تعالوا نقيم اعتمادية الناجحة الالنترا md

[2CODE]

السلام عليكم ورحمة الله وبركاته

عايزين نعمل الموضوع ده من ملاك الالنترا MD لنتعرف على درجة اعتمادية وتحمل واحده من انجح السيارات في فئة السيدان 1600 سي سي

كل واحد يقول لنا كم عدد الكيلو مترات التي قطعها بالالنترا MD لغاية دلوقتي ... طبعاً انا ضيف عندكم في القسم انا معايا ريو 2013 بس محتاجين نعمل مرجع لدرجة اعتمادية وتحمل الالنترا خصوصاً لشوارع المحروسة لو العربية اتحملت عندنا 10 سنين في شوارعنا دي يبقى برا مصر هتعيش لغاية ما صاحبها يموت

وربنا يستر طريقنا جميعاً

[S O P H O S]

فكرة جميلة منك يا باشا كالعادة
وكمان لو فكل قسم نعمل موضوع عن اشهر عربية للماركة
هيكون عندنا موضوع مفيد جدا فكل قسم وموسوعة
يعني الانترا و سيراتو وكورولا الخ وكل موضوع يشرح اعتمادية العربية والمشاكل الي بتقابل المالك
خالـص تحياتــي ليك ..

[DEVILRIDER]

حوالي 10000 km

[esam_ayad]

السياره مع زميلي في الشغل
وماشيه لحد دلوقتي 18 ألف كيلو متر في سنه وأربع شهور ولم يشكو من أي شيء فيها نهائيا والحمد لله.

[Samir Elshahawy]

النهاردة و بعد أول رحلة طويلة منذ شهور أكملت ال 48,160 كم خلال سنتين

معدل الاداء كما هو (أستجابة محرك - أداء فرامل - معدل استهلاك الوقود)

أهم المشاكل التي ظهرت و التي تم تغييرها بالتوكيل في الضمان نتيجة عيوب تصنيع :
- علبة الدريكسيون
- الفانوس الامامي الايسر

مع العلم أن العربية ماشية كل هذه المسافة بالقطع الاصلية التالية :
1- البوجيهات
2- فلتر الهواء
3- فلتر البنزين (28,000 كم)
4- تيل الفرامل

و في الصيانات لم يتم تغيير سوي زيت المحرك و فلتر الزيت و فلتر البنزين مرة واحدة في صيانة ال 20,000 كم

[khaabas]

متابع

[elmkaneeki]

معلش بس hd و md دول انهي موديلات

[Haitham Basha]

معلش بس hd و md دول انهي موديلات

الـ hd يعني الشكل القديم للإلنترا قبل سنة 2011
الـ md يعني الشكل الجديد للإلنترا بعد سنة 2011

[elmkaneeki]

الـ hd يعني الشكل القديم للإلنترا قبل سنة 2011
الـ md يعني الشكل الجديد للإلنترا بعد سنة 2011

تمام تمام ... امال ٢٠٠٤ اسمها ايه

[EngAhmedSakr]

تمام تمام ... امال ٢٠٠٤ اسمها ايه

إسمها ... إلنترا xd

[elmkaneeki]

إسمها ... إلنترا xd

اهي ال xd دي ارفعلها القبعة بقي

[2CODE]

ايه كمان ؟؟؟؟ مين تاني معاه النترا md

[CryptonX]

32.000 كم - اول فئة اوتوماتيك.مقطوعين جوة البلد على كام سفرية للساحل و السخنة.


الحمد الله .
0 مشاكل
0 عيوب صناعة
90% رضاء عن اداء السيارة لدرجة ان اعز اصدقائي الدريفتاوية باع جيتا هايلاين (عاملة 90 الف و بدات تفتح بقها و قرفاه) و جاب الانترا gls و مبسوط بيها.


مشكلتي الوحيدة هي في نوع الكاوتش الرديء الي نازل معاه "هانكوك" صوته عالي نسبيا على الطرق الغير ممهدة كمان بيبقى مزعج.


الحمد الله العربية اتخبطت خبطة بسيطن طيرت الفوجلايت اليمين و بحالتها دي كان في واحد حيشتريها ب 119 الف و انا كنت جايبها ب 126 :) في سنتين .(طبعا نظرا لان الفئة الاولى الان ب 150 الف).


في المجمل راضي عن السيارة جدا و ان شاء الله مش حضيع فلوس وراع "هلس" الاوروبي الي مبشوفش مميزاته الا لما اعدي ال 140 كم في الساعة و الي نادرا ما في مشاويري بعملها !

[khaabas]

والله بفكر ابيع الاكسنت ار بى واجيب الالنترا md

[2CODE]

والله بفكر ابيع الاكسنت ار بى واجيب الالنترا md

استنى لما الفيس ليفت منها ينزل مصر او ممكن تنتهزها فرصة بعد ما ينزل الفيس ليفت تدور لك على واحده مستعمله هيحسبوها الشكل القديم وهو فيس ليفت مش شكل جديد