أركب أنذار ألنترا md في التوكيل ولا بره

[ahmedsho3a3]

يا شباب أرجوكم المساعده عايز أركب أنذار لي ألنترا 2013 md لأن طبعاً مافيهاش و مفيش أيمبوليزير
رأيكم أروح التوكيل أركبه (أللي بيقولوا بيفصل طرمبه البنزين ده) ولا أركب بره أي أنذار بيفصل الكهربا ولا البنزين عند حد محترم, و لو بره أروح عند مين في المهندسيين أو مصر الجديده؟

[khaabas]

فى التوكيل ركب الشوك سنسور مع انذار العربية الاصلى وتمنه 300 جند تقريبا وضمان الكهربا موش هتخرج منه

[saddam]

صديقي المواطن
في التوكيل غالب أجهزة.اﻹنذار نوع واحد ورخيص أما بره تقدر تجيب نوع محترم وبيدور العربية والتكييف عن.بعد عشان يسخنهالك الصبح قبل متنزل وتروح تركب في أدريان المطبعة.الهرم وكمان يربطولك قطع الكهربا بتاعه ودمتم للنضال

[Thebutcherr]

توكيل طبعا

[محمد فوزى]

فى التوكيل علشان متخرجش من الضمان فى الكهرباء

[mahmoud_afifi]

فى التوكيل ركب الشوك سنسور مع انذار العربية الاصلى وتمنه 300 جند تقريبا وضمان الكهربا موش هتخرج منه

+1

بس قبل ما تركب الانذار ياريت تتأكد اذا كان فيه فصل طرمبة البنزين ولا لأ.
وكمان اسأل في اي محل اكسسوارات لو ركبت الانذار بتاع التوكيل هل ينفع يركبلك كتاوت بتاعة الفصل ولا ماينفعش.

[profimh]

الجهاز اللى فى التوكيل محدش بالضبط عارف هو بيعمل ايه غير فصل الطرمبة و بس و لو هى الطرمبة بس يبقى فقير قوى و ميستهلش حتى انى طلبت منهم data sheet محدش فادنى بحاجة كالعادة
و مش بقوة الاجهزة اللى فى السوق زى ال مثلا gps اللى بتحدد منه مكان و سرعة العربية و نطاق تحركها و حاجات كتير زى فصل و تشغيل العربية بsms تقدر تضيفها بس عاوز واحد شاطر يركبه عشان يركب مضبوط و عشان ميبنش فى التوكيل و ده حدوده من الف ل 1500 جنيه حسب النوع
و فى حاجات تانية كتير فى السوق إنذار و فصل طرمبة أفضل من اللى فى التوكيل
المشكلة الوحيدة ان احنا مش عاوزينه يبان عند التوكيل عشان نتفادى عملية خروج الضفيرة من الضمان

فالأمر متروك ليك و ربنا يوفقك للخير

تقبل مرورى فى الموضوع و تحياتى بالتوفيق

[ahmedsho3a3]

أنا سألت في التوكيل قالي في كود هيبقى على المفتاح و لو العربيه مادرتش بالكود ده طرمبه البنزين هتفصل ( بس الصراحه ماكنش واثق من نفسه كده المهندس) ده غير أنه قالي مش عندي حالياً

السؤال هنا لو أنا ركبته بره لازم يلعب في الضفيره ؟ و يخرج كهربا العربيه من الضمان ؟

[profimh]

طبعا لازم هيتعامل مع الضفيرة و العربية حساسة جدا لاى لعب فى الكهربا عشان كده لازم واحد متخصص و فاهم و يفضل اللى بييشتغلوا فى الالمانى ده كلام واحد معرفة من جوة التوكيل نفسه
بالنسبة للخروج من الضمان فزى ما وضحت لو اكتشف هيخرج الضفيرة بره الضمان
عمو غبوربقه يتاخد اللى لا مؤاخذة عندنا يا تلبس فى الحيط

[kbarema]

ركبت قطعه الانذار بالتوكيل

السبت 12/10/2013
رحت توكيل غبور بالعبور
ولازم تكون حاجز قبلها علشان القطعه بالطلب والزحمه الشديده هناك
المهم المهندس قلتله عاوز اركب القطعه بتاعت الانذار قالي اه اللي فطل طرمبه البنزين قولتله تمام وكمان حساس الصدمات قالي هى قطعه واحده
العربيه اخدت ساعه ونصف تقريبا
وجربته
قفلت العربيه بالريموت
فتحت بالمفتاح اشتغل الانزار
دخلت من الشباك ودورت العربيه ما دارتش واشتغل الانزار ( وهنا فيه نقطه عجيبه هو فصل المارش مش طلمبه البنزين )
خبطت العربيه مشتغلش خبط جامد اشتغل
المهندس قالي احنا بنظبط السينسور علي الوسط علشان مش كل ما قطه تعدى علي العربيه يشتغل الانذار
المهم قولتله طب ممكن تقولى مكانه علشان لو حبيت اعليه شويه
قالي علي مكانه ومشيت
وانا مروح عربيه نقل خبطتنى من ورا ربنا يجحمه وطبق حته في الرفرف بس الحمد لله علي كل شيء
روحت ادور علي القطعه اللي هم ركبوها ملقتهاش
وكمان الاول لما كنت ربكب العربيه واحط المفتاح كنت بسمع زنه بتاعت طلمبه البنزين ثانيتين وتفصل دلوقتى بسمع صوت مقطع مش عارف ده من ايه وقلقان جدا

[s7oda]

ارجع للتوكيل تاني
ولو قالولك الجهاز وقع (من أثر الخبطة) يبقا عليك العوض