تقرير عن النترا 2013 Fully Loaded + صور

[FOREX EAGLE]

سلام عليكم ورحمه الله
تقرير عن النترا 2013 فولي لودد
تاريخ الشراء مايو 2013
سعر الشراء : 180.000 جنيه
الاوبنشز الموجوده في الفئه دي :

عجلة قيادة متعددة المهام
مسند يد مع حامل الأكواب
تكييف هواء أوتوماتيكي
إغلاق الأبواب مركزياً
مرايات كهربائية
إشارة جانبية بالمراه
مرايات بلون السيارة
مصابيح ضباب
مفتاح ريموت
لمبة قراءة مع حافظة نظارات شمسية
حلية داخلية بطلاء معدني
حواجز للحماية من الاتربة
عجلة قيادة ألية المؤازرة
مقود وناقل حركة جلد
زجاج كهربائي
CD/ راديو/ ام بي ثري بلوتوث
فتحة سقف
مكابح مضادة للانغلاق ABS
جهاز تحذير المسافات الخلفية
حساس مطر
مفتاح ادارة المحرك بالضغط بدون مفتاح (استارت انجن )
فرش جلد كامل
مثبت سرعة
وسادة هوائية للسائق
وسادة هوائية للراكب الأمامي
شماسات مزودة باضاءة وامتداد
عجلة قيادة قابلة للإمالة
كمبيوتر رحلات
فتح الشنطة من الداخل
مقاس الچنوط 16 بوصة

..............

نيجي بقي للمميزات وعيوب العربيه بعد تجربه تقريبا 5000 كليو
1. ثبات العربيه : العربيه ثباتها ممتاز جدا حتي ع السرعات العاليه ( اعلي سرعه بيها 160 ) طريق مفتوح وملفات علي 130 كانت ممتازه جدا والجنط ال 16 بيدي احساس بتقل العربيه ع الطريق وبالتالي ثبات افضل .
2. العفشه : رائعه ولا تشعر بالمطبات ولكن اشوف فيها مشكله التعليق الخلفي لما تكون ماشي علي سرعه وتاخد نقره في الطرق العظيمه بتاعنا تلاقي العربيه بترقص من ورا ولكن دا ع السرعات العاليه .واعتقد دا مش عيب فيها دا عيب في طرقنا لان العربيات دي متصممه علشان تمشي علي طرق ناعمه وسليمه .
3.عزل العربيه جيد جدا ولا افضل عزل اعلي من ذلك لانه بالشكل دا مش هتسمع صوت الكلاسكات بره :D
4. تكييف العربيه : رائع وتلاجه بمعني الكلمه دايما الحراره بخليها 25 ومش بستحمل المروحه اكتر من اول درجه ولو الجو حار مثلا كانت 37 بخليها 2 .
5. مثبت السرعه ميزه حلوه جدا ولكن مش بستمتع بيها لان الطرق المصريه العظيمه مينفعش معاها المثبت كل شويه مطبات ونقره ونظام السواقه الحميري وال booz base حط بوذك علشان تمشي .
6.استهلاك البنزين اشوفه عالي
دايما 9.6 داخل المدينه مع التكييف
ع الطرق السريعه بيقل ل 8.5 مثلا . الايكو مود شايف انه ملهوش اي لزمه بلغيه وبحس بعزم كويس جدا ف العربيه
7. صوت الكاسيت مميز جدا ورائع والملتي فنكشن جميل جدا ايضا .
8.السنسور الخلفي مهم جدا ف العربيه لان ابعادها صعب تشوفها من المرايات وبالتالي هو عامل مساعد جدا لتفادي الخبطات اثناء الركن ولكن التنبيه بيكون متاخر شويه يعني لازم تكون راجع بالراحه والا هتخبط وبعد كده يديك تنبيه :D
9.الاضاءه الخارجيه للسياره رائعه جدا بس للاسف مكنش في مفتاح تحكم في ارتفاع النور وقت الشراء لاني كنت عايز اعلي ارتفاع النور علشان يجيب مسافه ابعد ونشوف المطبات :D ( سؤال هل اقدر اركب الاوبشن دا ف التوكيل ؟ ) ... الاضاءه الداخليه ونور الطابلوه رائع جدا وتعشقه من النظره الاولي .
10. عوامل الامان : العربيه فيها 2 ايرباج واشوف ع الاقل المفروض كان يكون فيها 6 ايرباج بالنسبه للسعر المدفوع فيها لكن هنقول ايه لعم هبور .
11. طبعا العربيه بصمه وايموبلايزر . والانداز الي فيها بيتفعل بعد 15 ثانيه من الاغلاق وعند محاوله فتح اي باب او الشنطه الكلاسك بيشتغل لمده 27 ثانيه .
12. الفرامل : ِABS طبعا الفرامل جميله جدا وتسعفك لا قدر الله وقت الخطر .
13 : الكراسي الداخليه فرش جلد كامل والتابلوه والطاره والفتيس .والكراسي مريحه جدا وشكلها جميل .
14.العربيه كان المفروض يكون فيها انزار حركه وتنبيه عند سرعه 120 كليو لكن غبور قالي مش نازله فيها .
15. السنتر لوك المفروض عند الاغلاق الابواب الخلفيه منقدرش نفتحها علشان لو في اطفال ميفتحوش الباب والعربيه ماشيه ..لكن الابواب الخلفيه لو الطفل حرك اللوك بيفتح عادي معاه !! هل دا ممكن يتعمل ف التوكيل بحيث مع اغلاق السنتر الابواب الخلفيه متفتحش من جوه الا لما انا الغي السنتر ؟
16. العربيه الصاج بتاعها خفيف جدا واي خبطه بتاثر فيها ودا عيب العربيات الجديده كلها ..ودا مطلوب عالميا ان كل شركات السيارات تخفف من وزن العربيه علشان استهلاك البنزين لانه متوقع ازمه طاقه عالميه .
17. كنت عايز اركب وحده رفع ف العربيه تقفل المريات والسنتر والازاز والسقف مع بعض لكن الجمله المعتاده من التوكيل هتطلع بره الضمان ومش بيوافقوا يركبوها من عندهم !! بس هركبها برده

