بدور العربيه الصبح مش بتدورر ميته خااالص ؟!!

[0samah]

بسم الله الرحمن الرحيم

يا رجاله اللي حصل بالضبط انا نازل اروح الشغل عادي رايح علي عربيتي i20 اوتومتك فتحت الابواب بالريموت فتحت عادي وانا بدور العربيه اول محطيت المفتاح نورت ويادوب لسه بدور راحت قاطعه ميه ونور اشيل المفتاح احطه ادور تاني مفيش خلاص الموضوع ده اول مره يحصل معايا انا امبارح كنت بيها في الدقي وطلعت علي المعادي وبعد كده رحوت وكل مره بركنها واداور ومفيش مشكله مش عارف ايه اللي حصل فجأه مع العلم ان العربيه موديل 2011
كنت متاخر علي الشغل والريموت مش عايز يقفل العربيه ف قفلتها منيوال بأيدي مش عارف لما اروح هعرف افتحها تاني ولا ايه .. انا بفكر اكلم التوكيل يجي شلها علي بعضها كده يفتحها ويشوف ايه القصه ولا انتو ايه رايكم

اسف اني طولت

[Ahmed_BYD_F0]

فعلا مشكلة كبيرة وانا للاسف لا اعلم حلها ايه بالظبط
لكنى مهتم جدا بمشكلتك ومتابع معاك وقولنا عملت ايه بالتفصيل لحل المشكلة دى

[khaabas]

شيكت على البطارية

[Silent~Dream]

شوف كابلات البطاريه واصلين كويس ولا لا وعليهم اى املاح ؟ اخلع البوجيهات و نظفها و شوف حالتها عامله ايه

[lidosasa]

دى مشكلة البطارية . فاضية من الشحن أو باظت أو كابلاتها مش متوصلة . لكن من التفاصيل اللى حضرتك بتحكيها وإن العربية موديل 2011 أقدر أخمن إن البطارية باظت . أخلع البطارية وخدها لحد بتاع بطاريات يكشف عليها لو شغالة بس فاصلة شحن يشحنها ليك ولو باظت أشترى بطارية جديدة

[lidosasa]

شوف كابلات البطاريه واصلين كويس ولا لا وعليهم اى املاح ؟ اخلع البوجيهات و نظفها و شوف حالتها عامله ايه

البوجيهات ملهاش علاقة لو كانت هى السبب كان المارش أشتغل والعربية ملقتطش وكمان كان الإنذار إشتغل . لكن المشكلة واضحة جداً إنها مشكلة بطارية

[SAMEH_FOUAD]

حضرتك بتقول ان العربية قفلتها مانيوال ودة معناة حاجة واحدة ان البطارية خلصت , او القواطيش مش مربوطة كويس

[mhDeeb]

حضرتك بتقول بقالها سنتين فممكن يكون البطارية سرها الالهى طلع فجاة فبدل ما تكلم التوكيل هات كهربائى يكشف على البطارية ويديها وصلة ويدورها وربنا يسهل تكون حاجة بسيطة وطبعا لو حتشترى بطارية هاتها جافة والحمد لله انها عملت معاك تحت البيت بدل ما كانت تعملها في اي مكان تانى وربنا يكرمك

[Ahmed Amin]

أعمل توصيلة الأول ما بين بطارية عربيتك وبطارية عربية حد تعرفة, أو كهربائي يجيب بطارية سلمية من عنده ويعملك توصيلة علي البطارية فقط ودور,,

لو دارت من أول مرة غير البطارية علي طول,,
وشوف البطارية لو موجودة في الضمان, عشان تستفاد منه بدل ما تجيب جديد من برة علي طول <<<

وفي الغالب القواطش عندك مفهاش مشكلة, لأن العربية لسه جديدة,,
وكمان البوجيهات في الغالب مفهاش مشكلة لأن لو فيها مشكلة مكنش الريموت مش هيشغل معاك وتقفلها يدوي.

[amr011111]

ممكن تكون نسيت نور الصالون شغال والبطاريه فضيت او ان البطاريه عمرها خلص ومش محتاجه توكيل ان شاء الله

[0samah]

ربنا يبارك فيكم والله يا جماعه ده انا كنت متضايق اوي انا بفضل الله العربيه اول مره تعمل معايا حركه كده
والحمد الله فعلا ان الموضوع حصل تحت البيت كنت فعلا هتبهدل بيها .. طيب العربيه هعرف كده افتحها ازاي بالمفتاح عادي ولا حواااار؟
انا جايب زيرو واوتومتك علشان وجع الدماغ وزي ما قلتلكم العربيه جديده ودي بصراحه اول عربيه تكون بتاعتي اركبها ف معرفش الاعطال اوي انا مفتحتش الكبوت 3 مرات مثلا :)
طيب لو البطاريه في الضمان اعمل ايه اخلعها واروح بيها .. ولا اقطرها للتوكيل علشان يغيرها

[amr011111]

ربنا يبارك فيكم والله يا جماعه ده انا كنت متضايق اوي انا بفضل الله العربيه اول مره تعمل معايا حركه كده
والحمد الله فعلا ان الموضوع حصل تحت البيت كنت فعلا هتبهدل بيها .. طيب العربيه هعرف كده افتحها ازاي بالمفتاح عادي ولا حواااار؟
انا جايب زيرو واوتومتك علشان وجع الدماغ وزي ما قلتلكم العربيه جديده ودي بصراحه اول عربيه تكون بتاعتي اركبها ف معرفش الاعطال اوي انا مفتحتش الكبوت 3 مرات مثلا :)
طيب لو البطاريه في الضمان اعمل ايه اخلعها واروح بيها .. ولا اقطرها للتوكيل علشان يغيرها

لا تقلق خالص ان شاء الله الموضوع بسيط
انت هتشوف حد بيبع بطاريات عندك فى المنطقه وتروح عند عربيتك توصلها ببطاريه تانيه من عربيه تانيه هتدور معاك العربيه ان شاء الله وساعتها هتروح بيها للكهربائى او بتاع البطاريات يقيسلك شحن البطاريه وهيقولك حاجه من اتنين يا اما انت كنت ناسى حاجه شغاله فالبطاريه محتاجه شحن على التونجر وفى الحاله ديه هيفك البطاريه ويحطها على التونجر عنده لمده ساعتين ويركبها تانى فى عربيتك
او يقولك ان البطاريه جابت اخرها ويركبلك واحده جديده
انت اللى هتعمله بس انك هتروح بالعربيه لبتاع البطاريات
وبالتوفيق

[lidosasa]

يا باشا دى حاجة بسيطة وبسم الله ما شاء الله العربية أصيلة والبطارية متعتبرش عطل فى العربية . وموضع إنك تقطر العربية لحد التوكيل ده حرام وحتبهدل العربية وتتكلف فلوس كتير يمكن أكتر من تمن البطارية نفسها . أحسن حل لو تقدر إنت بنفسك تفك البطارية وتاخدها تكشف عليها يا إما لو مش حتعرف شوف كهربائى أو فنى بطاريات يفك البطارية وياخدها تكشف عليها . بس نصيحة أوعى تشترى بطارية سايلة هات بطارية جافة عشان وجع الدماغ طالما مش بتحب تفتح كبوت العربية
بس نصيحة لازم كل فترة كده تفتح كبوت العربية وتبص على حوض العربية نظرة سريعة ممكن تكتشف حاجة قبل ما تعطل وتعملك مشكلة وكمان لازم تبص على الزيت وتشوف مقايسه كل فترة

[akmm]

اكيد مشكله بطاريه فعلا .................

[Mecha]

try jump start and see