ
هل ده العادى بتعها .,,,
علشان انا ابتديت اشك ان فيها حاجة , او عيب صناعة ,,,,,,,,,,,,

[M I D O]

حضرتك كنت راكب اية قبلها لانها هتفرق .. و الفيرنا معروف عنها العزل مش عالي بس مش بالدرجة الي حضرتك بتوصفها عموما اصبر لصيانة الالف وتتحل ان شاء الله

[Haitham Basha]

زي ما العضو الفاضل mido قال لحضرتك بالضبط اتسنى لصيانة الألف ...

[abdulkhaleq]

بالظبط
استنى صيانة الألف
وحاول تتبع مصدر الصوت
ممكن مايكونش الموتور
ممكن يكون بلي
انا عارف انك بتقول تنها زيرو بس وارد
ده لو بالعلو اللي بتقول عليه

[ahmedelfeky]

الراجل بيقول العربيه عامله 2000 كيلو!!!!!!!!

[shaaban2008]

كل الفيرنا كدة بسبب ضعف العزل للصالون
بس متقلقش الصوت هايهدي نوعا ما بعد 4000 او 5000 ك

[shawke hamed]

انا معايا 10000 كيلو ومحصلش الى بتقول علية ششكلة عيب صناعة

[eslam atia]

يا اخي الفاضل
لا تقلق
انا كنت زيك بالظبط ، وبلاش تروح التوكيل ، هتضيع يوم علي الفاضي
حاول علي قد ما تقدر تمشي بيها بهدوء الفترة دي ( مرحله التليين ) وشوف بعد ال 5000 كيلو صوتها بقي عامل ازاي
ومع كل غيار زيت نضف فلتر الهوا كويس
بس سؤال بعد ازنك
انت بتشتكي من صوتها وانت قافل الزجاج ولا وهو مفتوح ؟
لو وانتا قافل فحاول تعود نفسك علي كدا لأن العزل بتاعها أسؤ شئ فيها
لو مفتوح هتسمع صوت عالي بس بعد ما rpm يعدي ال 3
وربنا يباركلك فيها يااااااارب ويكفيك شرها وشر الطريق اللهم امين

[M I D O]

بالظبط
استنى صيانة الألف
وحاول تتبع مصدر الصوت
ممكن مايكونش الموتور
ممكن يكون بلي
انا عارف انك بتقول تنها زيرو بس وارد
ده لو بالعلو اللي بتقول عليه

اي حاجة تقفيل مصري عموما و تقفيل غبور بالتحديد مفيش فيها حاجة اسمها زيرو .. توقع اي حاجة في العربية

[M I D O]

الراجل بيقول العربيه عامله 2000 كيلو!!!!!!!!

تصدق ماخدتش بالي من عنوان الموضوع انا قرئت زيرو جة في بالي علي طول انة لسة مكملش الف كيلو .. عموما ملحوقة في صيانة ال 5000 ان شاء الله تتظبط

[bassam92]

انا عملت صيانة الالف من شهر , وحطيت زيت 10000 , ومع ذلك الصوت مش مريح , مع العلم
انا كنت راكب قبليها (((( لادااا))) يعنى صوتها جرار زراعى بس مش دى الفكرة , الفكرة ان
صوتها مزعج سواء فاتح الازاز او قفله , والكلام ده من اول الغيار التالت للخامس , وطبعا بعد ال100 بتبقى مقرفة
معلش اصل الواحد جابها بدم قلبه وتحويشته , وكنت متخيل انها هتبقى هادية وارتاح وانا راكبها , بدل لادا الجرار
على العموم اذا ده كان صوتها الطبيعى مع انى مش مقتنع , فا ربنا يعوض عليا
ولعل وعسى تتغير ..

[saddam]

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

[baherhassan30]

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

فكرة هايلة جدااااااا
بس ياريت لو حد عملها يقولنا حس بفرق فعلا ؟؟؟؟

[nbabad]

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

متابع للإهتمام لإني بأعاني من نفس المشكلة ( بس مش بالدرجة إللي بيقول عليها ! ) وخاصة الصبح بدري والدنيا لسه هادية وأنا طالع الشغل بحس إني دورت جرار زراعي أو طلمبة رفع المياه بتاعة الأراضي الزراعية !!
عموماً في ناس نصحوني في صيانة الـ 5000 أحط زيت كاسترول 10000 علشان تخليقي وقالوا إنه هايهدي الصوت كتير ، وناس تانية قالوا تغير الزيت وتغير فلتر الهوا وتجيبه سبور هايفرق أوي ..

طبعاً أنا لسه ماجربتش الحلين لحد الآن .. لكن لو فكرة المواطن صدام سهلة وهاتجيب نتيجة أكيده يبقي ليه لأ ! ، وأكيد العوازل ديه هاتساعد برضه في رفع كفاءة التكييف ..

فياريت أخونا المواطن صدام يقولنا طقم العوازل ده بنجيبه منين وشكله إيه وفين هوه الصنايعي المحترم إللي ممكن يركبه ؟ ولك جزيل الشكر أخونا المناضل