كده انا خلصت التقرير واتمني يكون عجبكم
ودي صور للعربيه
قولو ما شاء الله



















































تحياتي لكم

[Samir Elshahawy]

تقرير رائع ووافي و حتي العيوب حضرتك ذكرتها و للاسف حتي الالنترا الفولي لودد اللي بتنزل هنا بتنزل ناقصة عن اللي بتنزل بره

و لكن لي استفسار بسيط بخصوص خاصية الايكو الموجودة :
هل هي مجرد تنبيه فقط و لا فعالة ؟
بمعني هل مفتاح الايكو موجود في الطارة و لا بجانب مفتاح تخفيض اضائة التابلوه ؟
و هل لما بتشغل الايكو مود سحب العربية بيتأثر و لا لأ ؟

اللي أعرفه أن الخاصية دي شغالة في الألنترا المزودة بالمحرك ال جي دي أي فقط

و شكرا علي الموضوع

[DEVILRIDER]

تقرير جميل ربنا يبركلك فيها

[mahmoud_afifi]

ماشاء الله لا قوة الا بالله. ربنا يباركلك فيها ويكفيك شرها
وماشاء الله تصويرك حلو (y)

[profimh]

تقرير جيد و عقبال ال 100 الف صيانة
اما بخصوص البكرة اللى بتتحكم فى ارتفاع النور الواطى فهى بتوطى النور مبتعليهوش عن اللى عندك و ده فى حالة تحميل العربية بكامل حمولتها هتحتاجه يوطى بس
و لذلك عشان تعمل اللى انت عاوزه اضبط بنفسك النور عن طريق المسامير اللى فى الفانوس نفسه و ارفع مستواهم و اضبطهم مع بعض
و ليا سؤالين الاول هى مافيهاش البلوتوث فى الطارة لان مش شايفه
و التانى هى مفيهاش زرار تعليه و توطية درجه انارة التابلوه و لا انا مش واخد بالى

شكرا و تحياتى بالتوفيق

[Haitham Basha]

بسم الله ما شاء الله و لا حول و لا قوة إلا بالله . ربنا يبارك لك في عربيتك و يكفيك شر طريقك ... العربية فعلاً ممتازة بكل المقاييس لا يعبها إلا حبيب القلب و كلنا عارفينه ... بالنسبة للولاد و الباب ففي عندك لوك في جنب الباب لكا تفتحة لو عملته الباب مش هيتفتح غير من بره .


إذاي حضرتك عندك مفيش الشاشة الديفي دي و الكاميرا الخلفيه و التحكم في التليفون من الطارة و السنسور الأمامي و زرار تعلية النور و ازاي مفيش الـ esp و زرار الـ eco أنا شفتها هنا في مصر فولي لوديد بي 182.000 و انا بشتري عربيتي و كانت زي ما أنا وصفتها غير عربية حضرتك خالص و كانت وكيل مش خليجي ... أنا عايز أفهم إيه الي بيحصل ده يعني الراجل مزود عني 18.000 جنيه و كل الي عندو زيادة إير باج للجالس بجانب السائق يعني هو عندو 2 و انا عندي واحد . مثبت السرعة . و التكيف التاتش !!! ده كمان معندوش زرار تعلية النور !!! إيه الأي كلام ده بجد أنا اتغظت جداً !!!
و يعني إيه يبقى في إتنين فولي لوديد كل واحدة غير التانية ؟؟؟

