صيانة هيونداي فيرنا فيفا 2008

[asem hassan]

ان الحمدلله اشتريت عربية فيرنا (فيفا 2008) وعايز اعملها صيانة عامة
تغيير سير كاتينة وزيت ماتور ولو في حاجة في العفشة عايزة تتربط لأني لسه شاريها ومعرفش صاحبها كان عامل فيها ايه وابقى مطمن لما اسافر بيها وبفكر اوديها التوكيل اللي في العبور وعايز اعرف الاسعار وهل هيفرق التوكيل في التركيب عن الميكانيكي بعيدا عن قطع الغيار مستني ردودكم وبارك الله فيكم

[eslam atia]

العداد عندك عامل كام ؟؟
ارفع العربية وشوف فيه بارومة ولا ولأ
شوف حاله الكاوتش الأربعة
ولو البطارية سايلة غيرها بجافة
كمان هتغير طقم سيور كامل ( كاتينة - دينمو - تكييف - باوور )
طقم بوجيهات + سلوك البوجيهات + فلتر هواء + فلتر بنزين
وتشوف زيت الفتيس ، وتبص كويس الموتور بيرشح زيت من اي منطقة ولا لأ
وتعمل دورة غسيل ريداتير وتحط ميه خضرا
ونصيحه بلاااااش تفكر في التوكيل لأنة اسعارة حرام جداااااا الحاجة ام 120 هتاخدها هناك ب 400
وتوديها لميكانيكي امين يظبطهالك وربنا يكفيك شرها يارب ويباركلك فيها اللهم امين
ويارت تقول اخدتها علي كام ؟؟

[asem hassan]

شكرا على الرد يا اسلام والمعلومات

[Ahmed El Shamy]

الف مبرووك يا باشا ربنا يديك خيرها ويكفيك شرها
بص التوكي بيغالي قوي في الاسعار ممكن توديها للمهندس هاني مركز سبيد سيرفس يعمللك الصيانات ويشيك عليها هو اصلا كان شغال في غبور وربنا كرمه وفتح مع نفسه