صيانة 1000 كم للفيرنا

[hesham ahmed]

السلام عليكم
عندي استفسار صغير بس
اخويا جاب فيرنا جديده و عايز يعمل صيانه ال 1000
عايز اعرف بتتكلف كام و بتاخد وقت قد ايه في التوكيل ؟
و ايه اللي بيتغير فيها ؟؟
و عايز الطريق ل غبور طريق اسماعيليه من مدينه نصر

شكرا مقدما

[elkorany]

صيانة الأف مجانا بتدفع بس تمن الزيت وفلتر الزيت
وانصحك بشدة تحط زيت شيل الترا الجركن الرصاصى اللى بيسموه زيت ال 10000 كيلو (عشرة الاف كيلو)
او اى نوع زيت يكون عشرة الاف كيلو بردو
بس فى غبور هيحطو نوع شيل بس مش بيستخدمو غيره
انا بستخدمه وهو ممتاز الحمد لله لحظ انا مجربتش غيره
تمن الزيت الأسبوع اللى فات كان 272.73 بجنيه بالتمام والفلتر كان 30 جنيه
ضيف عليهم كمان الضريبة وده المبلغ اللى هتدفعه ان شاء الله
وهما هيشيكو على كل حاجة باذن الله
بص لو عندك مشكله واضحة لا قدر الله
قولهم عليها
واتعود اكتب كل مشاكل العربية وملاحظاتك عليها فى ورقة قبل ما تروح التوكيل
لأنك لما تخش التوكيل هيطير كل اللى فى دماغك وهتقف تفتكر مش هتفتكر حاجة
احجر على رقم 16101 قبل ما تروح لو مجمعش اتصل برقم 16216
تبعهم بردو
واحجز قبل ما تروح وروح بدرى
وزى ما قلتلك اكتب كل الملاحظات على العربية فى ورقة وقولهم للمهندس اللى هيستقبلك
ويفضل متخليش اى حاجة تخاف عليها فى العربية
وخد معاك الضمان اللى هو الكتيب الصغير
واخيرا
الصيانة مأخدتش معايا ساعة او اقل
خد بالك انا بروح بدرى بكون بالكتير التالت او الرابع
وبحجز قبلها باسبوع علشان اخد معاد بدرى
بالتوفيق
عذرا للاطالة
ربنا يديدك خيرها ويكفيك شرها وشر الطريق