[S O P H O S]

ما شاء الله
تقرير جميل

[hossam_elwani]

بسم الله ما شاء الله و لا حول و لا قوة إلا بالله . ربنا يبارك لك في عربيتك و يكفيك شر طريقك ... العربية فعلاً ممتازة بكل المقاييس لا يعبها إلا حبيب القلب و كلنا عارفينه ... بالنسبة للولاد و الباب ففي عندك لوك في جنب الباب لكا تفتحة لو عملته الباب مش هيتفتح غير من بره .


إذاي حضرتك عندك مفيش الشاشة الديفي دي و الكاميرا الخلفيه و التحكم في التليفون من الطارة و السنسور الأمامي و زرار تعلية النور و ازاي مفيش الـ esp و زرار الـ eco أنا شفتها هنا في مصر فولي لوديد بي 182.000 و انا بشتري عربيتي و كانت زي ما أنا وصفتها غير عربية حضرتك خالص و كانت وكيل مش خليجي ... أنا عايز أفهم إيه الي بيحصل ده يعني الراجل مزود عني 18.000 جنيه و كل الي عندو زيادة إير باج للجالس بجانب السائق يعني هو عندو 2 و انا عندي واحد . مثبت السرعة . و التكيف التاتش !!! ده كمان معندوش زرار تعلية النور !!! إيه الأي كلام ده بجد أنا اتغظت جداً !!!
و يعني إيه يبقى في إتنين فولي لوديد كل واحدة غير التانية ؟؟؟

اكيد الى انت شوتها دى خليجى بس اتلخبطت

[Mamoud salah H]

ربنا يباركلك في العربية يا باشا ويكفييك شرها
وبصراحة التصوييي رائع جدا جدا

[FOREX EAGLE]

تقرير رائع ووافي و حتي العيوب حضرتك ذكرتها و للاسف حتي الالنترا الفولي لودد اللي بتنزل هنا بتنزل ناقصة عن اللي بتنزل بره

و لكن لي استفسار بسيط بخصوص خاصية الايكو الموجودة :
هل هي مجرد تنبيه فقط و لا فعالة ؟
بمعني هل مفتاح الايكو موجود في الطارة و لا بجانب مفتاح تخفيض اضائة التابلوه ؟
و هل لما بتشغل الايكو مود سحب العربية بيتأثر و لا لأ ؟

اللي أعرفه أن الخاصية دي شغالة في الألنترا المزودة بالمحرك ال جي دي أي فقط

و شكرا علي الموضوع

اهلا يبشمهدس ...بالنسبه لخاصيه الايكو فهي موجوده في زرار ال trip وليست في زرار منفصل ..بتكون في زرار منفصل في الالنترا كوبيه مع ال esp

[FOREX EAGLE]

اهلا يبشمهدس ...بالنسبه لخاصيه الايكو فهي موجوده في زرار ال trip وليست في زرار منفصل ..بتكون في زرار منفصل في الالنترا كوبيه مع ال esp .. واشوف انها مجرد تنبيه فقط يعني بتظهر اللمبه لما تكون ماشي والار بي ام علي 1.5 - 2 وبيعتمد علي ضغطتك ع البنزين ..بس لما الغيه واعمل كيك داون استجابه الموتور بتبقي اسرع بعكس الايكو الار بي ام يعلي واستجابه متاخره شويه بس اعتقد مفيش فرق كبير بينهم .

[FOREX EAGLE]

تقرير جميل ربنا يبركلك فيها

تسلم شكرا لمرورك نورت الموضوع ..

ماشاء الله لا قوة الا بالله. ربنا يباركلك فيها ويكفيك شرها
وماشاء الله تصويرك حلو (y)

تسلم شكرا لمرورك نورت الموضوع ..واتمني يكون نال اعجباك

تقرير جيد و عقبال ال 100 الف صيانة
اما بخصوص البكرة اللى بتتحكم فى ارتفاع النور الواطى فهى بتوطى النور مبتعليهوش عن اللى عندك و ده فى حالة تحميل العربية بكامل حمولتها هتحتاجه يوطى بس
و لذلك عشان تعمل اللى انت عاوزه اضبط بنفسك النور عن طريق المسامير اللى فى الفانوس نفسه و ارفع مستواهم و اضبطهم مع بعض
و ليا سؤالين الاول هى مافيهاش البلوتوث فى الطارة لان مش شايفه
و التانى هى مفيهاش زرار تعليه و توطية درجه انارة التابلوه و لا انا مش واخد بالى

