موضوع للنقاش هو ايه سر بوظان :) علبة الدريكسيون فى الالنترا hd & md

[khaabas]

ايه السر وعالفكرة فى السيراتو الشكل القديم واحيانا فى الار بى ( ربنا يستر يا رب ) هل سوء تصنيع ولا سوء استخدام
طيب ازاى اتفادها وهل فيه حل غير تغيير العلبه كلها

اريد حلا :)

[lanos2004]

هيه لحقت عموما شوراعنا تفنى اى شىء

[khaabas]

هيه لحقت عموما شوراعنا تفنى اى شىء

لا يا باشا الحمد لله لسه بس لاحظت ان الشكوى دى كتير فنفسي اعرف السبب والحل

[Ahmed TRAVCO]

أعتقد عيب تصنيع ومش سوء استخدام لأننا عمرنا ما سمعنا عن حاجة زي كده في عربية ياباني مثلا مع إن أكيد في سوء استخدام للعربيات الياباني برضه!!

[M I D O]

اعتقد الخامات المصنع منها علبة الدريكسيون لا تتماشى معا الشوارع المصرية وكانت عاوزة تبقي خامات اعلي شوية

[khaabas]

بس لو سوء تصنيع ليه العيب مظهرش فى دول الخليج لكن ظهر عندنا

[lanos2004]

أعتقد عيب تصنيع ومش سوء استخدام لأننا عمرنا ما سمعنا عن حاجة زي كده في عربية ياباني مثلا مع إن أكيد في سوء استخدام للعربيات الياباني برضه!!

فعلا مش موجودة فى اليابانى الا السيفك بعد 2007 وتمنها 7500 جنيه ومغيرنها فى سيفك 2010 بس الحمد لله كانت ضمان

[khaabas]

فعلا مش موجودة فى اليابانى الا السيفك بعد 2007 وتمنها 7500 جنيه ومغيرنها فى سيفك 2010 بس الحمد لله كانت ضمان

السفيك قطع غيارها غالية بغباء يعنى تيل الفرامل لما يكون بالف وحاجة ليه يعنى بس بردوا وما زال السؤال قائم :)

[aw2100]

عموما عيب بوظان الأسكترا فى اى عربية نتيجة ثقل وزن العربية وكبر حجم وعرض الكاوتش وطبعا جهاز ال abs فى الفرامل وده بيعتبر حمل كبير على أضعف جزء فى العفشة وهو الأسكترا !!

[mr.a]

فعلا الموضوع كان مع سيفيك 2007و 2008
ويكاد يكون تلاشى ف 9 و10
والعيب تم تصليحه على حساب الضمان
اوبيتعمله اصلاح بره ب800 تقريبا
وبعد التغير والأصلاح بيتنسى العيب ده تماما
والغريب ان كان فيه شماته غريبه يعني هنا مع الألنترا وسيراتو قولتوا عيب استخدام وعيب شوارع
لكن السيفيك احبيبتي يا سيفيك هرستوها

[mando_07]

السفيك قطع غيارها غالية بغباء يعنى تيل الفرامل لما يكون بالف وحاجة ليه يعنى :)

مين قالك الكلام الغريب ده !؟

[profimh]

ايه السر وعالفكرة فى السيراتو الشكل القديم واحيانا فى الار بى ( ربنا يستر يا رب ) هل سوء تصنيع ولا سوء استخدام
طيب ازاى اتفادها وهل فيه حل غير تغيير العلبه كلها

اريد حلا :)

لو سوء إستخدام مكنش الشركة الام تغيرها فهى اكيد عيب تصنيع و منتشرة قوى فى ال hd
انا مظهرتش معايا خالص فى ال hd بس فى عربيتين زملاء فى الشغل ظهرت فيهم و احدة قبل الستين الف و اتغيرت اما التانيه ظاهره برضه بس بعدانتهاء الضمان

بالنسبة لل rb معلوماتى من جوة التوكيل انها مظهرتش فيها خالص الحكاية دى

و ربنا يستر على md ههههههههههههه

[khaabas]

طيب محد يشرح لينا علبه الدريكسيون وايه تحديدا الجزء سبب المشكلة وهل يمكن تغييره لوحده ولا لازم العلبة الكاملة
:)

[ICE_MAN]

انا فعلا غيرتها بس على 140 الف كيلو و تمنها كان فى حدود 1200 (موبيس) .. يعنى أعتقد انه مش عيب قاتل ان قطعة بالسعر ده تتغير على 140 الف كيلو.
بالنسبة للسبب بصراحة مش عارف :)

[khaabas]

بس كويس والله ان فيه منها موبس لان جودة الموبس والاصلى مفيش فرق

وفعلا موش يعيب العربية ( اى عربية ) فعلا بس عاوزين نعرف ليه خصوصا ان فيه عربيات ما بتكملش 30.000 واقل وبتبوظ فاكيد ده عيب تصنيع ولازم يشوفوا حل ويغيروها مجانا :)