شكرا و تحياتى بالتوفيق

تسلم يا غالي ع مرورك الرائع ونصايحك ...بالنسبه للسؤال الاول : البلوتوث ف الكاسيت نفسه هتلاقي علامه السماعه والالغاء والاقتران موجودين ف الكاسيت مش ف الطاره ..الالنترا كوبيه بس هي الي فيها الرد والالغاء من الطاره . السؤال التاني : فيها زرار تعليه الاضاءه بس الصور مش موضحاه ودي وتقديري

[FOREX EAGLE]

بسم الله ما شاء الله و لا حول و لا قوة إلا بالله . ربنا يبارك لك في عربيتك و يكفيك شر طريقك ... العربية فعلاً ممتازة بكل المقاييس لا يعبها إلا حبيب القلب و كلنا عارفينه ... بالنسبة للولاد و الباب ففي عندك لوك في جنب الباب لكا تفتحة لو عملته الباب مش هيتفتح غير من بره .


إذاي حضرتك عندك مفيش الشاشة الديفي دي و الكاميرا الخلفيه و التحكم في التليفون من الطارة و السنسور الأمامي و زرار تعلية النور و ازاي مفيش الـ esp و زرار الـ eco أنا شفتها هنا في مصر فولي لوديد بي 182.000 و انا بشتري عربيتي و كانت زي ما أنا وصفتها غير عربية حضرتك خالص و كانت وكيل مش خليجي ... أنا عايز أفهم إيه الي بيحصل ده يعني الراجل مزود عني 18.000 جنيه و كل الي عندو زيادة إير باج للجالس بجانب السائق يعني هو عندو 2 و انا عندي واحد . مثبت السرعة . و التكيف التاتش !!! ده كمان معندوش زرار تعلية النور !!! إيه الأي كلام ده بجد أنا اتغظت جداً !!!
و يعني إيه يبقى في إتنين فولي لوديد كل واحدة غير التانية ؟؟؟

هيثم باشا منور الموضوع ... شكرا ع معلومه اللوك الي ف الباب الخلفي كنت قراتها قبل كده ..بس انا قصدي حتي بدون ما اعمل اللوك دا طالما انا قفلت السنتر الابواب والباب الخلفي مش يفتح الا لما الغي اللوك ..دي موجوده في لانسر 2010 .. بالنسبه للشاشه ديفيدي والكاميرا الخلفيه والسنسور الامامي وال esp مش موجودين ف النترا وكيل ابدا .. الاوبشنز دي بتكون متاحه في الالنترا كوبيه وممكن غبور الي ضاف الامور دي علشان يمشيها لانه تقريبا معملش مبيعات كويسه للالنترا كوبيه .بس انا مشفتش النترا 2013 فيها سنسور امامي ابدا . وغبور مستحيل ينزل فيها الاوبشنز دي كلها علشان السعر ..دنا كنت بتكلم معاهم وبقولهم ليه مفيش تنبيه عند 120 وكمان السنتر يقفل لوحده بعد سرعه 20 / كيلو بيقول دي اوبشن هتزود السعر !!! تخيل بقي لو ضاف ديفيدي بجي بي اس وكاميرا خلفيه !! اكيد هتعدي 200 الف واعتقد انه هيوصلها للسعر دا مع موديل 2014 والفيس ليفت الجديد ..( دا في حاله انه نزلها بالاوبشنز دي كلها ) . بالنسبه للفرق بين الجي ال اس والفولي لودد فعلا فرق كبير بس علشان في فرش جلد كامل بما فيهم الطاره والفيس + البصمه وبصمه الباب +ومثبت السرعه .وايرباج زياده .انا كنت هجيب جي ال اس ف البدايه ..لكن الموديلات الي فاتت دي كلها مكتش فيها ايموبلايزر الا ف الفولي لودد والبصمه .علشان كده فضلت اشتريها بسبب الاحوال في مصرنا المخروبه . وتكلفه الايموبلايزر تقريبا 35 الف جنيه او هتركبه . انا شفت النترا جديده ف معارض فيها كشافات الشابوره زي الجديده الفيس لفت هي بتاعتك نفس الشكل دا ؟ ودي وتقديري

[FOREX EAGLE]

ما شاء الله
تقرير جميل
تسلم شكرا لمرورك

ربنا يباركلك في العربية يا باشا ويكفييك شرها
وبصراحة التصوييي رائع جدا جدا

شكر لمرورك يا غالي ..

[FOREX EAGLE]

بالنسبه للتكييف كله بيقول عليه اوتو ( تاتش ) هو مش تاتش يا جماعه هو زراير عادي ! ايه قصدكم بتاتش ؟الشاشه ولا ايه بالظبط ؟